Cultuur Tionghoa dalem sekolah .…Barat.
Di Indonesia orang masi gembar- gembor tentang cultuur Tionghoa dalem sekola H. C. S. dan Holl. Chin. Kweekschool, tapi di Amerika Sariket orang soeda lama melakoeken, apa jang di sini masi diomongin.
Teachers College dari Columbia University telah terbitken satoe boekoe tentang ini jang sanget menarik hati, jalah „Western Youth meets Eastern Culture” („Moerid Barat katemoeken kasopanan Ti moer.")
Ini boekoe ada penting, sebab boekan moeat theorie, tapi verslag lengkep tentang apa jang soeda dilakoeken dengen berhasil oleh tiga goeroe dari Junior High School dari Lincoln School, jalah satoe sekola dari Teachers College dari Columbia University New York.
Itoe tiga goeroe ada F. G. Sweeney (goeroe „Social Studies"), E. F.Barry (goeroe bahasa Inggris) dan A. E. Schoelkopf (goeroe boeat ”Art”)dan semoea tida mengarti bahasa Tionghoa atawa laen bahasa Timoer, hingga semoea apa jang ia kerdjaken marika dapet dari boekoe - boekoe bahasa asing atawa salinan-salinan dari bahasa Tionghoa atawa laen bahasa Timoer.
Mengarti jang negri-negri Timoer sebagi Tiongkok dan Japan pegang rol semingkin besar di doenia, Lincoln School anggep perloe jang moerid-moeridnja poen dikasi peladjaran tentang cultuur Tionghoa dan laen-laen bangisa Timoer.
Moerid-moerid dari Lincoln Junior High School oemoernja kira- kira 12 poekoel rata, jalah anak- anak masi moeda, tapi peladjaran cultuur Timoer pada marika kaliatan berhasil setj'ara loear semoea doegahan.
Marika boekan tjoema djadi giat batja boekoe - boekoe tentang Tiongkok, Japan dan. bangsa Hin doe, tapi iaorang poen kaliatan dapet inspiratie boeat karang sairan, bikin opstel, teeken gambar dan laen-laen jang mempoenjai hoeboengan dengen cultuur Timoer!
Djoega marika pema maenken satoe tjerita tooneel Tionghoa dalem pakean Tionghoa aseli, dengen decor Tionghoa ‘dan malahan dengen tetaboehan Tiongflioa toelen !
Tjoema bahaisanja masi bahasa Inggris (Prof. V. Himdh'ausen di Peiping poen perna feas'i pertoen- djoeban tooneel Tionghoa aseli derugten amateurs Duitsch setjara berhasil!)
Student-student Tionghoa jang dioendiang boeat toeroet saksiken itoe pertoendjoekan tooneel Tiong hoa dari moerid-moerid Amerika ansch! dari Lincoln! Junior High School sampe melongo, set).ab tida njana anak-anak ketjil foisia maen tooneel Tionghoa setjara begitoe “toelen” („Among the college stu dents present were a number of Ohimese who gave assurance that the1 production mirrored faithfully their home theatre «and that the children had caught the attitudes and atmosphere of the Chinese theatre", p. 191).
Bersama ini artikel kifca ada moeat gambar dari itoe per toendjoekan tooneel boekan dari moerid-moerid. H. Chineesche S., tapi dari non-non dan sin jo-sin jo toe- lit poeti jang tida mengarti satengah perkatahan Tionghoa!
Bagimana peladjaran cultuur Tionghoa dan laen bangsa Timoer bangoenken djoega perasahan dan pikiran anak-anak asing ternjata dari ini sairan pen'dek tentang padi karangan sala-satoe moerid: Tida terlaloe dilebih-lebihken, kalce kita bilang ini sairan dari anak koelit poeti bilang belas jang belon perna liat Tiongkok tida kalah bagoes ria dengen dari penjair Schiller Duitsch jang termashoer tentang itoe Tembok Besar Tiongkok djoega!
Ada satoe anak laen jang mengarang dengen pake pseudoniem Tionghoa „Wan Lee", ada moerid jang bikin model precies dari praoo sampan Tionghoa dan dari kandaran wheelbarrow, ada, jang bikin kaart-kaart, statistiek, enz. enz.
Dengen ringkes itoe peladjaran cultuur Tionghoa dan laen bangsa Azie di Lincoln Junior School kaliatan berhasil en toch jang kasi peladjaran ada goeroe-goeroe koelit poeti jang sama sekali tida kenal bahasa Timoer jang mana poen.
Apa goeroe-goeroe Tionghoa dari H. C. S. -tida haroes berkat j a pada itce tiga goeroe Amerikaansch? “Tida ngerti bahasa Tiong'hoa" tida bisa digoenaken sebagi uitvlucht lagi ..
_______
TIDA SALAH.
Goeroe: „Siapa adanja itoe orang males disini, jang di wafctoe orang laen kerdja dengen radjin ia sendiri tjoema tjelingoekan sadja?': Moerid: “Itoe ada ......meester sekola sendiri!”
______
PAPA DJELEK
„Tong, semingkin lama kaoe semingkin mirip kaoe poenja ajali!” „Mama djoega soeda lama koea tirken itoe!”
______
SEBABNJA.
„Dokter, akoe tida bisa tidoer lagi!”.„Sedari kapan?” ”Sedari akoe ..........djoeal akoe poenja randjang!”
