Oeroesan menika dari bangsa Tionghoa
SinPo.id - Dalem kitab Shu Ching ada dibilang Di djeman poerbakala orang Tionghoa hidoep bertjampoeran hingga tida ada swami atawa istri; anak-anak jang terlahir lantaran itoe tida taoe siapa aJahnja dan tjoema taoe iaorang poenja basing masing iboe. Blakangan baroe ada ”nikahan”?hingga saorang prampoean tjoema boleh Mempoenjai satoe swami sadja. .Menoeroet katanja satoe nialoemat Jang kaloear dalem tahen 484 (itoengan masehi) di djeman Hsia dan Shang orang-orang dari satoe kaoem (clan)masi boleh menika, tetapi di djeman chou dikaloearken satoe larangan boeat nicnika dengen orang jang satoe she.
Ini atoeran sampe di ini saat masi ditoeroet oleh banjak orang Tionghoa, di itoe djeman djoega telah dika-loearken wet aken melarang orang lelaki menika dengen lima matjem orang prampoean?jalah : l. orang prampoean dari kaloe warga aoem pembrontak. ll. orang prampoean dari kaloewarga tida beres. lll. Orang prampoean dari satoe roemah tangga jang banjak kaloerin pendjahat-pendjahat. IV. Orang prampoean dari roemah tangga jang mengandoeng penjakitle-pra V. orang prampoean jang tida poenja ajah dan engko.
Orang prampoean jang djanda di itoe djeman dilarang menika kombali,banjak abad blakangan, jalah dalem djemannja abala ming, anak-anak jang belon terlahir kadang-kadang soeda ditoendangin satoe pada laen, tapi ini kabiasahan soeda dilarang oleh pamerentahan ching. Satoe kabiasahan aneh ada,, nikahan sasoedanja meninggal („Ming Hun”), kaloe dalem satoe familie satoe anak lelaki jang belon menika meninggal orang toewanja minta pertoeloengannja satoe mah tjomblang aken tjari satoe famile jang telah kailangan satoe anak prampoean jang tida berdjaoehan oe-moeroja. Ini doea orang moeda jang meninggal dinikaken dan segala peradatan menika didjalanken soenggoe-soenggoe. Sebagi gantinja si doea kemanten orang goenaken masing-masing poenja sin-tjhie. Djoega sering kadjadian saorang mati dinikaken dengen saorang hidoep. Oepama ada doea orang moeda jang bertoendangan, tapi sabelonnja menika jang satoe mati; jang hidoep bisa dinikaken dengen jang mati dengen goenaken jang mati poenja sin-tjhie sebagi .pengganti kemanten. Sasoedanja republiek Tiongkok didiriken orang telah kaloearken satoe Burgerlyk Wetboek baroe jang Sebagian telah tersalin dalem bahasa Olanda oleh B. A. J. van Wettum. Dalem ini Burgerlyk Wetboek baroe di Tiongkok antara laen-laen ada ditetapken satoe anak lelaki tiada boleh menika di bawa oemoer 18 dan satoe anak prampoean tida boleh menika dibawa oesia 16. Nikaban antara doea orang jang satoe she masi dilarang teroes.
Soewal menika dengen orang jang satoe sheh soeda taoe dibitjaraken dengen rameh dalem soerat kabar Tionghoa-Banjak orang Tionghoa jang masi anggep satoe ”dosa” kaloe doea orang jang satoe sheh menika satoe pada laen. Kaloe orang maoe pegang tetap itoe „adat kabiasahan”?itoe ada sasoeatoe orang poenja oeroesan sendiri; tapi kaloe orang maoe dasarken orang poenja anggepan atas boekti-boekti atawa atas pengatahoean itoe adat kabiasahan soesa sekali dibelaken. Betoel ada satoe hal jang dianggep sebagi satoe hal jang teroesa diboektiken lagi, bahoewa nikahan antara doea orang jang bersanak terlaloe dekat tida baek adanja. Ini bisa ditetapken oleh pengatahoean. Kaloe satoe iboe menika dengen ia poenja anak sendiri, iaorang poenja anak poenja keadahan badan dan soemanget oemoemnja djelek? apa sebab tjampoeran dara jang terlaloe dekat tida baek boeat toeroenan ada satoe hal jang tida atawa belon bisa dioendjoek dengen tjoekoep terang. Tapi kaliatan alam sendiri tida maoe diadaken tjampoeran dara terlaloe dekat. Djadinja ada satoe hal jang sanipe berdasar kaloe orang maoe tjegah sang iboe menika dengen anaknja sendiri atawa soedara prampoean menika dengen soedara lelakinja.
Sebab nikahan antara doea orang jang bersanak terlaloe deket soeda ternjata tida baek. Dan kaloe itoe kabiasahan boeat pandang tida baek nikahan antara doea orang dari satoe sheh bisa didasarken begitoe djoega, orang jang beranggepan demikian ia poenja anggepan moesti dibilang bener. Tapi itoe anggepan tida bisa didasarken begitoe, sebab orang tida bisa bilang jang orang jang shehnja sama selaloe ada sanak dekat. Banjak kali doea orang jang shehnja sama tida bersangkoetan familie lagi sama sekali. Boleh djadi orang maoe bilang : Tapi jang shehnja sama, toch oendjoek jang iaorang ada dari „satoe” toeroenan. Betoel, tapi kabanjakan itoe perhoeboengan familie (verwantschap) soeda terlaloe djaoe boeat bisa digoenaken sebagi sebab. Orang jang shehnja laen atjapkali adabersanak djaoe lebih dekat dari doea orang jang shehnja sama. Oepama ada satoe nona dari Pekingjang sheh Thio (Chang) clan kamoedian ia dateng ka Soer baja '-«.temoeken- au satoe pemoeda kalahiran sini jang djoega sheh Thio.
Ini pamoeda poenja khong tjo-khongtjo dioepamaken soeda bërabad-abad berdiam di Java. Sekarang itoe doea orang sheh Thio hendak menika ; apa tida ada satoe hal jang geeloo boeat bilang iaorang tida boleh menika, lantaran........... bersanak terlaloe , dekat??? Tapi itoe pamoeda Thio sebaliknja dikasi menika dengen sala satoe kaponokannjajang shehnja laen. Toch tida ada satoe orang bisa bantajang ia bersanak djaoe lebih dekat dengen itoe kaponakan (nicht) jang laen sheh dari dengen itoe nona dari Peking jang shehnja sama. Dengen ringkes orang tida bisa bilang sebabnja kenapa orang jang sheh sama tida boleh menika satoe pada laen ada lantaran „bersanak terlaloe dekat”. Orang jang shehnja sama memang bisa bersanak terlaloe dekat boeat menika, tetapi ini tida selaloenja begitoe. Dalem banjak hal, ini tiada begitoe.
