Pergi ka kramat tjari alamat

ORANG-ORANG jang sedeng dilanggar banjak pech, maski marika ada orang-orang jang dapet peladjaran djoega dan tadinja tida pertjaja pada segala apa jang bersifat tachajoel, dalem satoe tempo soeka „tjoba-tjoba" djoega berboeat satoe atawa laen tjara katachajoelan.

Marika ini roepanja sebagi saorang jang sedeng kalelap di laoetan jang dalem hingga salembar roempoet jang- anjoet poen, ia hendak tjoba djambret soepaja dirinja djangan djadi tenggelem. Beginilah djoega ada dengen Joe Siong dan Tek Tjoan.

”Tjoan,” kata Joe Siong pada soeatoe hari, „apa kaoe pertjaja sama setan? Akoe maksoedken dari adanja itoe machloek jang tida kaliatan!" ”Tida,” saoet Tek Tjoan, ”akoe tida bisa pertjaja pada apa jang tida bisa diliat oleh mata.” „Tapi apa jang terdjadi dalem doenia poen tida selamanja kaoe liat dengen mata, kaoe denger oepamanja pembrontakan di Cuba, atawa di provincie Szechuan ada terbit gempa boemi besar, itoe semoeanja kaoe trima dengen  kejakinan kapertjajahan, sama sekali boekan dengen „hak-aljakin” jaitoe kaoe liat dengen kaoe poenja mata sendiri.

Itoe kabaran bekerdjanja pada kita ada suggestief dan kita laloe pertjaja itoe. ”Nah soeda, akoe maoe pertjaja, apa kaoe maoe bawa akoe mengadep pada setan brangkali, Siong?” kata lagi Tek Tjoan dengen djinaka saijibil tertawa mesem.

Boekan begitoe, tapi akoe maoe adjakin kaoe pergi ka keramat saoet Joe Sionig, „kita tidoer di saa, semaleman dan besokannja kita beli lot lotery.” ”Ja, baek, biar laert orang kata kita tachajoel djoega. Kita pergi djiiarah ka mana, apa ka keramat meriam si Djagoer? Kabarnja satoe njonja Inggris jang tida poenja anak waktoe plesir ka Java dan ko-endjoenglni itoe tempat, setaoe bagimana gids janig menganter .antara laen-laen) soeda toetoerken djoega tentang itoe kapertj kapertjajah an tachajoel dari anak negri, njonja itoe sambil ibersemtjoem ’dan iseng-iseng laloe doedoekin itoe meriam dan njataken irigin poenja anak, sedeng penoenggoe itoe meriam koeno laloe bakar menjan.

Liwat kira satoe taon kabarnja itoe njonja telah melahirken satoe pioetra lelaki di Londen.”