Koran Sin Po, 5 September 1936

Adoe bohong.

Laporan: Sinpo
Selasa, 05 September 2023 | 09:19 WIB
Koran Sin Po, 5 September 1936 (Monash University/SinPo.id)
Koran Sin Po, 5 September 1936 (Monash University/SinPo.id)

DI Amerika Sariket seperti dj'oega di London orang telah diriken Liar’s Club, atawa sccieteit pembchong. Soeda tentoe itoe clubcekan dimakscedken tjoema pendjoesta-pendjoesta jang boleh djadi anggotanja, tapi dalem itoe club orang jakinin dan adoe bohong.

Dalem itoe club orang kadang kadang berhimpoen boeat toetoerken masing-masing poenja bohong, jang satoe tjoba dikarang lebih menarik dari jang laen. Siapa pa jang bisa karang tjerita djoesta jang paling menarik didjadiken kampioen.

Di bawah ini ada 'bebrapa tjerita sebagi tjonto jang biasa disadjiken bagi anggota-anggota dalem itoe matjem club. Satoe tjerita bohong 'jang perna dianggep paling djitoe dalem sala[1]satce competitie di Liar’s Club di Birlington, Wisconsin, jalah jang ditjeritaken oleh satoe anggotanja begini: „Akce poenja ppatiang ada poenja satce lotjeng jang toea, toea sekali, begitoe toea hingga bajangan dari bandoelannja saking banja’k kalinja mengajcen moendar mandir, soeda membikin lobang di blakangnja itoe lotjeng.”

Tapi satoe anggota jang berasal dari British West Afrika maoe tjoba djatoken tjerita di atas dan telah menoetoer seperti brikoet: „Tatkala masi ketjil akoe sering tembak matanja laler koeda dari seratoes langka djaoenja dan itoe mata selaloe kena katembak hingga kaloear. Pada satoe hari akoe gelajangan di tempat alas jang basa, tiba-tiba akoe berpapasen dengen saekor banteng. Akoe tjekel itoe binatang poenje doea tandoek dan toendoekin padanja. Tapi tatkala akoe hendak pelintir batang le'nernja, mendadak akoe liât satoe singa hendak lontjat boeat menerkem pada­’koe. Apa akoe moesti bikin? Kaloe akoe lepasken itoe banteng, nistjaja akoe aken binasa di oedjoeng tandoeknja. Tapi bila akoe tida lepas, nistjaja akoe diterkam itoe singa.

Akoe lantas ambii djalan jang sama Tengah dengen mengandel sama akoe poenja katjepetan. Akoe lantas tjaboet akoe poenja pistool, lepas bebrapa tembakan jang tjepet pada sang singa, dan lantas masoekin lagi itoe sendjata api ka dalem saroengnja boeat tjekel lagi tandoeknja sang banteng pada sabelonnja ini banteng dapet tempo boeat lepasken diri. Tapi akoe soeda begitoe tjepet goenaken akoe poenja sendjata api hingga ini barang soeda masoek dalem saroengnja sabelonnja sang peloeroe kaloear dari moeloetnja. Itoe pe„Baek, darling! Kita aken bertemoe di tempat biasa. Kaloe satoe antara kita dateng laat, kaoe toenggoe sadja, djantoeng hati!” loeroe baroe kaloear waktoe itoe pistool soeda masoek saroeng hingga itoe peloeroe mengenaken akoe poenja kaki.

Tapi ini accident djoestroe soeda toeloeng akoe poenja djiwa, kerna tatkala akoe lepas lagi sang banteng boeat rabah akoe poenja kaki, sang singa lontjat ’ liwatin kapala’koe, dan terkam sang banteng. Kasoedahannja dari itoe pergoeletan antara itoe doea binatang jalah doea-doeanja mati.”

Saia satoe tjerita bohong jang termashoer di Amerika Sariket seblah Barat jalah tentang perabohong si Jack dan iapoenja favoriet tjerita jalah bahoea satoe masa ia telah boenoe satoe mendjangan besar jang sepasang tandoeknja terpentang hingga 15 kaki lebarnja. Ia kata ia simpen itoe tandoek di lotengnja iapoenja goeboek. Satoe masa Jack tida kaliatan dan sasoedanja berselang la ma ia moentjoel lagi di Boston.

Scbat-sobatnja merasa girang bisa katemoe lagi padanja dan pada sasoedanja minoem bebrapa rintakan, marika tanja lagi pada hja prihal iapoenja tjerita tentang itoe mendjangan besar.

„Tida, tida, anak-anak,” kata Jack, „akoe tida maoe seboet-seboet lagi. Dalem banjak taon akoe °€langin itoe tjerita-tjerita djoesta dengen begitoe sering hingga akoe sendiri pertjaja bener. Itoe tjerita prihal mendjangan besar jabg tandoeknja terpentang samPe 15 kaki soeda bikin akoe djadi seriboeh. Akoe toetoerken itoe tjel'ita begitoe sering hingga berbajang itoe tempat dimana akce seperti betoel soeda boenoe itoe bWang. Satoe malem malah akoe soeda pasang lilin dan naek di loteng boeat liat apa itoe tandoek mendjangan ada di sitoe. Atoe orang kontet jang termaskoer dan populair meninggal doenia dan ia poenja djanda trima ietamoe-tetamce jang dateng neogekin bceat kasi hiboeran di kamar tetamoe di roewangan bawah.

Santero hari sobat-sobat dating Masoek kaloear; marika naek ke Ioteng boeat liat djinazat jang meninggal dan toeroen ka bawah boeat kasi omongan menghiboer Pada djandanja. Pada waktoe lohor itoe djanda ada tanja pada sala satoe tetamoe apa Waktoe kaloear dari kamar til lotting iä so'etiä toetoep rapet pintoenja. „Tida,” djawab jang ditanja, „dan kenapa?”

Itoe djanda laloe bilang: “Lebih baek naek lagi dan toetoep rapet itce pintoe. Ini pagi koetjing soeda bawa ia (dimaksoedken djinazat soeaminja) tiga kali ka dapoer.”

Mark Twain poen katanja perna tjerita pada toekang-toekang praoe begini: „Anak-anak, satoe masa akoe ada poenja katjepetan berpikir jang loear biasa. Itoe waktoe lagi ada bahaja kabakaran. Satoe kake-kake kaliatan njender di djendela loteng ka-ampat berkaok minta toeloeng. Semoea orang nengok ka atas, tapi tida ada saorang jang bisa berboeat apa-apa. Tangga-tangga tida tjoekoep tinggi.

Tida ada jang bisa dapet pikiran tjepet — katjoeali akoe. Akoe laloe bertreak minta tambang. Waktoe soeda dapet tambang, akoe lantas lemparken satoe oedjoengnja pada itoe orang toea, soeroe ia iket pinggangnja dengen itoe tambang. Ia iket ia poenja pinggang, dan akoe tarik ia dari bawah.”

Tapi ini tjerita dari Mark Twain ada lebih banjak djinakanja dari bohongnja.sinpo

Komentar:
BERITALAINNYA
Koran Sin Po 7 Agustus 1926 (Monash University/SinPo.id)
John Dewey tentang Tiongkok.
Minggu, 07 Juli 2024
Koran Sin Po, 3 Juni 1939, (Monash University/SinPo.id)
"Jij noewoet penganggo dewek"
Senin, 03 Juni 2024
Koran Sin Po 28 Mei 1932, (Monash University/SinPo.id)
Lagi toedjoe boelan.
Selasa, 28 Mei 2024
Koran Sin Po, 17 Mei 1924 (Monash University/SinPo.id)
Moesim memboenoe dan merampok.
Jumat, 17 Mei 2024
Koran Sin Po 8 Mei 1986 (SinPo.id/Monash University)
Satoe Blanda di Tiongkok
Rabu, 08 Mei 2024