MELANTJONG
ORANG Tionghoa-totok banjak sekali jang' mengoembara dan antaranja ada jang bisa bilang iaorang' telah perna indjek lima binoea. Tapi orang Tionghoa disini biasanja sedikit sekali jang mengoembara atawa poen melantjong boeat senangin marika poenja diri. Djangan kata boeat ka loear negri, melantjong sedikit djaoe di Indonesia poen djarang jang lakoeken.
Ada orang-orang Tionghoa di West- Java jang saoemoer hidoepnja belon perna kaloear dari Java atawa poen belon perna kaloear dari West-Java. Antara orang Europa kaadahan ada berbedah sekali. Betoel djoega antaranja ada jang sebagi Immahuel Kant, jalah itoe philosoof Duitsch jang termashoer, tapi jahg saoemoer hidoepnja belon perna Pergi djaoe dari iapoenja tempat kalahiran, jalah Koningsbergen atawa sebagi toean Zaalberg almarhoem jang’ kabarnja, belon perna tinggalken Java, tapi ini ada katjoeali. Graaf Hermann Keyserling bilang dalem iapoenja boekoe ”Das Reisetagebuch eines Philoscphen" bahoea. Djalanan jang paling pendek boeat kenal diri sendiri acia djalanan jang kiterin doenia.
” Orang-orang Tionghoa disini jang melantjong ka loear negri sedikit Sekali. Kaloe jahg miskin tida bisa bikin perdjalanan djaoe-djaoe ada satoe hal jang orang gampang mengarti. Tapi djoega orang Tionghoa-prajkan jang hartawan besar, amat djarangnja jang perha melongok di loear ,,tanah Djawa” atawa di loear Jndonesia Ini boleh djadi ada salah-satoe sebabnja kenapa orang Tionghoadisini sering mempoenjai pemandangan tjoepet.
Tapi sabaliknja orang- tida oesa taro harga terlaloe tinggi pada perdjalanan dan orang jang telah bikin perdjalanan djaoe tida selaloe berpemandangan loeas. Satoe pepata Blanda kata: „Bawa koetjing ka Londen, sapoelangnja dari perdjalanan ia tetap tida bisa laen dari meong! Ada orang jang banjak taon tinggal di Europa, tapi iapoenja pengatahoean tentang cultuur Barat tjoema berwates di dansa foxtrot dan champagne.
Sabaliknja saorang- jang saoepama kata belon perna liat doenia jang ]oeas sebagi Kant, terkenal sebagi salah-satoe achli pemikir jang paling besar. Djoega Lao Tze perna kata dalem Tao Teh Ching: „Zonder melongok dari akoe poenja djendela akoe kenal iao.” Tapi biarpoen begini oemoemnja perdjalanan ada berfaedah, maskipoen tjoema boeat dapet liat pemandangan- pemandangan jang indah atawa jang saoemoer hidoep kita, kita baroe liat.
