"Jij noewoet penganggo dewek"
Di Bali orang prampoean jang tida berpakean boeat tcetoepin badan sabelah atas dikatain.
Tapi antjoa dengen tjaranja Marcus show girls poenja berpakean tatkala marika koendjoengin ini poelo?
MARCUS SHOW termashoer namanja dan permaenannja telah bikin gemper antero Indonesia, dan tatkala ini perkoempoelan komedie adaken pertoendjoekan di Soerabaja, banjak pamoeda-pemoeda di tempat ketjil di kiternja ini kota ”Boeaja kteng menonton boeat „loeasken pemandangan”，poen ’m- -’mpe tida maoe katingalan.
Barangkali pembatja maoe pertjaja bahoea pamoeda di poelo Bali, dari jegara sampe Den Fasser dan dari Karang Asem sampe Boeleleng, oemblahnja jang perloeken nonton ini pertoendjoekan tida sedikit itoengannja. Jang tida bisa pergi penonton lantaran kantongnja kempes, boleh merasa poeas deng’en ”tjoema” denger tjeritanja.
Dengen tida terdoega Bali dapetken „kahormatan” didafcengin oleh ini koempoelan poenja anak-anak komedie. Orang djadi gemper sekali. Dari Banjoewangi sampe di Den Passer tida laen jang dibitjaraken, selaennja itoe noni-noni poenja tjara berpakean dimana bisa bikin，mpe-’mpe jang soeda djompo djadi „Bangoen” lagi, sedeng boeat pamoeda-pamoeda, djangan tanja lagi: loepa daratan!
Dimana sadja marika liwat disitoe banjak sekali orang menonton, lelaki prampoean, toea dan moeda, percies orang nonton kapan ada circus dateng! Marika poenja tjara pakean ada sampe „Heibat dan Menarik'; ada jang pahanja kaliatan sampe wates ada jang peroetnja kaliatan tentang djendela blakang, soeda djangan tanja lagi! (Di kota-kota besar sebagi Batavia, Bandoeng, enz. masi bisa djaoe lebih „heibat” lagi dari di oedik! Red.)
Tida heran kaloe ini pertoendjoekan prodeo dapetken perhatian sebanjak-banjaknja; Zeer interessant. Apa jang loetjoe adalah prampoean-prampoean Bali jang saksiken ini, dengen setjara djinaka ada menanja pada kawannja: “Jij noewoet penganggo dewek”！(Marika telah meniroe kita poenja pakean).
Apakah ini jang dinamaken kasopanan modern, dimana sekarang bangsa kita, teroetama kaoem prampoean sedeng getol tiroe? „S. P.’’
