Soerat dari negri Olanda

SinPo.id - Dalem kita poenja soerat jang doeloean, kita soeda bilang Nederland ada satoe negri jang loear biasa. Ia poenja ketjil djoega ada satoe hal jang kaliatan njata; Nederland ada sebagi negri Lilliput dalem Gulliver poenja Travels. Segala „oekoeran" disana ada oekoeran ketjil; toemploekan pasir iaorang namaken goenoeng, Begitoelah dalem provincie Utrecht ada goenoeng Galgenberg jang tingginja........... 107 Meter! (Goenoeng Smeroe di Java tingginja kira.kka 3500 M.!) Dalem provincie Overysel ada satoe „goenoeng*’ bernama Hellendoornscheberg jang tingginja (atawa lebih bener katenja) 48 M ! Dalem provincie Limburg di sabelah Selatan dari Vaals ada satoe tempat jang tingginja kira kira 300 M; itoe ada negri Olanda poenja Mount Everest..........

Satoe mangkok aer di sabelah Timoer dari provincie Noord Holland iaorang namaken. . . . „laoetan” jalah Zuiderzee atawa Lam Yang ! Ini „laoetan” lagi giat dibikin kering........................ Provincie-provincie di Nederland ada moengil-moengil sekali; dan kaloe orangdoedoek kreta api dari sabelah Barat ka djoeroesan Timoer............dengen tida mendoesin lagi orang dikasi taoe soeda ada di.............. Duitschland, sebab wates negri Olanda soeda lama diliwatin! Kita tida taoe apa ini geographische kleinheid pengaroeken orang Olanda poenja pikiran atawa tida; kiia tida brani bilang, sebab kita boekan speci. list, boekan doctor dan psychiater, Tapi satoe penoelis Olanda sendiri ada bilang (Dr. H. J. Boeken dalem ia poenja boekoe tentang ,,Giosue Carducci"): „Het heerlijke berglandschap kan zijn bewoner en datjelijksche beschouwer gewennen aan andere verhoudingen des geestes, aan een ander rtiijihme van bewust en onbewust geestesleven, dan waartoe het Hollandsche Wandschap in staat is den mensch te brengen” atawa dengen ringkes: Itoe Pegoenoengan-pegoenoengan jang tinggi (di Italië) ada lebih gampang membangoenken ambekan-ambekan jang besar dari itoe tanah rata jang dinamakenNeder’’-land.

Selaennja rata di Nederland banjak sekali kali-kali ketjil dan solokan so- lokan Lantaran banjak aer tentoe sadja banjak kodok jang berkerak-kerok. Koetika Victor Hugo (itoe penoelis Fransch jang terkenal) koendjoenginNederland, ia merasa ketarik sekali dengen itoe kodok-kodok dan bilang Bahasa Olanda djoega kerak-kerok : „La langue, c’est l’ètang; on entend coasser Sous le mot la consonne, et dans l’eau la grenouille” atawa menoeroet salinan dari A. G. van Hamel dalem „De Gidsu („Victor Hugo in Nederland"): „De taal is als de sloot; in beide hoort ge kwaken: De kikkers onder’t kroos, de klanken in de keel” atawa dalem bahasa Melajoe kira-kira : „Bahasa Blanda seperti rawa ; swara kodokdi solokan Swara kodok di tenggorokan’’ (Orang djail tentoe tambaken : dan soemanget kodok dalem plietiek). Seperti orang taoe nickname, nama sindiran boeat bangsa Olanda ada N'ck Frog atawa Jan Kikker alias Jan Kodok. Lantaran banjak kali kali, tentoe sadja di Nederland seringkali bandjir. Dalem tahon 1916 bandjir besar sekali, hingga Waterland (7751 H A besarnja), Purmerland (900 H. A), Kwadyker Koog (180 H. A.), Binne Purmerend alias Vurige Staart dan banjak sekali jang laen-laen lagi pada karendem aer.

Di Durgerdam aer naek sampe begitoe tinggi, hingga djendela-djendela tjoema kaliatan bagian atasnja sadja! Di sabelah Selatan ada satoe tempat, Beersche Overlaat, jalah satoe „lobang pintoe” bandjir jang soeda disediaken boeat aer bandjir naek ka darat jangtida terpake........... (Satoe soerat kabar Melajoe, di Batavia toelis: Wah, tjohke esay sekali; di Nederland tida bandjir-bandjir, boekan seperti di Tiongkok........... Betoel di Nederland ta’ bandjir-bandji'r, tjoema sabentarbentar karem sadja........... Red.) Lantaran banjak aer dan hawa di moesin dingin ada loear biasa dinginnja orang Olanda djadi satoe bangsa jang soeka barang „Anget” Begitoelah orang Olanda soeka sekali isep tjeroetoe.

Edmondo d’Amicis, satoe penoelis Italië jang terkenal, telah bilang lisong ada sebagi djeridji kasabelas dari bangsa Olanda, sebab koetika koendjoengin itoe negri ia djarang liat orang Olanda jang tida pegang seroetoe atawa pipa. Djoega ia orang dojan brandy, sebab brandy djoega bikin badan anget .,. dan „lekker warm”. Pena saja soeda kering; sampe katemoe lagi.