Professional criminals sebagi djornalis
Soenggoe mendjemoeken kaloe orang batja kabar-kabarin tentang djornalis-djornalis jang ternjata tida lebih tida koerang ada toekang peres, penipoe, bangsat dan laen-laen matjem professional criminals.
Boeat bikin bersi doenia soerat kabar, orang-orang begitoe memang moesti dibikin meledak goetji wasiatnja, maskipoen ia orang terkóewing-koewing soepaja marika poenja oeroesan jang amat ”privé” (sic) atawa marika poenja perkara jang „persoonlyk” djangan dibongkar.
Boeat ini ratapan tjoema boleh dikasi satoe djawaban pendek: Semoea kadjahatan dan akal bangsat dilakoeken setjara „privé” dan ”intiem” serta „persoonlijk”，sebab mana ada professional criminals jang begitoe bodo boeat lakoeken kadjahatannja setjara jang terang ?
Semoea memang maoe tjoba mengoempet di tempat gelap dan kliwat takoet marika poenja perkara dibawa ka tempat jang terang. Di Sumatra roepanja ada journalist Jang mengarti tida boleh kasi segala badjingan kaenakan mengoempet di blakang tameng „djangan persoonlyk,
dong” dan tida merasa kasian pada orang-orang jang berlaga soetji di hadepan publiek, tapi diam-diam setjara ”privé” djadi toekang gaet ataWa laen matjem professional criminals.
Semingkin lekas ini matjem crimineele„persoonlijkheidjesn disa-Oe.............kaloear dari doenia journa Hstiek semingkin baek.
Volkslectuur dan goenting Inggris Sasoeatoe soerat kabar mempoenjai bebrapa goenting Inggris tadjem boeat petik kabaran, hingga ini goenting boleh dibilang sebagi embleem dari journalistiek besar dan ketjil.
Koran-koran Blanda di sini ada mempoenjai laen pembantoe jang setia lagi, jalah overzichtjes dari Volkslectuur jang saban-saban bikin koetiban pendek dan ringkes apa jang soerat-soerat kabar dalem bahasa Melajoe toelis atawa kadang-kadang poen tida toelis.
Ini salinan tentoe sadja djaoe dari lengkep dan compleet dan tida bisa disamaken dengen pengatahoean jang direct dari soember pertama, jalah pers Tionghoa dan Indonesiër sendiri. Tapi toean-toean jang bekerdja pada soerat-soerat kabar Blanda kabanjakan tida tjoekoep mengarti Bahasa Melajoe boeat bisa lakoeken itoe dan dari itoe merasa tjoekoep dengen surrogaat dari Volkslectuur.
Orang tentoe tertawaken journalist-journalist Timoer, kaloe iaorang tida niampoe batja koran-koran Blanda dan boeat dapet pemandangan tentang itoe abonnement pada „overzichtje koran Blanda” jang saban-saban kasi salinan Melajoe ringkes dari bebrapa toelisan dalem pers Blanda; iaorang tentoe aken ditertawaken sebab terlaloe onbenullig boeat bisa sampe ka soember pertama dan terlaloe onbeholpen boeat bisa dapetken perhoeboengan direct.
Dan kaloe begitoe, memang iaorang ada itoe harga boeat ditertawaken. Tapi 細g kerdjaken ini matjem overzichtjes-journalistiekerü soekoer boekan pers Timoer.
