Dewan Pers SinPo

Anak-anak synthetisch

Laporan: Sinpo
Jumat, 23 September 2022 | 16:40 WIB
Koran Sin Po 23 September 1923 (Monash University)
Koran Sin Po 23 September 1923 (Monash University)

Maski oemoemnjia orang aken tertjenggang tapi toch ada satoe fact bahoea njonja Mate Hommel di Los Angeles poenja tiga anak prampoean telah dilahirken. tjara synthetisch, marika ada anak-anak synthetisch, jang bapanja baroe dikatahoei oleh iboenja tatkala jang paling ketjil soeda dilahirken. Ini hal tentoe sadja ada loear biasa, tapi di kalangan wetenschap kadoktoran soeda lama dikenal. Boekan sadja begitoe, malah ada medische autoriteiten jang anggep tentang melahirken anak tjiara synthetisch ada baek serta tjotjok sama ethica.

Itoe tjerita tentang njonja Hommel dan iapoenja anak-anak synthetisch djadi dikatahoei oleh publiek lantaran sang iboe moesti mengasi penjaksian di pengadilan di Los Angeles berhoeboeng sama oeroesan milik besarnja $500,000 dalem mana iapoenja bekas soeami, Dr. Wesley J. Hommel satoe thabib di Hollywood, ada tersangkoet.

Njonja Hommel telah bikin pengadilan djadi tertjenggang tatkala ia bilang bahoea bapanja iapoenja tiga anak prampoean ada satoe Ielaki dengen siapa ia belon perna idoep sama-sama; tegesnja, ia belon perna katemoe sabelonnja anak jang katiga dilahirken. Itoe kalahiran soeda dilakoeken dengen perantarahan wetenschap jang mengagoemken, hal mana telah dilakoeken, dengen moefakatnja iapoenja soeami jang lama, James Shelley, satoe verkooper di Detroit, tatkala Shelley dapet kanjatahan bakal tida bisa mendapet anak.

Sang bapa jang wetenschappelijk adalah Shelley poenja satoe sobat, satoe dokter. Djoega itoe perkara bakal teroes djadi resia apabila tida terdjadi perkara tjinta — apabila dewi katjintahan tida nimbroeng dalem oeroesan wetenschap.

Itoe oeroesan tjinta soeda moentjoel tatkala sang bapa wetenschappelijk koendjoengin roemahnja

Shelley. Dengen sigra itoe bapa wetenschappelijk djadi ketarik oleh iapoenja anak - anak dan kamoedian djadi tjinta marika, dan blakangan ia djadi djato tjinta djoega pada itoe anak-anak poenja iboe. Ini hal djadi semingkin roewet lagi tatkala njonja Shelley djoega djadi tjinta pada itoe dokter.

Kamoedian laloe dibikin porempoekan, dan Shelley anggep ada lebih baek, djika dibikin pertjereian soepaja njonja Shelley bisa menikah dengen itoe orang jang ia tjinta. Shelley laloe bikin perdjalanan ka Californie, boeat tjoba terpisa dari istrinja, sang istri itoe waktoe dapet kans boeat berkoempoel dengen Dr. Hommel dan kamoedian menikah dengen ianja. Pada, sabelonnja menikah pada itoe dokter, njonja Hommel kasi taoe tentang iapoenja melahirken anak-anak dalem tjara losar bia.sa, dan itoe dokter moefakat.sinpo

Komentar: