TERANG BOELAN...

SinPo.id -  Oemoemnja di waktoe terang boelan orang poenja hati ada sanget ketarik sama itoe tjahaja jang gilang goemilang- Orang-orang jang biasanja siang-siang soeda menggeros di atas pembaringan di waktoe terang boelan kabanjakan telah Paksaken diri boeat masoek tidoer lebih laat; anak-anak moeda jang soeka sama tetaboean, kaloearken iapoenja instrument boeat kasi denger lagoe-lagoe jang Paling disoeka olehnja, sendirian atawa berame sama kawan-kawannja. Pendek di waktoe terang boelan masing-masing orang tjari kasenangannja sendiri jang ? rasa satimpai sama keada£annja itoe nialem jang terang!

Tjoema bagi akoe sendiri ada laen ; 'kapan terang boelan dan akoe memandang ia poenja tjahaja jang bergoemilang Serta lajangken akoe poenja pikiran, z-onder terasa lagi segala kasedian lan- tas dateng menindi akoe poenja liati. Dan kasedian itoe bertamba brat lagi terasanja bila akoe liat anaknja entjek ?oe 'I'jay jang tinggal di sebrang roe- makoe dan baroe menika. la boleh di bilang ada satoe anak moeda jang broen- toeng, di bawanja sinar boelan jang erang ia bersama istrinja ada kaliatan berdoedoek di antara poehoen-poehoen kembang jang tertanem di dalem pekarangan roemanja sembari asik pasang omong jang mengoendjoek manisnja Marika poenja pengidoepan.'

?.Ah?” akoe mengela napas, „tjahaja remboelan jang begitoe permei roepanja tjoema orang jang idoep broentoeng sadja bisa rasaken sedepnja sedeng boeat akoe jang tida poenja peroentoengan Seperti itoe anaknja entjek Yoe Tjay ... Ah !”

Ja, akoe poenja aer mata moesti mc- lele apabila akoe pikirken keada'an di- rikoe sekarang .... latkala akoe poenja iboe jang tertjinta belon menoetoep mata, kerep kali akoe ditanja olehnja gadis siapa akoe ada penoedjoc, tapi sebab itoe waktoe dalem hatikoc belon ada jang dipenoe- djoe dan lagi sebagi anak moeda akoe sedeng bertjahaja — masi ada banjak tempo aken pili-memili djadi pertanjahan iboekoe -itoe akoe soeda tida begi- toe perhatiken.

Tapi helaas! dasar nasibkoe kliwat djelek, tida lama kamoedian iboekoe jang tertjinta telah tinggalken padakoe hingga kasananja boleh dibilang tida ada orang lagi jang pikirken akoe poenja diri. Akoe moesti tjoba boeat berdaja sendiri, ka segala djoeroesan akoe pasang mata, tapi apa sial akoe soeda tida beroentoeng boeat dapetken gadis jang ada terpeta dalem akoe poenja angen-angen! Ah, dasar peroentoengan, akoe poen tida bisa laen dari sesalken peroentoengan diri sendiri jang begini cljeiek!

Dengen perasahan tertindi akoe dongak memandang pada remboelan jang sinarnja djadi goerem dan di awang- awang akoe liat ada sedikit mega jang tertiocp angin menoetoepin itoe lampoe alam, hingga ia poenja tjahaja djadi poetjet seperti orang lagi sakit. Tapi ini tida mendjadi soeatoe halangan bagi sang boelan, sebab begitoe lekas itoe mega liwat roepanja jang bergoemilang lantas teroendjoek lagi, tida seperti akoe, satoe kali sang tempo berlaloe, itoe tjahaja moeda jang bersorot terang teroes ilang tida bisa balik kombali.

Dengen perasahan tertindi akoe dongak memandang pada remboelan jang sinarnja djadi goerem dan di awang- awang akoe liat ada sedikit mega jang tertiocp angin menoetoepin itoe lampoe alam, hingga ia poenja tjahaja djadi poetjet seperti orang lagi sakit. Tapi ini tida mendjadi soeatoe halangan bagi sang boelan, sebab begitoe lekas itoe mega liwat roepanja jang bergoemilang lantas teroendjoek lagi, tida seperti akoe, satoe kali sang tempo berlaloe, itoe tjahaja moeda jang bersorot terang teroes ilang tida bisa balik kombali.

dikatjain bisa bikin aer-mata lantas berketel?apalagi bagi akoe jang belon beroentoeng dalem perdjodoan. Oh. betapa brat itoe perasahan jang menindi akoe poenja hati, itoelah tiada saorang bisa katahoei !

Doeloe, koetika akoe sedeng berljaha- ja, tida sekali akoe maoe ladenin segala lirikan dari mata si manis jang ditoedjoeken atas dirikoe, tapi tida brapa lama keadahan itoe lantas berbalik, apa jang doeloe akoe berboeat pada iaorang akoe sendiri sekarang dikasi tjitjipin rasanja. Kadang-kadang akoe djadi mendongkol sekali lantaran tida dapet perhatian dari si djiwa hati kendati di hadepan marika akoe tjoba berlakoe gallant sabrapa bisa; tapi kapan akoe poenja zenuw soeda adem, sigra djoega akoe mendoesin dan mengarti apa artinja itoe semoea. Ja; akoe taoe jang akoe tida boleh mendongkol, dan kaloe maoe mendongkol lebih doeloc misti mendongkol pada diri sendiri. Apa jang laen orang sekarang berboeat atus dirikoe, 'itoe melaenken ada bajangan-ba- jangan dari akoe poenja perboeatan di waktoe akoe sedeng bertjahaja!

Akoe mendongak poela. Boelan jang terang teraling oleh mega dan tjoema kadang-kadang sadja oendjoek roman- rija jang olehkoe terliat laksana gadis sedeng mengintip di blakang kere pintoe aken taoe apa jang akoe kerdjaken, ja akoe jang dari setadian doedoek ter- menang-menoeng di bawah itoe lampoe kajangan Sampe djaoe malem akoe baroe brasa ngantoek, dengen tinggalken sangrem- boelan akoe lantas pergi tidoer. Tapi berbagi-bagi pikiran masih teroes menggoda padakoe, hingga sampe ajam. ber- kroejoek akoe belon dapet poeles.

GEE.