Areng batoe poeti

DENGEN areng batoe poeti ada dimaksoedken ...........aer. Seperti orang taoe, tenaga aer bisa digoenaken boeat djalanken fabriek atawa motor, hingga ia djadi satoe hal jang penting sekali dalem peroesahan.

Menoeroet „Die wirtschaftlichen Krafte der Welt”，teroetama djadjahan België di Afrika, jalah Congo kaja sekali dengen tenaga aer. Tenaga aer dari Belgisch Congo ada sembilanpoeloe millioen kakoeatan koeda atawa 18,1% dari antero tenaga aer dari doenia.

Siberië djato nummer doea, se[1]bab ia mempoenjai tenaga aer dari 51 millioen kakoeatan koeda. Amerika Sariket djato nummer tiga dengen tenaga aer dari 35 mil[1]lioen kakoeatan koeda. Fransch Congo djoega mempoe[1]njai tenaga aer dari 35 millioen kakoeatan koeda. Tiongkok mempoenjai tenaga aei. dari 20 millioen kakoeatan koe[1]da dan Indonesia 15 millioen. Antero doenia poenja kakoeatan aer ada 497.900.000 kakoeatan koeda, tapi jang digoenaken tjoema ada 30.200.000 kakoeatan koeda atawa baroe 6% dari djoemblah kakoeatan jang sedia 94% tenaga aer djadinja masi belon digoenaken sama-sekali! Tentoe sadja Amerika Sariket jang paling banjak goenaken ia[1]poenja kakoeatan aer, jalah 10 millioen koeda atawa 33% dari pe[1]makean tenaga aer di seantero doenia.

Tiongkok poenja tenaga aer dari 20 millioen koeda belon digoenaken san?.ia-sekali dan Indonesia poenja tenaga aer dari 15 millioen koeda baroe digoenaken sadjoemblah 80.000 kakoeatan koeda.

Benoea jang paling banjak mem[1]pcenjai tenaga aer ada benoea Afrika dengen 190.000.000 tenaga koeda kakoeatan aer. Beuoea Azië djato nummer doea dengen 123.100.000 tenaga koeda.

Benoea Amerika djato nummer tiga dengen 120.100.000 tenaga koeda. Benoea Europa dapet nummer arnpat dengen 58.200.000 tenaga koeda.

Dan Australië djadi paling boentjit dengen tjoema 6.500.000 tenaga koeda. Negri-negri jang paling banjak goenaken iapoenja kakoeatan aer ada seperti brikoet:

1. Amerika nummer satoe se[1]perti biasa.

2. Noorwegen dan Zweden dja[1]to nummer doea (jang soeda di[1]goenaken 3.200.000 tenaga koeda).

3. Canada mempoenjai kadoe[1]doekan ampir sama seperti Noorwegen dan Zweden.

4. Japan djato nummer ampat (soeda goenaken 3.000.000 tenagakoeda).

Tenaga bekerdja jang diboewang pertjoema „seperti aer” di antero doenia ada sanget besarnja, hingga aer-aer toempa, kali-kali dan sebaginja seperti toenggoe orang[1]orang jang pande boeat kasi ia poenja tenaga besar.