Djikaloe tida bisa tidoer
BANJAK orang jang tida bisa tidoer aken moefakat bahoea marika tida bisa poeles oemoemnja lantaran diganggoe oleh datengnja pikiran-pikiran waktoe hendak tidoer. Bagimana kita haroes berlakoe boeat hapoesken itoe kabiasahan apa kita haroes berbóeat aken singkirken pikiran, kadjengkelan, dan kakoeatiran waktoe kita moesti tidoer? Demikian ada ditanja oleh Mr. Frederick S. Bigelow, dalem Hearst’s International-Cosmopolitan.
Mr. Bigelow ada djadi anggota pengoeroesnja hospitaal-hospitaal dari Graduate School of Medicine dari University of Pennsylvania. Atas itoe pertanjahan ia sendiri kasi djawaban jang ringkesnja seperti di bawah ini.
Ada bebrapa djalan jang saderhana jang bisa bantoe banjak sekali bceat dapetken tidoer. Penoelis soeda beladjar goenaken satoe akal jang kaliatan seperti tjara anak ketjil, tapi ternjata berfaedah boeat singkirken dengen lantas pikiran-pikiran jang dateng waktoe temponja tidoer.
Itoe akal adalah begini. Anggep kaoe poenja otak meroepaken satoe papan lei jang lebar jang terletak di hadepanmoe. Lebih djaoe anggep ada tangan jang tida kaliatan menoelis di atas itoe papan lei roepa-roepa pikiran jang mengganggoe kaoe poenja katentreman. Tegesnja, pikiran apa sadja jang dateng waktoe kaoe tida bisa poeles anggep seperti ditoelis oleh itoe tangan jang tida kaliatan di atas itoe papan lei.
Tapi, lebih djaoe lagi anggep beroentoeng sekali di tanganmoe kaoe ada pegang satoe spons basa hingga kaoe bisa lantas gosok ilangksn apa jang baroe ditoelis di itoe papan lei. Malah kace bisa gosok ilang lebih tjepet dari itoe tangan jang tida kaliatan poenja menoelis, hingga sabelonnja satoe perkatahan ditoelis rampoeng kaoe soeda gosok linjap.
Kaoe bajangken bahoea kaoe goenaken kaoe poenja spons begitce sebat hingga kaoe poenja papan lei selaloe tinggal bersi. Ini permasnan toelis dan gosok moesti dibajangken bahoea kaoe jang selaloe memang. Boekantah ini kaliatan seperti tjaranja anak ketjil? Tapi penoelis telah alamken ini djalan ada datengken resultaat jang menjenangken.
