Tanda tangan palsoe
ARSAD ada dj adi looper rekening jang dipertjaja dari firma Tjawan Hwat, dalem mana toean loa Tjip Tiong sebagi Chef jang berboedi briken gadji boleh dibilang bagoes padanja kapan menginget ini penggawe Boemipoetra ,anja kaloearan sekola desa sadja tjoema toelisan tangannja ada . Agoes dan njata.
Tapi apa latjoer rirsad. soeka diam-diam maen joedi dadoe dan sintir. Inilah Joestroe ada djadi iapoenja kalertjahan jang membawa dirinja ka Joerang- katjilakahan. Di itoe pagi dari hari Minggoe djoestroe ia djadi gelabakan. Ia poekoel dadanja, banting kakinja, berkali-kali saking mendongkol dan menjesel pada hatinja sendiri tapi itoe semoea pengrasahan djengkel teroes mengerem, menindi laksana goenoeng dan mentjengkrem hebat di dadanja.
Ia soeda bikin loedes di tempat dadoe sintir tida koerang dari seratoes roepia oewang tagihan rekening toko.......... inilah jang bikin sekarang ia djadi sebagi meriang panas dingin. Hmmm, ia menggereng，merinti dan seselin pada.......... kassier toko jang koerang terliti preksa rekening-rekeningnja sahingga ia bisa selingkoehin itoe oewang dan tida stort seanteronja tatkala di hari Saptoenja sampe ia dapetken kasempetan diam-diam bawa itoe oewang dalem sakoenja boeafc iseng-iseng dibawa ka, dalem pesta kawinan dari kaponakannja di kampoeng.
Bermoela Arsad poen tida pikir aken pake itoe oewang toko, selaennja boeat djoeal „actie，meoeloe angetin isi kantong, tapi tida taoenja pengabisannja kena kasedot abis atas lapak dadoe sintir. Moela-moela tjoema hendak dipake bebrapa roepia sadja boeat soesoel kekalahan oewangnja sendiri, tapi achirnja seantero oewang toko toeroet terbawa anjoet.
Arsad pikir teroes boelak-balik dan achirnja ia djadi bebalik marah pada dirinja sendiri jang begitoe lemah hingga ia tondjokin dengen. sengit kapalanja. Semoea katjilakahan. ini sabetoelnja ia moesti persalahken pada dirinja, boekan pada kassier dan boekan pada siapa orang djoega.
Dalem waktoe kapepet begini memang satoe pemaentopan. maoe bertobat toedjoe toeroenan boeat deketin iblis djoedi poela. Dan apa akal sekarang? Sekarang tida ada laen djalan dari pada tjoba tinggal kalm sabisanja sembari teroes tjari daja.
