Koran Sin Po, 13 Maret 1926

Bagimana kita haroes berboeat aken tjotjokin diri dengen orang laen

Laporan: Sinpo
Senin, 13 Maret 2023 | 09:40 WIB
Koran Sin Po 13 Maret 1926 (monash University/SinPo.id)
Koran Sin Po 13 Maret 1926 (monash University/SinPo.id)

Dr. David Mitchell ada satoe psychologist jang terkenal. Ia ada satoe specialist dalem „clinical psychology" Ia ada djadi President dari Society of Consulting Psychologists dl New York Staat, dan Chairman dari Division of Clinical Psychology dari American Psychologlcal Association.

Ia poenja perkerdjahan jang penting jalah dalem hal membantoe orang menjotjokin dirinja dengen orang orang laen. Ia pernah kata begin!: „Kaloe ada doea atawa tiga orang jang tida bisa tjotjok dengen kaoe, boleh djadi ada itoe orang-orang poenja salah. Kaloe ada satengah atawa satoe doz’jn orang jang tida bisa tjotjok dengen kaoe, adalah kaoe jang bersalah. „Itoe waktoe sampe pada temponja boeat bikln papreksahan.

Kaoe haroes liat penghidoepan dengen pemandangan kaloear dan boekan kadalem. Tegasnja, karoes selidikin dirimoe sendiri. „Demikian djoega dengen perkerdjahan. Kaloe kaoe soeka menoekar kerdjahan doea kail atawa sampe tiga kali dalem tiga tahon, boleh djadi itoe ada tanda dari kaoe poenja kamadjoean; tapi kaloe kaoe menoekar perkerdjahan sampe lima anem kali dalem itoe tempo, adalah kaoe sendiri dan boekan itoe kerdjahan-kerdjahan jang tida benar.”

Dr. Mitchell anggep tentang bikin tjotjok diri sama orang-orang laen ada samatjem ilmoe — samatjem science. . Ini ilmoe ada terdiri dari bebrapa wet dan jang pertama jalah bahoea orang poenja kalakoean bisa di doega. Oemoemnja kita bisa doega orang nanti berlakoe begini atawa begitoe menoeroet kaadahan.

Orang laen poenja kalakoean pada diri kita ada bergantoeng djoega pada kita poenja kalakoean padanja. Kaloe kita namaken satoe orang pendjeesta, ia aken mendjawab laen dari kaloe kita namaken ia saorang djoedjoer. Solomon pernah kata: „Djawaban jang manis bisa singkirken kagoesaran.” Dengen sabenarnja ini memang ada hal jang bisa didoega. Saorang jang tida bisa hidoep roekoen dengen istrinja soeda minta advies pada piyunsze.sinpo

Komentar:
BERITALAINNYA
Koran Sin Po, 3 Juni 1939, (Monash University/SinPo.id)
"Jij noewoet penganggo dewek"
Senin, 03 Juni 2024
Koran Sin Po 28 Mei 1932, (Monash University/SinPo.id)
Lagi toedjoe boelan.
Selasa, 28 Mei 2024
Koran Sin Po, 17 Mei 1924 (Monash University/SinPo.id)
Moesim memboenoe dan merampok.
Jumat, 17 Mei 2024
Koran Sin Po 8 Mei 1986 (SinPo.id/Monash University)
Satoe Blanda di Tiongkok
Rabu, 08 Mei 2024
Koran Sin Po 21 April 1928, (Monash University/sinpo.id)
Tiongkok dan Barat.
Minggu, 21 April 2024
Koran Sin Po 30 Maret 1929 (Monahs University/SinPo.id)
Unificatie ka atas atawa ka bawah?
Sabtu, 30 Maret 2024