Satoe pengalaman jang tida enak.
SinPo.id - TIAP-TIAP hari raja Toan Yang atawa pesta Petjoen, sedeng laen-laen orang bergirang, sebaliknja Bian Gwan kaliatan berdoeka. Toch ia pasti boekan sedihin nasibnja Koet Gwan jang Malang! Di itce hari dengen paras sedih ia tinggal teroes termenang-menoeng di roemah. Aken tetapi boekan dari waktoe masi anak-anak, ia soeda tida soeka pada Gouw-gwee-tje-gouw.
Doeloean dengen sabenernja memang Bian Gwan ada sama sadja goembiranja sebagi laen-laen pamoeda kaloe waktoe harian Petjoen,malah bisa dibilang ia ada sala-satoe dari golongan pamoeda jang paling bergoembira. Sebab Bian Gwan terkenal di tempat kadiarnannja sebagi satoe „Setan Aer” jang paling pande maen di aer” bernang, kaloe lagi berame mandi di kali, paling tjepet dan seloeloepnja poen ia tahan paling lama hingga boekan. pertjoema ia dapet itoe nama djoeloekan.
Tetapi ini nama kahormatan kaliatan aken terlepas dari tangannja Bian Gwan, tatkala Boen Hok dateng tinggal djoega di tempat kadiamannj a Bian Gwan. Ia ini barasal dari Tangerang dan djoega di sana terkenal sebagi „dj ago aer”. Hal ini dengen lantas dikatahoei oleh banjak orang.
Diam-diam Bian Gwan merasa mengiri, tertjampoer pengrasahan mendongkol kaloe satoe tempo ia denger ada orang poedji Boen Hok. Ini perasahan orang bisa liat teges di paras moskanja Bian Gwan, dan barangkali djoestroe ini sebab maka orang seperti sengadj ain sabari- saban poedji katjepetan bernangnja Boen Hok, dan kakoeatan napasnja djikaloe ia lagi seloeloep dalem aer. „Kaloe ia seloeloep ia bisa tahan, kalos maos, samipe .satoe djam, baroe timboel lagi di moeka aer," kata Eng Koen.，
Dia soeda mampoes kaloe dia. selceloep dalem aer begitoe lama，” kata Bian Gwan dengen soeara mendongkol, „tjerita begitoean ia boleh djoeal di depan kaoe, tapi djangan di depan’koe.” „Eh, kaoe djangan lantas djengkel dan marah pada’koe,” saoet Eng Koen sambil tertawa, „kaoe bcleh pertjaja atawa tida, tapi akce tjoema denger apa jang ia bilang.
Katanja doeloean ia iseng soeda perna tiinpoek sarang tawon gong hingga kawan tawon itoe lantas terbang oeber padanja. Sebab tida ada laen. djalan lagi, ia lari terdjoen di kali, laloe seloe- Icep lebih dari satoe djam, baroe- ]ah koetika ia moentjoel lagi di moeka aer tida ada lagi itoe binatang jang moerka.
"„Nah, ija, dia djoeal obrol di depankaoe.”Sabetoelnja Boen Hok tida ada omong apa-apa. Itoe melaenken bisa-bisanja Eng Koen sendiri jang memang soeka mengobor orang dan di antara laen-laen kawannja
