K A K O E A T A N N J A A E R
SinPo.id - Orang oemoemnja tida begitoe??taoe” aer poenja koewat?sabelonnja ada bandjir besar, jalah dalem koetika mana sang aer jang terkenal paling lembek oendjoek ia poenja tenaga jang besar. Dalem bandjir jang sekarang di Tiongkok, boeat sakean kalinja aer oendjoek ia poenja koewat. Banjak orang jang sesalken pamerentah Tiongkok, jang tida maoe „djaga” aer, jang tida maoe „tjegah” bahaja bandjir. Publiek oemoemnja tida taoe, jang „tjegah bahaja bandjir” boekan ada satoe perkerdjahan jang gampang. Djoega negri-negri jang terkenal kaja, tnadjoe dan sopan kaliatan tida bisa tjegah bahaja bandjir, maskipoen kali- kali di iaorang poenja negri tida lebih dari solokan kaloe dibandingken dengen kali-kali di Tiongkok. Begitoelah soengei Seine di Parys ttieloewap dalem tahon 1914 dan baroe ini terbitken bandjir kombali, toch Parys sering dinamaken poesatnja kasopanan.
Soengei Thames di London poen masi sering meloewap dan dalem tahon 1914 terbitken banjak bahaja. Toch di itoe tahon aer soengei Thames tjoema naek 5 kaki! Kali-kali di Tiongkok kaloe naek, boekan bilang kaki, tapi bilang poeloe kaki; begitoelah di Chungking aer kali bisa naek sampe 70 a 90 kaki dan di Hankow 30 kaki! Selaen dari itoe negri laen tjoekoep sedia oewang, tapi Tiongkok tida poenja oewang dan kaloe maoe tamba hasil dengen naekin tarief bea, negri-negri asing..... melarang 1 Boeat tjegah bahaja bandj i r ada doea djalan, jalah bikin gili-gili atawa bikin dalem kali-kali, satoe perkerdjahan jang tida gampang.
Perkerdjahan boeat bikin soengei Thames di London tida bisa bandjirbandjir lagi ada perkerdjahan anak ketjil, kaloe dibandingken dengen perkerdjahan jang moesti diadaken boeat tjegah bahaja bandjir dari soengei Yang tze kiang (aken seboet sadja ini s a t o e soengei). Boeat bikin soengei Yang tze kiang tida bisa bandjir lagi orang moesti bekerdja 2500 kali poenja berat dari kaloe orang maoe tjegah bahaja bandjir soengei Thames di London. Perhatikenlah, Ijoeat tjegah bahaja bandjir satoe soengei Thames di London orang Inggris jang kaja belon mampoe ! Tapi orang soeda maoe terlaloe sesalken pamerentah Tiongkok sebab tida maoe" tjegah bahaja bandjir dari satoe soengei jang besarnja dan dalemnja difangkep satoe bisa di“ bandingken dengen doea r i b o e 1 i - m a ratoes soengei Thames.
