KamadjoeandiSiam.

SinPo.id - Djoega Siam soeda banjak beroba, djoega ini negri jang bersifat separo Tionghoa separo Malajoe telah bertindak madjoe, hingga sekarang ini negri Gadja Poeti bisa dipandang sabagi saia satoe negri Azic jang paling beres dan madjoe. Radja Siam .-jang banjak berdjasa boeat bikin Siam mendjadi madjoe ada baginda Chulalongkom i almarhoem, jalah radja Siam jang telah koendjoengin Java dan jang kasi itoe patoeng gadja pada „Gedong gadja” (Museum) di Batavia, Ini baginda meninggal dalem tahon 1910 dan digantiken oleh radja Sjowfa Maha Vajiravoedh, jalaji radja Siam jang sekarang.

Ia perna berladjar di Engeland, jalah di Sandhurst dan Christ Church (Oxford) dan dapet gelaran generaal-titulair dalem balatentara Inggris. Dalem roepa-roepa hal Siam ada lebi madjoe dari negri-negri Azië jang laen. Begi toelali peroesahan terbang di Siam ada teratoer beres sakali; doeloe aviateur aviateur bangsa Fransch kasi pladjaran pada toekang-toekang terbang Siam.

Tapi sekarang oeroesan terbang dioeroes oleh bangsa Siam sendiri. Koetika itoe toekang terbang Olanda Van der Hoop (jailg terbang dari Holland ka Batavia) brenti toeroen di Bangkok, ia merasa kagoem, lantaran liat bagimana keadahan lapangan terbang di itoe kota Siam ada beres dan samoea teratoer rapi, maskipoen jang oeroes samoea orang Siam sendiri tida pakeh bantoean asing.

Djoega dalem laen-laen hal Siam bisa diboeat toeladan. Begitoelah di Siam soeda ada wet jang larang orang boeka tempat ber- djoedi. Pendjoealan madat ditilik dengen keras. Lantaran tataneman padi di Siam dalem tahon 1918 roesak, dalem tahon 1919 dikaloearken 'vet boeat tetapken harga beras.

Dalem tahon jang terseboet paling blakang, djalanan kreta-api poen dibikin loewas, jalah ka dj oeroesan Timoer sampe di watesnja Cambodja dan dj oeroesan Korat sampe di Oebon. Sedari tahon 1918 ada perhoeboengan kreta-api api tetap dengen Penang. Pendapetan negri djoega samingkin baek.

Dalem tempo 30 tahon pendapetan negri Siam naek dengen 524 pCt. dan perdagangan im- daia export naek dengen 300 pCt, Keadaan kaoem boeroe djoega ada lebi baek, kaloe dibandingken dengen laen laen negri di Azië. Oewang pembajaran pada koeli-koeli di Siam ada paling tinggi biarpoen dibandingken dengen negri Azië jang mana poen.

Pladjaran di Siam poen samingkin baek; Chulalongkorn University di Bangkok ada satoe midrasa jang indah. Ini University Siam didiriken dalem tahon 1917 dan dinamaken begitoe boeat kaharmatannja baginda Chulalongkorn. Dengen ini University telah diga- boeng sekolah tinggi boeat thabib- thabib. Dalem ini University dikasi pladjaran thabib, pengatahoean politiek, pladjaran ingenieur, literatuur dan ilmoe alam. Salaen dari ini sekola militair, sekola hakim, sekola marine, sekola politie, sekola post dan telegraaf.

Bagimana tinggi Siam dipandang oleh negri asing, bisa ternjata dalem tahon 1920. Dalem itoe tahon Amerika Sa- riket tjaboet iapoenja hak exterritoriality di Siam. Di Tiongkok itoe hak jang menghinaken masi ada, tapi di Siam soeda ditjaboet 4 tahon berselang!

Ini ada satoe andjoeran baroe boeat bangsa Tionghoa aken bergiat sabisa- bisanja boeat bikin madjoe bangsa dan negri sendiri dan bikin naek deradjatnja bangsa Tionghoa. Ini samoea ada bergantoeng pada kitaorang sendiri; dipandang atawa tida oleh negri asing, itoe bergantoeng atas kitapoenja diri sendiri!

 S.