Politiek dan ... a prampoean.
PENGAROEHNJA prampoean dalem politiek, dari djeman doeloe sampe sekarang di antero doenia soeda tjoekoep terkenal. Di Tiongkok pengaroehnja Tiao Sian ada tjonto klassiek dan di waktoe jang blakangan keizerin weduwe Tzu Hsi poenja rol penting di lapangan politiek tjoekoiep diketahoei.
Di Europa poen boekan sedikit orang prampoean jang pengaroehken politiek dari blakang lajar via marika poenja soeami atawa poen katjintahan.
Sala-satoe prampoean terkenal dalem ini hal ada Marie Kalergie jalah iboenja mama toea dari Graaf Coudenhove-Kalergie jang sering- diseboet ss'bab ia poenja angen-angen Pan-Europa.
Laen tjonto lagi ada Grafin Walewski, jalah satoe nationalist prampoean bangsa Pool jang tempel Napoleon. I boeat tarik kaoentcengan boeat iapoenja negri. Grafin Walewski djadi sobat kentel dari Napoleon dan koetika ini keizar diboeang ka Elba itoe G-rafin ada sala-satoe sobatnja jang teroes tinggal setia.
Prampoean bangsa Pool roepanja banjak jang pande pikat hati lelaki boeat bela kapentingan......negrinja.
Sala-satoe tjonto jang paling blakang dan paling menarik hati ada sebagi brikoet: Waktoe abis perang doenia seperti pembatja taoe kaart Europa dirobah. Duitschland antara laen – laen ilang banjak sekali daerahnja; satoe daerah Duitsch jang itoe koetika diriboetin ada Opper-Silezie.
