Fotografie di Indonesia.
FOTOGRAFIE djadi semingkin populair disini, djoega antara bangsa Tionghoa seperti bisa ternjata dari Sin Po poenja photo tentoonstelling di Batavia di permoelahan ini taon dan dari phototentoonsbelling jang blakangan diadaken oleh Chung Hsioh.
Batav. Nieuwsblad idiari 20 Januari 1931 antara laen-laen bilang' antara photos jang dipetoendjoekin di Sin Po poenja tentoonstelling banjak jang „verraden artistiek gevoel en een vergevorderde techniekn Dan, memang antara photograaf photograaf Tionghoa disini ada jang soeda tjoekoep pande dalem inl oeroesan, satoe hal jang djoega bisa dibilang tentang, bebrapa amateurs Tionghoa.
Bebrapa photo dalem kita poenja tentoonstelling ada begitoe menarik hati, hingga sampe dipindjem oleh weekblad Actueel Wereldnieuws- boeat dibikinin cliché dan dimoeat.
Pada N. V. „Focus” di Bloemendaal (Holland), penerbit dari fototydschrift Focus jang terkenal baroe ini telah kaloearken satoe boekoe tentang „De Fotografie in deTropen” (karangan dari li*. E. J. G.
Schermerhorn dan Adr. Boer, redacteur dari fototijdschrift Focus) jang bitjaraken oeroesan
Phctografie disini. Dalem ini boekoe ada dinoeai djoega roepa-roepa gambar tjonto dari photos jang dibikin di Indonesia. Antara laen - laen ada dimasoekin djoega tiga photo’s bikinan dari orang-orang Tionghoa, jalah dari toean-toean Kwa Soen An (jang dapet bebrapa prijs di Sin Po tentoonstelling), Tan Sik Hie dan The Kong Hoa.
Tiga-tiga dikasi poedjian oleh Adr. Boer. Gambar，Makan, malem” dari toean Tan Sik Hie (atawa Lie Tjeng Jam?), Ir. Schemerhorn namaken „een groote overwinning voor de fotografie”.
Ini gambar kita soeda moeat dalem weekblad Sin Po poenja spe-ciaalnummer ini taon. Tentang toean. Kwa Soen An di Djokja poenja gambar satoe praoe, Adr. Boer kata, ia poenja ruimte verdeeling ada sanget kabetoelan dan haroes dipoedji.
Djoega toean The Kong Hoa poenja photo dari satoe pemandangan di Makassar ia namaken „een wonderschoone foto van een grootsch panorama” sebab sanget soesa dibikinnja.
Toean The poenja „techniek beheersching” Adr. Boer namaken „voortreffelijk”. Bangsa Japan, disini banjak jang tjari pengidoepan dari pembikinan portret dan kaloe dipoeko'el rata marika poenja techniek ada lebih baek dari beroepsphotografen
Tionghoa, maskipoen tentoe sadja ada katjoeali. Tapi djoega dalem ini hal keadahan pelahan-pelahan beroba dan semingkin lama semingkin banjak photografen Tionghoa jang pakerdjahannja tida terlaloe katjiwa k'aloe dibandingken dengen pakerdjahan photograaf asing.
