Pemilihan jang terlaloe laat.
KIRA-KIRA limabelas taon berselang, jalah koetika pergerakan boemipoetra belon kasi pengharepan bagoes, tida ada orang-orang Tiong- hoa di sini jang mengakoe maoe djadi Indonesiër dan maoe pandang dirinja sebagi Boemipoetra.
Djoega orang-orang jang sekarang gembar-gembor paling- keras boeat djadi Indonesiër, itoe koetika masi anegep dirinja thunglang dan malahan jang- „paling sedjati”. Tapi baroe sadja Indoraesierschap kaliatan naek koersnja, lantas rame gen soeara orang-orang jang oendjoek lelakon volte face dan seperti berchianat pada diri sendiri.
Sikepnja Dr. Douwes Dekker ada lebih bisa dihargaken, sebab ia dengen teroes-terang pandang dirinja sebagi Indiër di waktoe pergerakan anak negri belon kasi harepan jang begitoe bagoes seperti sekarang.
Ia njataken maoe djadi Indiër toelen sedari djeman sengsara dan boekan mendadak sontak; ia njataken itoe sedai'i djeman gelap dari pergerakan anak negri dan boekan baroe nongol, waktoe matahari soeda moe lain kaliatan siarken tjahjanja.
Tida begitoe dengen itoe bebrapa orang-orang Tionghoa jang baroe sekarang petantang-petenteng maoe djadi Indonesiër dan sebagi djoega ini wel wat al te late liefde belon tjoekoep, marika poen bilang teroes-terang marika maoe hak tanah.
Djadinja ini pertjintahan boekan pertjintahan jang soetji zonder bijbe doeling, tapi samatjem „liefde” jang melirik ka djoeroesan peti besi. Kaloe iaorang njataken itoe kainginan boeat „djadi Indonesiër” bebrapa belas atawa poeloe taon berselang, orang pasti tida bakal begitoe tjoerigaken marika seperti sekarang sebab orang tentoe aken bilang: sama-rasa dari djeman paja sampe djeman djaja.
Satoe gadis jang taoe dirinja ditjinta sedari ia miskin dan melarat, di waktoe senang dan djaja tentoe taro kapertjajahan pada kadjoedjoe rannja jang menjinta.
Tapi pasti tida begitoe, kaloe di waktoe ia masi miskin dan melarat ia tida diopenin sama-sekali, tapi waktoe ia kaliatan mendjadi djaja lantas orang dateng berloetoet dan berbisik tentang oeroesan „tjinta”. Ia ada harga boeat disemprot: „Kenapa kaoe poenja tjinta datengnja baroe sekarang?!’’
Orang-orang Tionghoa jang maskipoen bagimana djoega maoe tetap pandang dirinja sebagi Tionghoa boekan baroe sekarang njataken begitoe, tapi sedari bebrapa poeloe atawa belas taon berselang, jalah waktoe Tiongkok masi di bawah pamerentahan laen bangsa dan kaadahan Tiong kok dan orang Tionghoa masi amat djaoe sekali dari bagoes.
Ia orang poenja perasaan melengket boekan bmaren dan boekan mencel sasoedanja Tiongkok ada harepan, tapi sedari nergeloet ejadrah Ketika kaliantanja tidak sama sekali hingga sebagi kaoem pemberontakan doenia dan laen-laen.
Betoel waktoe oenja bintang baik banjak beroeroesan boeroe merangkang ka tempat terang, tapi antara semoea bangsa ada ini matjem manoesia jang poedja matahari di waktoe naek.
Di antara semoea bangsa ada orang jang balikin bangsanja sendiri dan malahan orang bilang1, orang Duitsch jang ”djadi” Amerikaan ada pembentji paling besar dari DuitschIand dan banjak orang Tionghoa jang ”djadi” Philippine) moesoeken bangsa Tionghoa paling keras.
Orang-orang Tionghoa jang biar bagimanapoen maoe tetap pegang marika poenja kabangsahan baek bersedia dari sekarang boeat hadepin ini moesoe baroe dan kasi pada marika apa jang iaorang haroes dikasi dan apa jang iaorang sendiri minta.
