Djoemblanja boekoe-boekoe Tionghoa.
SinPo.id - Lantaran bangsa Tionghoa ada bangsa jang toewa sekali, tida poen heran djoemblanja iaorang poenja boekoe- boekoe loear biasa banjaknja, belon teritoeng boekoe-boekoe jang telah linjap atawa terpendem tida katahoean.
Menoeroet Alexander Wylie (Notes on Chinese Literature, p. XXI), boekoe- boekoe jang diterbitken di bawa perlindoengannja baginda-baginda dari ahala Tjing sadja djoemblanja ada 171 242, tida teritoeng boekoe-boekoe tjerita dan dongeng-dongengan.
Itoe 170,000 boekoe-boekoe lebih meloeloe moewat toelisan-toelisan jang berhoeboeng dengen Khong Tjoe poenja peladjaran, djadi nja boekoe-boekoe jang berhoeboeng dengen igama Boedha atawa Too (Tao) tida masoek teritoeng. Djoemblanja boekoe-boekoe dari peladjaran Boedha dan Lo Tjoe tentoe sadja djoega besar djoemblanja.
Wylie djoega wartaken dalem abad ka X (djadinja kira-kira ïooo tahon jang laloe) soeda ada satoe encyclopaedic Tionghoa jang terdiri dari saratoes doea poeloe djilid, jang samoea tjoema tjatet dan loekisken dengen pendek Ssinja boekoe-boekoe ig&ma Boedha. Djoega itoe koetika ada catalogue boekoe dari doea poeloe djilid jang tjoema moewat namanja boekoe-boekoe jang berhoeboeng dengen igama Too sadja.
Bebrapa banjaknja boekoe-boekoe dari laen-laen tjabang pengatahoean sebagi hikajat, ilmoe obat, pertanian, tooneel, enz., orang bisa doega sendiri dengen dengen goenaken 140 djilid boekoe jang meloeloe moeat nama dan isinja dengen ringkes dari boekoe-boekoe Boedha dan Too sebagi boekoe-boekoe jang terkenal di itoe djeman sadja, jalah 1000 tahon berselang.
Hikajat Tionghoa sampe tahon 174.7 dalem Cambridge Library Edition di Engeland ada terdiri dari 219 djilid besar. Baginda Kang Hie poenja woordenboek jang terkenal terdiri dari 36 djilid besar. Tentang bangsa Tionghoa poenja hikajat, Dr. Legge bilang : „No nation has a history so thoroughly digested, and, upon the whole, it is reliable (The Chinese Classics, Vol. I, p. 134).
Dalem tahon 1321 Ma Ioan Lin ter- bitken ia poenja encyclopaedic jang terdiri dari 348 djilid dan Remusat bi- lapg, kaloe dioepamaken dalem bahasa Tionghoa tjoema ada ini satoe boekoe, bahasa Tionghoa soeda berharga boeat dipeladjarken : ”This excellent work is a library in itself, and if Chinese literature possessed no other, the language would be worth learning for the sake of reading this work alone”.
Legge sendiri bilang : ”It does indeed display all but incredible research... digested in three hundred and forty- eight books”(The Chinese Classics). Bangsa Tionghoa mempoenjai banjak sekali encyclopaedies koeno; antara laen-laen Ku Chin Tu Shu Chih Cheng ada jang berharga boeat diseboet. Ini kitab disoeroe bikin oleh baginda Kang Hie dan orang jang dapet ini titah ada Chen Meng Lei, satoe. . . . revolutionair jang dikasi ampoen !
Dalem British Museum orang bisa liat ini boekoe toewa jang terdjilid da- lem 745 boekoe-boekoe. Djoega Ko- nigliche Cibliothek di Berlyn dan Bi- bliotheque Nationale di Parys ada simpen ini kitab Tionghoa koeno.
