Apatah betoel Tionghoa peranakan tida bisa idoep di Tiongkok?
Di waktoe jang paling blakang oleh Perniagaan ada dimadjoeken suggestion, bahoea Tiong[1]hoa peranakan tida bisa idoep di Tiongkok dan lantaran ini, itoe golongan pendoedoek moesti anggep Java sebagi ia poenja tanah aer dan Tiongkok sebagi satoe negri pada siapa ia ada rasa sympathie.
Sebab katanja ubi bene ibi patria dimana akoe bisa idoep dengen senang, di sitoe ada akoepoenja tanah aer. Tapi keadahan di antero doenia selaloe berobah-robah dan satoe negri jang tadinja bisa kasi penghidoepan tjoekoep pada rahajatnja. Di laen waktoe brangkali berada dalem kekaloetan begitoe roepa, kapandean, Djikaloe Tionghoa peranakan sampe terpaksa moesti mengoembara ka laen negri, kena patah tida ka Tiongkok?
Di ini waktoe sadja, sedeng itoe negri masi kaloet dan soember[1]soember kekajahannja masi belon diboeka, ia soeda djadi tempat semboeni bagi orang-orang jang telah gagal di laen-laen tempat atawa jang tida di-idjinken ting[1]gal di laen negri. Toean Kwee Hing Tjiat, jang tjelah abis-abisan pada regime di Tiongkok, jang bentji sanget „singkeh-singkeh”，sasoedanja tida dikasi masoek di djadjahan Inggris dan Blanda, tjari tem[1]pat perlindoengan di itoe negri, dalem mana katanja Tionghoa peranakan tida bisa idoep. Lebih djaoe ada banjak sekali orang-orang jang telah gagal di laen laen tempat, pada menoempang di itoe negri leloehoer. Djikaloe ber[1]ada dalem kasenangan Tiongkok tjoema ada satoe negri pada mana orang taro sympathie, tapi djikaloe berada dalem kasoesahan, ia lantas djadi tanah aer.
Toean Kwee Hing Tjiat selaloe tjelah orang-orang jang maoe akoe onderdaanschap Tionghoa dan toe[1]lak onderdaanschap Blanda. Tapi seandenja Tiongkok tida ada poe[1]nja satoe wet karahajatan, jang trima kombali sebagi rahajat se[1]moea orang Tionghoa jang telah ilang iapoenja onderdaanschap asing, nistjaja di ini waktoe toean Kwee ada saorang jang tida poenja nationaliteit. Onderdaan[1]schap Blanda soeda ilang djikaloe orang kaloear negri zonder rapport pada consul, tapi onderdaanschap Tionghoa latent atawa actief, se[1]lama-lamanja tida ilang sampe orang mati.
