Bahaja bentrokan Inggris — Japan.

QEMOEMNJA orang doega bahoea di kamoedian hari jang deket Japan bakal perang sama Sovjet Rusland atawa sama Amerika Sariket, tapi M. Jules Sauer-ein jang belon lama koendjoengin Japan ada poenja anggepan laen berpendapetan Japan tida bisa djadi perang sama Amerika, djoega tida gampang maoe lakoeken serangan pada Sövjet Rusland, tapi ada banjak bal jang bisa bikin ia djadikanbentrok sama Groot Brittannie.

Kaloe orang koendjoengin Japan ini masa orang aken merasa kagoem teroetama menampak di sana orang oemoemnja banjak bitjaraken oeroesan dami. Mr. Sauerwein kata ia menampak lebih banjak omongan prihal perdaraian di Tokyo dari pada di Geneve. Tapi di bawah toetoepan dami ada mangerem persediahan perang. Tidaperdoeli begroeting negri selaloe tekort ini waktoe Japan goenaken 60 procent dari begTooting boeat kaperloean marine dan Angkatan darat.

Sebab jang paling teroetama boeat Japan mendesek dan loeasken daerah karadjahannja jalah bertarribahnja pendoedoek negri.

Djika diitoeng sama pendoedoek Korea dan Formosa, Japan poenja rahajat boeletnja ada 93,000,000 dan bertambahnja itoe rahajat ini waktoe poekoel rata satoe million saban taon. Japan poenja niatan boeat toemplekin kalebihan pendoedoek ka Manchurye doeloean selaloe gagal, kerna disitoe orang Japan tida sanggoep bersaing sama orang Tionghoa jang standard pengidoepannja terlaloe rendah dan djoega tida betah sama hawa jang terlaloe dingin di moesim winter dan terlaloe panas di moesim zomer.

Maski sekarang Manchurye soeda ada di bawah kakoeasahan Japan poen di kamoedian hari jang deket belon tentoe pengoembara[1]han orang Japan ka itoe daerah bi[1]sa berhasil, sebab roepanja masi lama boeat Japan bisa adaken ka[1]tentreman dan kasantausahan di sitoe. Boeat pet-jahken soeal pe[1]ngoembarahan seperti djoega soeal perdagangannja Japan masi tetap moesti menoedjoe ka laen-laen djoeroesan.

Japan ada merasa goesar sama Amerika kerna soeda toetoep pin[1]toenj a sama sekali bagi pengoem[1]barahan orang Japan. Orang Japan tentoe sadja ada merasa sakit hati tentang ini, dan banjak jang ang[1]gep ini aken djadi alesan jang teroetama kaloe sampe terdjadi paperangan Amerika—Japan. Tapi Ja[1]pan tida niat perang sama Ame[1]rika seperti djoega Amerika tida niat perang sama Japan. Sebabnja jang teroetama jalah perdagangan antara itoe doea negri ada besar sekali. Japan ada djadi pembeli jang teroetama dari Amerika poe[1]nja kapas dan besi, dan Amerika djadi pembeli jang teroetama dari Japan poenja soetra. Boeat kapen[1]tingan perdagangan soeda tentoe ada lebih baek itoe doea negri tida perang, apa poela di ini waktoe sa[1]soeatoe negri perloe sekali djaga baek perdagangannja. Dan lagi Japan soesa sampeken. Maksoednja dengen perangln Amerika. Sekalipoen Japan bisa reboet poelo Hawaii, toch Amerika tida aken lan[1]taran itoe nanti menjerah dan boeka pintoenja bagi pengoembarahan Japan. Melaenken kaloe Japan bisa bombardeer Califomie dan daratken tentaranja di Amerika Sariket baro-e ia brangkali bisa bikin Amerika menjerah, Tapi ini waktoe nistjaja belon ada militarist Japan jang soeda mengimpi sampe begitoe djaoe. Semoea orang Japan jang berpikiran waras merasa lebihbaek. tinggal dami sama Amerika, dari itoe Japan poenja Minister oeroesan loear Hirota malah soeda berdaja boeat bikin tractaat tida saling menjerang sama Amerika.

Tapi kaloe Amerika belon moefakat bikin itoe matjem tractaat sama Japan sabetoelnja boekan kerna kandoeng niatan boeatperang sama Japan, tapi ingin tahan harga. Kabarnja Amerika ingin soepaja Japan bikin djoega tractaat tida saling menjerang sama Sovjet Rusland dan ragem lagi sama

Tiongkok dalem tjara jang memoewasken pada Amerika, baroe Amerika maoe teeken tractaat tida saling menjerang' sama Japan.

Japan tida maoe bikin tractaat sama Sovjet Rusland ada bebrapa sebabnja. Pertama Japan ingin goenaken gentingnja iapoenja perhoeboengan sama Sovjet Rusland boeat dapetken sympathienja negri-negri jang masi diam – diam moesoehin Sovjet Rusland, oepama Duitschland dan Groot BriUannie.

Betoel pada doea taon jang' laloe, waktoe masi djadi Minister paperangan, Generaal Araki dengen teroe,s terang njataken sefcoedjoe perang sama Sovjet Rusland. Tapi itoe waktoe tentang menjerang Sovjet Rusland poenja daerah di Timoer Djaoe ada pakerdjahan gampang, kerna Sovjet belon bikin persediahan. Tapi dalem doea taon paling blakang Sovjet soeda bikin banjak persediahan di Siberië, dan sekarang ia soeda mempoenjai tjoekoep banjak tentara dan alat sendjata dl itoe daerah.

Maskipoen. Japan bisa berhasil reboet Vladivostok, tapi ia soesa boeat madjoe lebih djaoe, rnmentara Sovjet soeda bikin persediahan. boeat lakoeken paperangan jang lama. Lantaran, demikian sekarang Japan ada sangsiken kaoentoengannja tentang perangin Sovjet Rusland. Itoe sebab Japan poenja sikep menantang pada Sovjet Rusland soeda djadi koerangan, dan Chinese Eastern Rail[1]way tida lantas dikangkangin di[1]ngen begitoe sadja seperti tadinja orang banjak doega.

Tapi sebaliknja Mr. Sauerweis liat Japan bisa kabentrok sama Karadjahan. Inggris teroetama lantaran persaingan dagang. Kaloe Japan poenja pengaroe teroes bertambah, Karadjahan Inggris bakal lekas hadepin bahaja, besar,sekali.

Itoe sebab admiraliteit Inggris soeda boeroe-boeroe tegoeken pendjagahan di Singapore dan Hongkong. Pamerentah Inggris njata soeda dapet plrasat jang djelek. Itoe bahaja mengantjem dalem banjak vorm, kata Mr. Sauerweis, sedeng perempoetoan tjara dami poen ia rasa tida aken singkirken itoe bahaja.

Dominion Inggris seperti Australië tentoe merasa lebih oentoeng mempoenjai perhoeboengan economie sama Japan. Ia bisa djoeal banjak iapoenja wol pada Japan dan. bisa beli Japan poenja barang-barang jang moerah. Orang Aus[1]tralië moesti mempoenjai kasetiahan loear toiasa. pada poetoesan conferentie Ottawa boeat lebih soeka beli speda Inggris jang harganja $ 20 dari pada speda，Japan jang harganja tjoema $ 5. Orang Australië tentoe soeka sekali berdagang sama satoe negri jang? Kasi Pengidoepan pada industrie paniiarahan kambing di Australië, demikian djoega, India, Afrika Setan dan Djasimt Melajoe tentoe tida maoe toelak kunstzij Japan jang tjoema delapan cent satoe yard dan soetra Japan jang. Tjoema tiga poeloe cent satoe yard, dan barang katoen Japan jang harg-anja djaoe lebih moerah dari barang katoen kaloearan Lancashire.

Djikaloe perdagangan Japan sa[1]ma Dominion-dominion dan djadjahan-dj adjakan Inggris soeda djadi semingkin besar, nistjaja keadahan economie dalem, Karadjahan Inggris aken djadi k'aloet. Dan satoe miasa Japan aken djadi terlaloe koeat terhadep： Australië jang soeda djadi renggang dari Brittannie, dan itoe waktoe Japan aken desek.i.n iapoenja rahajat ka Australië jang loeasnja ada tiga perampat Europa dan terprentah oleh tjoema anem millioen orang Inggris.

Demikianlah bahaja bentrokan antara Japan dan Karadjahan Inggris kaliatan tida bisa djsingkirken maski sekarang fihak Inggris hendak ambil sikep dami, kerna bertambah, madjoenja industrie dan perdagangan Japan selaloe berarti bahaja bagi econo[1]mie dari Karadjahan Inggris, dan semingkin koeatnja Japan aken berarti semingkin gampang kena ditjaploknja tanah daerah Karajahan Inggris.