Balans Dari Keadahan Doeloe Dan Sekarang
SinPo.id - SATOE so-erat kabar Indonesier di Soerabaja moelai berseroe soepaja orang-orang Indonesier jang berlajar dari satoe ka laen poelo dalem kapoeloan ini, moesti berichtiar aken berlajar dengen kapal.......... bangsa sendiri.
Ini kainginan kaliatannja sebagi impian, tapi boekan ada satoe perkara jang tida bisa mendjadi. Kerna orang-orang Indonesier, sebagi djoega orang Tionghoa, di djeman doeloe ada orang-orang perlajaran jang tjakep dan gaga brani. Dan ini soemanget perlajaran roepanja aken idoep kombali.
Ma Hoean, saorang Tionghoa-Islam jiang termashoer sebagi tolk dan secretaris dari Sam Po atawa Taykam The Ho jang djoega terkenal dengen, seboetan Kijai Dampoe Awaog, ada toetoerken tentang oepatjara pernikahan di djeman karadjahan Modjopait bahoea dalem pesta pernikahan (ngoendoeh mantoe), pendanten lelaki ada hatoerken pada penganten prampoeannja kapal-kapalan ketjil sebagi tanda menghatoerken slamet. Inilah ada satoe tanda jang mengoendjoek soemanget bangsa Djawa di masa itoe poen ada soemanget orang perlajaran.
Dan orang haroes inget djoega waktoe antara Malaka dan Modjopait poenja perhoeboengan genting dan djoestroe orang-orang Portugees dalem taon 1511 doedoekin itoe negri, angkatan kapal-kapal perang Modjopait poen ada dalem perdjalanan aken tempoer Malaka.
