Lantaran anak.
NELLY ada satoe prampoean Barat modern dengen anggepan jang sama longgarnja delgen iapoenja pakean. Ia dapet katemoe satoe sobat lelaki bernama William dan mas[1]kipoen Nelly soeda mempoenjai anak, jalah Bertha, ia berdjalan serong dan kamoedian ambil poetoesan boeat minggat bersama si William ka negri asing dengen tinggalken soeami dan anak.
Katjintahan satoe prampoean pada anak memang besar, tapi napsoe sering lebih besar dari segala apa. Kabetoelan sekali satoe koetika soeaminja Nelly moesti pergi boeat oeroesan dagang ka tempat djaoe dan baroe balik lagi sasoedanja liwat kira-kira 1 minggoe.
Di waktoe soeaminja pergi, ini Prampoean doerhaka berdjandji hengen kendaknja boeat lari Minggat. Segala apa soeda sedia boeat ini kalakoean rendah; koffer semoea soeda dipak dan William soeda diPesen moesti kirim auto hari anoe, tanggal anoe dan djam sakean.
Nelly masoekin dalem koffer se[1]ïuoea barang berharga dan maskipoen banjak koffer soeda padet ia kasi tjelingoekan boeat liat apa kasi ada lagi barang-barang jang ia bisa sembat.
Tinggal satoe hari ia aken berlama di roemah soeaminja, sebab besokannja ia aken brangkat minggat. Semoea persediahan soeda beres, hingga tinggal angkat kaki sadja. Di itoe malem pengabisan jang prampoean tida setia berdiam roemah soeaminja, ia tida bisa tidoer sebab sangsi.
Sebab manoesia jang paling baek djahatnja dan sebaliknja manoesia jang paling djahat, masih ada baeknja. Tapi Nelly tetapken hatinja sendiri dengen kata ia toch soeda bosen pada soeaminja, hingga boeat kabaekan „kadoea fihak” Paling betoel ia lari minggat sadja!
Ia tengok randjang anaknja, disang anak lagi tidoer njenjak dan tida taoe satoe apa. Meliat sang anak, Nelly djadiinget sang soeami jang berdiam di tempat djaoe boeat tjari makan boeat anak dan istri. Ia djadi inget bagimana anaknja melengket sekali pada ajahnja dan bajangken di depan matanja bagimana ajah dan anak salUig bermaen setjara doea sobat jang paling kekal di ini doenia.
Boeat sorong pikirannja ka laen djoeroesan ia ambil satoe soerat kabar dan kaibetoelan sekali ia dapet batja satoe tjerita pendek tentang satoe anak jang ditinggalin oleh iboenja jang serong.
Dalem itoe tjerita ditoetoerken bagimana sang anak saban-saban tanja dengen sedi pada ajahnja, kenapa iboenja tida ada dan apa sebab laen-laen anak idoep beroentoeng berame dengen iboe bapaknj'a, tapi ia tjoema moesti tinggal dengen aj.aiinja sadja?
Nelly batja teroes dan balik lagi ka randj ang anaknja jang lantaran kakeresekan djadi mendoesin dan koetika liat iboenja dengen separo ngantoek tapi toch dengen soeara girang menanja: "Mama, apa papa poelang mendadak?? Nelly diam dan kamoedian kata dengen. tjepet: „Diam, tidoensadja lagi; papa masi lama poelang!
