Apa artinja katjintahan ?

SinPo.id - Brangkali dalem doenia tiada ada perkatahan jang begitoe loewas artinja dari itoe perkatahan ”katjintahan” ? ini hal boleh djadi lantaran pengaroenja katjintahan ada besar sekali atas pengidoepan dari binatang jang paling ketjil sampe manoesia jang dipandang sebagi machloek jang paling tinggi dalem alam. Ilangken katjintahan dari alam?begitoelah Friedrich Schiller ada bilang, alam mendjadi moesna sama sekali: „Trummernd aus einander springt das All”.

„Love is heaven and heaven is love’’ atawa ”Katjintahan ada sorga dan sorga ada katjintahan”?kata Walter Scott dalem „Lay of the Last Minstrel." Tetapi katjintahan tiacla selaloe membawa kaberoentoengan, hanja atjapkali membawa bintjana dan djadiken doenia seperti acherat. Dante liat dalem ia poenja „impian'* begimana pintoe gerbang dari acherat ada pake toelisan jang boenjinja: „Katjintahan jang tjipta akoe’’.

Oemoemnja orang — teroetama penjair-penjair — lebih perhatiken kaberoentoengan jang bisa terbit dari pertjintahan dari kasoesahan dan kasedi- hannja. Kita bilang oemoemnja, sebab katjoeali ada banjak. Begitoelah Thomas Moore bilang banjak orang brangkali moesti ber- tjoetjoeran aer mata lantaran pertjaja katoeloesan clan kadjoedjoeran dalem katjintahan. Tetapi orang jang beranggepan paling pessimistisch dalem hal pertjintahan tiada laen dari Schopenhauer jang namaken tjinta satoe hal jang tiada acla isinja, satoe bajangan dari bajangan... Jni brangkali betoel, djawab Jacques Perk, satoe penjair Olanda, tetapi : „Is liefde dwaling, kan men zoeter alen ?”

Atawa : „Maskipoen dianggep bener orang tersasar lantaran menjinta?apa orang bisa tersasar clengen lebih senang?" Schopenhauer boekan sadja namaken tjinta bajangan dari satoe bajangan, tetapi menoeroet ia poenja anggepan orang prampoean sabenernja ada lebih djelek dari orang-orang lélaki; melaen- orang-orang lelaki jang terlaloe cli- pengaroeken oleh orang prampoean bisa bilang orang prampoean ada lebih bagoes. Dalem ia poenja boekoe „Parerga und Paralipomena" (Band II, p. 654) ia na maken orang prampoean ” das unasthetische Geschlecht” atawa kaoem jang djelek.

Orang-orang jang pandang katjintahan dari pemandangan biologie sering menanja :Dari mana asalnja itoe perasahan tjinta ? Bolsche telah tjeritaken dengen haloes genesis (riwajat kadjadian) dari itoe perasahan tjinta, jang menggenggam banjak resia dan sabenernja ada satoe hal jang haroes dikagoemken. Antara laen-laen ia tjeritaken begimana ada hidoep satoe matjem laler jang hidoep tjoema bebrapa djam (laler Ephemera): ini binatang hidoep tjoema boeat tjari pasangan dan sasoedanja clapet pasangan.............lantas poelang ka asalnja lagi. Boeat satoe achli pemikir ini tentoe tiada bisa tiada terbitken perasahan heran, dan djoestroe itoe perasahan heran ada permoelahan dari philosophie. Darwin telah oendjoek dalem ia poenja boekoe ten tang „The descent of man and selection in relation to sex” begimana besar pengaroenja pertjintahan dalem „natural selection”.

Dalem pemandangan psychologie pertjintahan poen ada satoe badean jang tiada bisa tiada terbitken perasahan heran. Teroetama kaloe orang denger begimana pertjintahan bisa timboelken perboeatan jang adjaib — seperti telah dibitjaraken dengen pandjang lebar oleh Havellock Ellis dalem ia poenja „The psycoliology of sex’’ ? orang djadi merasa: pertjintahan ada satoe antara badean-baclean jang paling besar dalem doenia. Di waktoe jang paling blakang S. Ereud kaloearken ia poenja theorie baroe tentang sexualiteit, atawa perasahan katarik boeat laen kaoem. Menoeroet Freud poenja pendapetan dalem kita poenja pengidoepan sexuali- teit ada ambil bagian banjak lebih besar dari kabanjakan orang doega. Kita tiada rasaken itoe pengaroe lantaran itoe sexualiteit banjak kerdja di bawah kita poenja perasahan (onderbewustzyn).

Salaen dari ini sexualitait menoeroet Freud poenja pendapetan bisa dirobah begitoe roepa, hingga tiada kakenalan lagi. Begitoelah menoeroet ia poenja anggepan semoewa pakerdjahan kunst dan igama ada berdasar atas manoesia poenja sexualiteit. Djoega dasar jang dalem dari sabagian besar kita poenja impian-impian ada itoe sexualiteit. Banjak orang jang merasa tiada setoedjoe dengen ini aliran pan-sexualis- me dari Freud, tetapi biar begimana poen tiada bisa disangkal dalem banjak hal anggepannja Freud tiada bisa dibilang sala, maskipoen sabaliknja moesti diakoe dalem bebrapa bagian ia kaliatan seperti melebih-lebihken. Freud berdjasa lantaran telah oendjoek begimana besar adanja pengaroe sexualiteit dalem manoesia poenja pengidoepan psychisch.

Carl Hagemann ada bilang dalem ia poenja „Aphorismen zur Liebesweisheif’ orang moesti tjoba cendjoek doeloe tiada benernja ia poenja anggepan ba- hoewa pendapetan obat ledil (buskruit) dan pendapetannja bencewa Amerika tiada berhoeboeng dengen sala satoe perkara tjinta .… Sabelonnja orang bisa oendjoek dalem ini doea perkara tiada ada pengaroenja orang prim poean, ia aken teroes anggep pendapetan - obat bedil clan benoewa Ameriki poen ada tersangkoet dengen „Weiber geschichten’’.

Dalem pemandangan philospliie per- Ijintahan ada satoe soewal jang kaloe maoe diselidiki asal moelanja jang paling pengabisan orang tjoema bisa mendjadjak dengen intuitie. Sebab dengen otak kita tiada bisi terangken apa sabenernja dasar jang dalem dari pertjintahan. Kaloe dipandang dari sini katjintahan ada satoe metiphysical problem. Dalem waktoe jang paling blakang Weinginger telah kaloearken satoe philosophie jang berdasar atas principe lelaki dan prampoean.

Katjintahan mempoenjai arti loeas s:kali dalem philosophie. Begitoelah katjintahan bisa berarti Platonische liefde atawa katjintahan pada Allah (Amor Dei intellectaulib) dari Spinoza. Ini doea matjem ”katjintahan” sabenernja soeda kaloear dari kalangan katjintahan dalem artinja jang sahari-hari. Tetapi siapa brani bilang ini doea matjem katjintahan boekan ada sublimation dari katjintahan biasa jang berdassr atas sexualitcit ? Sebab seperti soeda dibilang, dalem anggepannja Fr(.ud, igama ada berhoeboeng lebih rapet dari orang kabanjakan doega pada sexualiteit.

Apatah artinja katj'ntahan ? Atas ini pertanjaan orang tjoema bisa kasi djawaban jang artinja ada loewas sekali dan tiada, gampang diwatesken dan „ditangkep” dalem satoe definitie jang pendek. Katjintahan bisa bikin satoe manoesia mendjadi binatang dan satoe binatang mendjadi manoesia, kata satoe penoelis. Dengen ini ia maoe bilang katjintahan poenja pengaroe poen ada berada djaoe sekali. Boeat banjak orang katjintahan ada samatjem permaenan, flirt atawa laen- laen lagi, tetapi beroentoeng masi terdapet orang jang pandang katjintahan seperti Shakespeare, jang bilang dalem ”Ali ’s well, that ends well” (IV, 2), bahoewa : „Love is holy” atawa „Katjintahan ada soetji”.