Perdjodoan jang lida beroentoeng
SinPo.id - „Mendjaga orang toea memang ada djadi kawadjibannja sasoeatoe anak?’’ kata Tiong Djin. „Di waktoe biasa sasoeatoe anak haroes berlakoe begitoe- apapoela sekarang ini keadahan acla sedeng roesoe, kaloe satoe anak boleh tinggalken orang toeanja, perloe apatah orang koedoe mempoenjai anak ? Kaloe maoe dibilang jang kita tida bergoena aken mati sama-sama dan lebih baek akoe melindoengken diri boeat menjam- boeng toeroenan kita poenja laloehoer, ini kawadjiban akoe rasa bisa dilakoeken oleh ’nko Pek Ho, djadi aköe tida perloe misti berlaloe dari dampingmoe.”
Lantaran Tiong Djin salaloe membanta, maka apa boleh boeat Kek Lim biarken anaknja teroes tinggal bersama- sama di roemah. Bertambah hari keadahan djadi bertambah kaloet, kaoem Pakoenthauw telah bersariket sama tentaranja Generaal Tang Hok Siang aken basmi orang-orang asing, dan di sakiternja gedong oetoesan-oetoesan loear negri di Peking ada bergroemoen kaoem peroesoe jang hendak bikin penjerangan. Itoe waktoe di dalem kota tida ada tertampak laen dari rombongan-rombongan kaoem Boxer, hingga Kek Lim jang liat itoe keadahan tida brani dateng di kantoornja. Ia semboeniken diri di roemah dan toetoep pintoenja rapet-rapet.
Lantaran meliat itoe gelagat jang tida baek, kombali Kek Lim titahken anaknja boeat menjingkir dari itoe tempat jang berbahaja, tapi Tiong Djin telah tolak dengen kata : „Kaloe kaoe maoe soeroe akoe saorang melindoengken diri sendiri, kendati bagimana djoega akoe tida brani berboeat, ’pa. Toeroet akoe poenja pikiran, baek kita berlaloe dari Peking sadja dan maski katanja ambtenaar- ambtenaar tida di-idjinken verlof? tapi kaloe dibandingken antara djiwa dan pangkat toch djiwa ada lebih berharga, apapoela kaoe boekan ada satoe ambtenaar jang wadjib melindoengken kaslametannja satoe kota, maka perloe apatah berdiam lebih lama di sini ? Lagi ini peroesoean ada dibikin oleh prins-prins dan ambtenaar-ambte- naar besar, kita toch tida mistinja toeroet iaorang poenja kamaoean”.
„Maski begitoe toch akoe acla poenja kawadjiban djoega, kaloe samoea-samoea maoe merat, siapakah jang misti oeroes pakerdjahan di kantoor?” kata sang ajah. „Kendati brapa hari ini akoe tida dateng di kantoor, tapi kaloe ada oeroesan apa-apa iaorang bisa kasi taoe kamari dan akoe boleh lantas oeroes. Nanti kaloe keadahan soeda djadi sanget berbahaja, kita poen belon laat aken singkirken diri’Oleh kerna ajahnja berkeras tida maoe tinggalken kawadjibannja, Tiong Djin tida bisa berboeat apa-apa aken adjak ia menjingkir dari itoe tempat bahaja. Brapa hari kamoedian, kabar tentang diboenoenja Gezant Duitsch telah sampe di koepingnja Kek Lim, dan itoe waktoe kombali Tiong Djin minta ajahnja aken lekas berlaloe dari Peking, tapi sang ajah masi teroes berkeras tida maoe laloe.
Pengaroehnja kaoem Pakoenthauw itoe waktoe ada amat besar, sampe iboe soeri Tjoe Hie poen pertjaja jang itoe gerakan nanti bisa membasmi setan-setan asing di Tiongkok. Maka berseleng doea hari dari diboenoenja itoe Gezant Duitsch, dalem soerat-kabar di Peking ada termoeat satoe firman keizer jang menjatji orang-orang asing dan poedji gerakan Gie Ho Toan. Kek Lim jang tida kaloear dari roemah poen dapet batja djoega boenjinja itoe firman, dan sasoeda batja itoe ia laloe mengelah napas sembari kata :
„Sabegimana itoe firman ada bilang, itoe orang-orang asing memang haroes dibentji lantaran iaorang soeda menghina negri dan rampas kita poenja tanah, tapi kanapakah pamerentah tida maoe berdaja boeat lawan itoe dengen perbaekin keadahan'' kita sendiri soepaja bisa bertanding pada marika. Seperti sekarang, apatah goenanja misti. soeroe kaoem peroesoe aken berklai dengen tangan kosong ?" ”Ini firma tida bedanja sama tantangan perang pada negri-negri asing sekarang hoeroe-hara besar soeda ada di depan mata, maka baeklah kita lekas berlaloe dari sini”, kata Tiong Djin. ”Toenggoe sedikit hari lagi, kaloe soeda kapaksa kita nanti boleh angkat kaki.”
Baroe sadja Kek Lim habis oetjapken ini perkatahan, di loear pintoe ada kadengeran soeara riboet?jang toeroet, katanja ia poenja orang, itoe ada soeara tentaranja Generaal Tang Hok Siang jang tertjampoer sama kaoem Pakoenthauw dan liwat di sitoe aken serang Legatie-legatie asing. Tiong Djin djadi kaget mendenger perkatahan itoe, maka ia laloe berkata pada ajahnja : „Baeklah kita berlaloe,pa?bila kita toenggoe-toenggoe lagi nistjaja djadi kapiran’?.
Kek Lim sendiri poen mendjadi kaget? ia laloe soeroe istrinja beresin barang-barang jang perloe boeat sedia aken brangkat di esok harinja. Tapi keadahan di itoe waktoe soeda djadi kaliwat roesoe, sasampenja waktoe malem soeara orang ada begitoe riboet dan di bebrapa tempat ada kaliatan api berkobar. Meliat keadahan itoe Tiong Djin poenja hati djadi penasaran, ia laloe kaloear aken tjari taoe jang soeda kadjadian, dan di mana djalanan-dja- lanan ia tjoema menampak kaoem Boxer moendar-mandir kean kamari sembari bertreak-treak jang katanja maoe bakar gredja, maoe bakar gedong-ge- dong Gezant, boenoe bangsa asing dan laen-laen. Djalan sampe di straat besar Tiong Djin tida brani bertindak lebih djaoe lagi, dan dari sitoe ia laloe balik poelang. la tida taoe, samentara ia pergi kaloear tadi, dalem roemahnja telah terdjadi satoe perkara jang sanget ngeri.
(Aken disamboeng).
