Pernikahan antara berbagi- bagi bangsa.
SinPo.id - Pernikahan antara berbagi-bagi bangSa saia satoe soewal jang soeker dan jang sampe di ini saat belon bisa diPoetoesken. .Apa pernikahan antara doea bangsa jang berlaenan ada baek ? orang bisa djawab ini pertanjahan dari berbagi-bagi pemandangan (standpunt).
Pertama bisa dibitjaraken orang-orang tida setoedjoe dengen pernikahan antara doea bangsa lantaran acla perasahan seperti mengandjel kaloe saoepa- liat saorang prampoean Tionghoa Menika dengen saorang Olanda. Lantaran jang didasarken meloeloe
atas perasahan, tentoe sadja tida bisa dibanta. Kaloe saorang marasa sendiri „ticla enak1’ boeat menika dengen saorang laen bangsa, orang tentoe tida bisa ilangken itoe perasahan „tida enak” jang boleh djadi terdasar atas ras-instinct jang dalem.
Ini satoe sebab jang meloeloe ter- dasar atas perasahan boleh dinamaken satoe alesan subjectief. Selaen dari ini masi ada roepa-roepa alesan laen jang lebih objectief. Begitoelah orang bisa tjobah selidikin dan liat begimana hasilnja pernikahan antara bangsa laen.
Kaloe kita tida saia, dceloe Dr. Von Komer di Batavia telali bilang, pernikahan antara orang Tionghoa dan Boemi poetra di Java, tida back boeat physiek (keadahan badan) dari orang Tionghoa jang terlahir dari itoe nikahan tertjampoer, (pranakan).
Orang Tionghoa totok ada banjak lebih koewat dari orang Tionghoa pranakan, tetapi — menoeroet itoe thabib poenja pendapetan — lantaran itoe tjam- poeran dara orang-orang prampoean Tionghoa pranakan ada lebih eilok dan aloes potongannja clari orang prampoean Tionghoa totok. Apa anak-anak dara tjampoeran sa- nioeanja ada lebih baek dan seliat dari anak jang daranja tida tertjampoer, soesa dipoetoesken.
Kaloe diliat antara penoelis-penoelis terkenal, tida bebrapa banjak antaranja jang mempoenjai dara tjampocran. Marie Corelli ada dari dara tjampocran. Begitoepoen J.afcadeo I learn, itoe penoelis tentang Japan jang terkenal. Orang tida bisa seboet banjak tjonto- tjonto, boleh djadi lantaran djoemblanja orang jang kawin dengen bangsa laen tida begitoe besar, kaloe dibandingkeji dengen djoemblanja orang-orang jang menika antara bangsa sendiri. I )joega orang bisa timbang ini soewal dengen goenaken kabrocnloengan sebagi oekoeran.
Apa nikahan antara doea orang dari laen bangsa oemoemnja bisa broentoeng ? Ini pertanjahan poen soeker didjawab. John Paris, bitjaraken dalem ia pocnj.i boekoe ”Kimono’’ nikahannja saorang Inggris dengen saorang prampoean Japan (lan begimana itoe nikahan ternjata tida bawa kabroentoengan. „Tapi sabaliknja M. T. telali loekisken dalem ia poenja „My Chinese Marriage" („Akoe poenja pernikahan dengen saorang Tionghoa’’)begimana satoc nikahan antara satoe orang prampoean Amerikaan dan saorang Tionghoa bisa membawa banjak Lkabroen- toengan.
Kita rasa itoe pertanjahan : Apa nikahan antara doea orang jang bangsanja berlaenan ada baek ? ticla bisa didjawab dengen oemoem. Orang moesti liat orang-orangnja doeloe dan baek atawa tida baek nja, sebagian besar bergantoeng atas sifat- sifat dari masing-masing. Tapi kita rasa pana katjintahan bisa bikin temboes perbedahan bangsa, maskipoen dalem doenia oemoemnja perbedahan bangsa ada sebagi satoe tembok jang tebal sekali.
P. S. T.
