Anak Jang Mana ?
SinPo.id -
Itoe orang kaja laloe keloear dari pondok si miskin tadi teroes toeng- gangin koedanja dan dalem sakedjap mata sadja soeda ilang dari pemandangan.
Tangan kiri Wirosarti tida lepas pegangin djanggoetnja, dan tiba-tiba tangan kanannja bekas bersalaman tadi diboeka, astaga..............ia sanget terkedjoet liat satoe lembar oewang kertas dari f 10.— di telapak tangannja. „Sarti, alangkah oentoengnja kita dengen tida di sangka-sangka ini. Sekarang kita dapet kalonggaran sedikit dalem hal piara kita poenja anak- anak ....................Tetapi, apatah sebabnja kaoe selaloe tertjengang di sana dengen tida berkata-kata dan moekamoe poetjet ? Sepatoetnja kaoe haroes djoega bersoeka hati, kerna dari peroentoengan kita ini.”
”Betoel begitoe ! Hatikoe poen girang rasanja kita teilepas dari sangsara. Tetapi kaloe saja pikir lagi, jang kita aken kailangan satoe anak, tida tegah rasanja hatikoe mentjereiken anak-anak itoe. Tjoba pikir, siapatah di antara anak kita jang aken kita seraken pada orang tadi ? Kita kasiken jang toea, dia baroe lepas dari sekola desa boekankah kita boleh djoega harep pertoeloengannja ? Dia soeda bisa bakerdja sedikit-sedikit. Ja, betoel djoega, boeat tjaril basil banjak tentoe belon; dan kaloe dia di marahin sedikit, tida perna ia mendjawab atawa melawan, boekan? Apatah jang kaoe pikirken lagi ? Anak-anak kita jang sebaek-baek- nja sembilan, kita poenja pengidoepan bergantoeng padanja djoega. Tida maoe ...............akoe tida maoe kailangan maski satoe anak. Dia telah bantoe kita mengoeroes roema tangga dengen baek. Ia tjepet kaki ringan tangan. Tida, kanda! Dan kaloe kaoe terpaksa, kasi ken lah anak lelaki jang toea, itoelah jang maoe akoe seraken. Anak jang nakal itoe tida mengapa rasanja, betoel ada djoega sedi hatikoe sedikit, tapi........................”
”Anak lelaki jang toea aken kita soeroe pergi ? Tida. Sarti! Itoe dja- ngan kaoe pikir sedikit djoega. Akoe taoe, pendapetan dan kerdjanja ada sama betoel dengen akoe. Liatlah aer matanja melele di pipinja! Biarlah kita kasiken sadja si Sakri, ia satoe anak jang doenggoe; tentoe soesa ia dapet redjeki, sabelonnja beladjar pakerdjahan tangan. Sekarang ia bekerdja atawa tinggal bersama dengen saorang hartawan, di sitoe ia dengen tida bekerdja bisa menjenangken hatinja.
”Si Sakri bodo ? tanja bininja. „Kaoe sala. Itoe anak tjerdik betoel. Betoel katjerdikannja tersemboeni, tida kaliatan. Kabiasahannja ia soeka bermaen sendirian sadja. Sekarang ia te- lah taoe segala hoeroef Djawa dengen betoel. Akoe brani bertaro, satoe boelan lagi ia pande membatja.” ”Kaloe begitoe biarlah satoe dari pada kita poenja anak jang kembar kita seraken. Betoel, kita sajang pada kadoeanja, tetapi koetika kita trima dari rachmat Toehan,.... ”Tida, akoe tida satoedjoe! Akoe tida aken idj inken si kembar pegi dari depankoe. Akoe tida bisa djaoeken diri dari padanja. Alang- kah manisnja anakkoe jang sapasang itoe.”
"Kaloe begitoe baek si lemah sadja, Takim, jang salaloe sakit itoelah kita serahken. Bagimana kaoe poenja pikiran ? Ja, kita sajang djoega padanja, tetapi kita tida mampoe boeat mendjaga, tida ada oewang boeat belih obat. Kaloe kita serahken, tentoe ia aken dapet piaraan baek-baek boekan ?n ”Ja!” kata Sarti dengen sedi hatinja, ”anak jang poetjet dan sakit itoe maoe kita seraken ? .............. Teranglah aken kailangan satoe anak boeat selamanja. Pikirlah, dia sakit tentoe aken bertamba sakit. Dan dalem sakit nanti ia berseroe : iboe ! iboe ! pandanglah akoe iboe, akoe aken..............Adoeh!
aotjoer toelangkoe, rasa-rasanja soeda kadengeran di telingakoe, betapa dan bagimana sedinja itoe pertjereian. Kita piara sendiri sadja dia sabrapa bisa. Biar mati sekalipoen.................asal di depan kita.................” ”Sarti! Sarti! seroenja Wiro, „mengapa kaoe poetjet ?’’ Aer matanja Wiro mengoetjoer seperti soesoe sam pi diperes. „Sarti?” begitoelah kata Wiro kasoedahannja ;”kaoe pilih sendiri siapa d' antara kita poenja anak jang aken kita kasiken.” „Teroes terang, akoe tida taoe, siapa di antara kita poenja anak jang aken kita laloeken dari mata kita. Akoe. tida maoe keilangan maski satoe. Pikirlah . . . . . . kita aken kailangan satoe anak. Kaloe mati tentoe ada koe boerannja.............Biarlah kita pajah memiaranja. Menjeraken diri sadja pada Allah, Soeda begitoelah nasibnja kita ini. Kataken sadja nanti kaloe itoe orang hartawan dateng, saorangpoen tida ada jang bisa berpisaan dengen kita.”
„Sasoenggoenja katamoe itoe, Sarti! Saja sendiri djoega tida maoe berpisa dengen anak-anakoe. Maski satoe akoe tida aken kasiken pada siapa djoega.... Anak tinggal anakoe selamanja.” begitoelah djawab soeaminja. Kedoea laki-istri itoe laloe doedoek bengong sakoetika lamanja! Wiro dja- tohken itoe oewang kertas di atas bale- bale sambil awasin moekanja Sarti. Doea orang poenja moeka sakoenj oeng- koenj oeng djadi berseri kombali.
MERCURIUS.
