LIP T J I (1)

SinPo.id - Bebrapa bias taon berselang, tatkala saja masi tjokol atas bangkoe sekola, Saja pernah disoeroe bikin karangan dengen kalimat ”Lip-tji” atawa „Diriken angen-angen.” Sasoeda lama kadekak kadekoek tida taoe begimana moesti moelai menoelis tentang ini klimat jang sasoenggoenja ada terlaloe besar boeat anak-anak, saja lantas moe- dengen peroepamahan. Saja oepamaken tentangdiriken angen-angen bagi kita poenja penghidoepan ada sebagi tentang diriken fundament bagi kita poenja roemah.

jJ'ila satoe roemah tida mempoenjai fundament jang tegoeh sekalipoen ada begimana bagoes di bagian atasnja,tooh ia tida bisa berdiri tegoeh dan satoe waktoe kena diserang angin dan jan jang santer tentoe tida loepoet dari bahaja anibrek. *Orang jang tida nenipoenjai angen-angen dalem penghidoepannja sekalipoen ia ada poenja kepandean-kepandean jang lebih menang dari orang-orang laen, ia aken[Ma mempoenjai katetepan dan saban- ban djadi liniboeng hingga achirnja,a tida bisa berboeat apa-apa jang berharga.Sasoedanja menjoesoen bebrapa zin boeat samboeng itoe peroepamahan diatas, saja lantes tarik conclusie ten-lnS pentingnja diriken angen-angen, an laloe serahken itoe karangan pada Saja poenja goeroe. Esoknja saja merasa kaget tatkala itoe goeroe bilang saja poenja karangan jang pendek ada Mng paling baek dari semoea boeat itoe kalimat. Dalem commentaarnja itoe goeroe toelis bahoea dengen sedikit perkatahan saja soeda loekisken abis apa jang paling perlu. Tapi itoe ma-sa saja sendiri tida taoe apa jang djadi inggoes dalem itoe toelisan.

“Blakangan saja baroe mengarti ba- hoea adalah itoe peroepamahan jang Membikin saja poenja goeroe merasa poeas, dan saja djadi mendoesin djoega vcnapah itoe peroepamahan bisa diangfeP djitoc. Sasoeda belasan tahon me- ,Wat ini hal sering kaingetan poela dalam pikiran saja. Dan saja sering bilang pada diri sendiri bahoea itoe perompamahan sabenernja koerang ter-rang dan koerang djitoe. Sabetoelnja SaJ'a moesti oepamaken tentang diriken angen-angen bagi penghidoepan dengen tentang adaken toedjoean bagi pelajafan- Orang idoep zonder ada poenja angen-angen djoestroe seperti orang belajar zonder ada poenja maksoed jang tentoe kemana ia hendak menoedjoe. la boleh belajar dengen kapal jang ladjoenja paling santer dan mempoenjai djoeroe moedi dan machinist jang paling pande, toch ia nanti tjoema wara-wiri dengen teroembang-ambing di tengah laoet.

la nanti kalah sama orang jang menoempang peraoe lajar maski moesti mengandel pada angin tapi mempoenjai toedjoean tetep jang maoe disampein. Maski dengen lambat la oen dan maski dengen banjak soesa ia ada harepan boeat sampe di itoe tempat jang ditoedjoe. Apabila ia achirnja bisa sampe ka itoe daratan jang dintjer, ia bisa merasa bangga bahoea ia soeda berhasil. Seandenja ia poenja nasib djelek dan kleboe di tengah djalan, orang masi kesianin bagi kagagalannja. Tapi orang jang warawiridi laoetan loeas zonder taoe kamana maoe menoedjoe, soeda tentoe boeat ia tida ada jang dinamaken berhasil. Ladjoe lebih tjepet atawa lebih perlahan bagi ia ada sama sadja. Bila ia sampe di satoe tempat, itoe tida berarti laen dari noempang singgah, kerna ia nanti wara-wiri lagi dan begitoe sateroesnja. Apatah bedanja satoe pelajaran demikian dengen satoe potong kajoe jang anjoet jang tjoema toeroetin alirannja ombak jang tida tentoe dj oeroesannja ? Sasoeatoe antara kita orang ada orang pelajaran atas ini laoetan jang sanget loeas dari penghidoepan. Brangkali tida ada satoe orang jang maoe belajar diatas laoetan aer zonder ada poenja niatan hendak menoedjoe kamana, tapi boekan sedikit orang jang bikin pelajaran atas ini laoetan penghidoepan zonder ada poenja toedjoean jang tentoe.

 Apatah boekan kaliatannja manoesia dalem satoe hal ada tjerdik tapi dalem laen hal jang lebih besar berbalik djadi goblog ? Tapi biarlah kita djangan nienjela doeloe. Biarlah kiia tjariken alesan bagi ini kagoblokan dari manoesia. Tentang belajar di laoetan aer ada berbeda clari tentang belajar di laoetan penghidoepan. Oemoemnja orang lebih doeloe ada poenja niatan kemana ia hendak pergi baroe ia toeroen ka kapal dan belajar. Tapi tida demikian dalem pelajaran di laoetan penghidoepan. Zonder ada poenja niat lebih doeloe, taoe-taoenja kita soeda terlahir. Kita tida taoe asalnja kita dari mana, dan kita tida taoe achirnja kita nanti pergi kamana, dari itoe tidalah terlaloe heran kaloe dalem ini perdjalanan kita tida taoe sabenernja moesti menoedjoe kemana.

Kaloe pada satoe pagi mendoesin dari tidoer dan dapetken diri soeda ada diatas kapal jang soeda mengangkat djangkar, soeda tentoe kita moesti bingoeng tida taoe kemana kita moesti menoedjoe. Tida oesa diboeat heran kaloe ini hari kita timboel niatan boeat menoedjoe ka Tiongkok, besok lantes berobah kapengen menoedjoe ka Europa, noesa kapengen menoedjoe ka Australië dan bagitoe sateroesnja. Dan lagi tatkala sakoenjoeng koenjoeng kita soeda ada di satoe kapal jang belajar di ini laoetan dari penghidoepan, kita masi belon taoe satoe apa. Ualem tempo belasan tahon kita ada djadi anak-anak zonder mengarti apa jang dinamaken penghidoepan. Dalem tem -po sakean lama sebagi anak-anak kita ada dipengaroehin oleh berbagi-bagi pikiran. Sebagi anak-anak kita soeda tentoe tida bisa pilih mana jang bener.

Djika satoe anak ketjil sakoenjoengkoenjoeng dapetken dirinja ada dalem satoe pelajaran dan tida taoe kemana ia maoe pergi dan sateroesnja laloe toeker pergi dateng ia poenja toedjoean, soeda tentoe orang tida nanti salahken. Tapi djoestroe ada demikian kita poenja keadahan dalem ini penghidoepan waktoe anak-anak. Apa maoe itoe kebiasahan' menoeker pergi dateng toedjoean di waktoe masi ketjil bisa teroes- menèroes sampe oemoer dewasa' Selandjoetnja kita bisa djadi orang jang tida mempoenjai angeii-angcn. Kita bisa djadj seperti itoe orang pelajaran jang tjoema repot wara-wiri di laoetan besar, teroembang-ambing loleh geloembang, dan achirnja karem zonder bisa membilang soeda berhasil atawa gagal. Inilah sasoenggoenja ada lelakon sedih jang heibat tapi roepanja paling oemoem dipertoendjoeken atas tooneel penghidoepan manoesia.Soeda tentoe semoea djadi satoe rocpa sadja djika diliat dari pemandangan jang sanget loeas seperti philosophicnja Chuang Tze atawa dari pemandangan jang paling sceptisch. Tapi manoesia ada poenja kainginan-kainginan dan maksoed-maksoed dan boeat kainginan dan maksoednja ia boekan tida maoe berdaja dan bergoelet. Bilah kainginannja tida terkaboel dan maksoednja tida kesampean, ia merasa tida broen