Berladjar sendiri Dubbel-Boekhouden (Maandelijksche Methode)

SinPo.id - § 26. Pemetjahan dari Barangbarang Rekening menoeroet kaperloean dari peroesahan. Dalem ilmoe Dubbel-Boekhouden sama-sekali tida ada katetapan jang pasti bagimana orang misti atoer ia poenja boekoe boekoe. Ini malaenkan menoeroet adanja kaperloean dari satoe-satoe peroesahan. Dalem kita poenja boekoe Dagelyksche Methode § 72?koetika bitjaraken enkelvoudige rekening dan collectieve rekening, achirnja kita soeda ambil djalan adaken Barang-barang Rekening sabagi gantinja Rekening „Apollinaris”? „Jules Robin’’?'„Katjang polong", „Mentega Australie” dan „Bordeaux wijn”. Tapi orang djangan loepa jang i-toe ada pembitjarahan prihal dagangan Provirrci.cn en Dranken jang kabanjakan dirangkep dengen dagangan k'ontong. Dalem dagangan begitoe, matjemnja barang ada terlaloe banjak dan kaoentoengan jang bisa didapet dari satoe matjem barang ada terlaloe ketjil aken perloe diadaken satoe rekening bagi satoe-satoe matjem barang. Kaloe djoemblahnja kaoentoengan oepama ada f 20.000.— dalem satoe tahon, nistjaja ini artinja kaoentoengan jang didapet dari samoea barang, hingga bisa ada brapatah kaoentoengan jang  dan sabaginja ? Belon teritoeng barang klontong jang tentoe djoega ada toeroet ambil bagian dalem itoe kaoentoengan. Soenggoe tida salah bilah bagi itoe samoea diadaken sadja satoe Barangbarang Rekening. Pendjoewalan ketjilketjil jang kadjadian banjak pada saban hari tjoema bisa kedja berabeh dibikin pemetjahan. Sabaliknja djika orang berdagang import barang Provicien en Dranken dan . barang klontong, kombali lantas perloe dibikin pemetjahan dari Barangbarang Rekening. Dalem kaadahan begitoe sedikitnja ada penting dikatahoei brapa kaoentoengan telah didapet dari barang Provicien en Dranken dan brapa dari barang klontong. Begitoe poen satoe soedagar dari baorang hasil boemi bisa merasa perloe boeat dapet taoe, brapa ia telah dapet kaoentoengan dari kopi dan brapa ia. soeda kenah roegi dari goela. Dalem dagangan begini sering kali orang bisa dapet kaoentoengan atawa karoegian ratoesan riboe dari satoe matjem barang sadja. Maka bahoewa dalem daganganbegitoe perkara bikin pemetjalian dari Barang-barang Rekening bisa dirasaken sabagi satoe kaperloean. Ini ada hal jang gampang dimengarti. Apa poelah boeat bikin itoe pemetjahan dalem dagangan hasil boemi boekan ada satoe perkerdjahan jang soeker.

§ 27. Specificatieboek. Djika bagi Barang-barang Rekening dibikin pemetjahan, nistjaja djoemblah jang didapet di Inkoopboek pada saban boentoet boelan tida bisa lantas dijournaliseer sakali poekoel boeat dimasoekin di Grootboek. Dari sitoe lebih doeloe misti didapet kapastian brapa banjak soeda dibikin pembelian dari satoe-satoe matjem barang jang di Grootboek diadaken ia poenja rekening. Boeat ini ada orang jang goenaken Specificatieboek, dimana ia tetapken djoemblah dengen apa rekening dari satoe- satoe barang misti didebiteer. Tapi ada banjak orang jang bikin penetapan itoe di kertas terlepas, aken kamoedian disowek kombali kaloe satoe kali telah didapet katetapan dari itoe. Kita sendiri merasa tida perloe sampe misti diadaken satoe Specificatieboek boeat itoe.