Begimana Kemadjoean Lontjat

SinPo.id -

Soeda sering dibilang bangsa Tionghoa dan laen-laen bangsa Timoer lagi ngalamin djeman kemadjoean jang pesat sekali. Dalem bebrapa hal kemadjoean terseboet soenggoe moesti dianggep loear biasa dan boleh dikagoemken; dalem bebrapa hal itoe kemadjoean boekan berdjalan, tapi sepertilontjat dengen kaget.

Antara pamoeda-pamoeda Tionghoa jang mengarti ampat lima bahasa asing, boekan sedikit jang masi mempoenjai iboe jang tiada bisa membatja atawa menoelis sama sekali (analphabeet). Dan antara orang-orang Tiorghoa jang bergelaran Dr, atawa laen-laen gelaran sekola tinggi, boekan tjoema satoe

doea jang mempoenjai orang toewa jang tida perna sekola sama sekali atawa jang mempoenjai iboe jang „boeta soerat”.Ini kemadjoean boekan sedikit: dari iboe jang tida bisa soerat sampe anak jang bisa ampat lima bahasa atawa jang bergelaran sekola tinggi! Ini kemadjoean dalem satoe toeroenan ada begitoe poenja mengagetken, hingga bisa inamaken satoe revolutie jang besar.

Tapi boekan dalem oeroesan peladjaran sadja orang bisa liat begimana kemadjoean maen lontjat dan seperti langkahin berabad-abad dalem tempo tjoema satoe toeroenan. Dalem hikajat Tiongkok jang paling blakang orang menampak begimana lampoe pelita kelak-kelik boekan dengen pelahan ditoekar dengen lampoe gasoline doeloe dari qualiteit djelek dan lampoe gasoline qualiteit dengen pelahan dirobah mendjadi lampoe gasoline qualiteit lebih baek, tapi lampoe pelita dengen mendadak ditoekar dengen lampoe liestriek jang paling baroe. Dari jang paling koeno orang lontjat ka barang jang paling baroe.

Dalem hikajat Europa djeman berklai dengen to j a dan golok besar dan djeman berperang dengen masin terbang berpisa satoe pada laen oleh berabad- abad. Di djeman Carolus Magnus (abad ka 8) orang perang dengen golok, toembak enz. dan baroe dalem abad ka 20 orang berperang dengen masin terbang, jalah itoe perobahan berdjalan dengen pelahandalem tempo koerang lebih 1200 tahon. Tapi di Tiongkok dalem tahon 1900 (djadinja baroe 24, dan boekan 1200, tahon berselang) rang masi perang

dengen bawa dji mat, tapi sekarang orang berperang dengen meriam masin dan masin terbang Ui Europa republiek-republiek toemboe dengen pelahan; radja-radja di sana tadinja berkwasa besar sekali; blakangan iaorang poenja kakoeasahan diwatesken ;blakangan lagi rahajat poenja pengaroe semingkin bertamba dan kamoedian lagi di sana sini moentjoel republiek zonder pake radja lagi. Itoe systeem „pake radja” djadinja seperti mati sendiri dengen pelahan dan ampir tiada terasa.

Tapi di Tiongkok itoe systeem boekan mati dengen pelahan lantaran „soedasampe oemoer”? di sana itoe system „pake radja” seperti diboenoe mampoes dengen mendadak, hingga itoe system boekan mati dengen „sawadjarnja”?tap1 lantaran ditoembles. Tapi jang paling njata ada itoe kemaHjoean dalem perkara peladjaran? sang iboe masi tida bisa membatja daP menoelis tapi sang anak bisa ampat lima bahasa atawa bergelaran sekola tinggi; sang iboe masi kira doenia si’ kak atawa tjeper, sang anak kenal theo* rie-theorie dari Lorentz dan Einstein.?•••

S.