Oeroesan wet di Tiongkok.

SinPo.id - I. OEROESAN WET DI DJEMAN  POERBAKALA

Di djeman poerbakala di Tiongkok jang bikin wet ada baginda keizer sendiri. Menoeroet tjerita keadahan di Tiongkok di bawa pamerentahannja baginda Yao, Shun dan Yu (Giauw, Soen dan Gie) ada begitoe sampoerna, hingga ampir tida perloe didjalanken hoekoeman, sebab rahajat di itoe masa (kira- kira 2200 tahon sabelonnja Jezus terlahir) ada djoedjoer dan toeloes hati

Diwaktoe malem pintoe roemah troesa ditoetoep dan barang jang djato didjalanan orang tida poengoet, kaloe boekan miliknja sendiri, biarpoen itoe barang ada beharga. Kaloe orang jang bersala dipakeken badjoe orang hoekoeman ia merasa begitoe poenja maloe, hingga bertobat dan ia djadi tida oesa dikasi hoekoeman!

Tapi sampe sebagimana djaoe ini tjerita bisa dipertjaja tida bisa dibilang ; tapi biar begimana poen di djemannja itoe keizer-keizer koeno soeda ada roepa- roepa atoeran. Peradatan (li, lee) diwaktoe menika, diwaktoe ada jang meninggal, berkaboeng dan sebaginja semoea ditetapken dan pelanggaran ini dianggep sebagi dosa biasa jang boléh dihoekóem.

Di itoe djeman atoeran boeat hoe koem sinter o familienja si pendjahat roepanja belon ada. Atoeran-atoeran - I'ionghoa koene (2281 sabelonnja Jezus) di bebrapa bagi- han ada mirip dengen wet-wet dari bangsa Babylonie di bawa pamerenta- han : -ang poenja baginda Ham- moera. '2250 sabelonnja Jezus). Ui Tiongkv . di itoe djeman ada hoekoe- rnan potong idoeng, kaki dan kebiri; di Babylonie ada hoekoeman potong koeping, djeridji dan teteh. (Gi I’. Kos The Administration of Criminal'Justice in Ancient China, „The Chinese Students* Monthly,” May, 1913). Di djeman Chou (Tjoe Tiauw) orang berlakoe bengis sekali pada segala pemabokan ;orang jang mabok bisa dapet hoekoeman....... mati!

 Anak-anak di bawa oesia 7 taon dan orang toea jang soeda beroesia lebih toea dari 90 taon terbebas dari hoekoeman. Dalem taon 950 "(sabelonnja Jezus) King Mu adaken perobahan dalem perkara wet ? ia soeda merasa jang „hoekoeman ada boeat bikin baek manoesia, soepaja tida perloe diadaken hoekoeman lagi”.

Kong Hoe Tjoe anggep orang toewa bersala, kaloe tida didik anak dengen betoel; koetika satoe ajah jang adoeken anaknja dititaken oleh Kong Hoe Tjoe boeat dipendjara bersama-sama anak- anaknja, sebab anggep si ajah tida kasi adjaran baek pada si anak.

Dalem abad ka 4 sabelonnja Jezus terlahir Li K we i terbitken boekoe wet jang terkenal sebagi „L i K wei Fa Ching”? Dalem kitab Soe Keng ada ditoetoerken begimana satoe hakim haroes preksa perkara : „Kaloe kadoea fihak menga- dep dengen masing-masing bawa saksi dan katerangan lengkap, hakim-hakim moesti denger lima matjem katerangan, Sasoedanja. preksa ini dengen teliti, iaotang moesti bikin tjotjok kadosahan der gen sala satoe hoekoeman ; kaloe tida bisa ditjotiokin tjobah tjotjokin dengen sala satce antara lima hoekoeman denda’’.

II. OEROESAN WET DI DjEMAN BLAKANGAN.

Baginda Tjin Sie Ong hapoesken wet- wet dari djeman doeloe dan Jdoearken wet-Wet baroe jang dinamaken „Sembilan atoeran” jang terkenal bengis. Orang jang brani hinaken pamefentali diboenoe bersama ia poenja sekalian familie. Kelaköehan djahat oe rti oem nja moesti dipikoel oleh familienja si pendjahat dan lima tetangganja. Kazemattenpoort.

Pemandangan di Neurenberg, Beieren (Duitschland).

Hoekoeman kebiri masi diadaken | teroes seperti ternjata dalam tahon 98 sabelonnja Jezus terlahir. Di itoe koetika Soe Ma Tjian, itoe djoeroe hikajat jang terkenal, dihoekoem kebiri! Blakangan tentoe sadja diadaken roepa-roepa perobahan dalem oeroesan wet menoeroet djalanannja djeman.

III. TAY TJENG LOET LEE. Baginda Yung Lo (1403-1425) telah adaken satoe kitab wet jang mirip dengen boekoe-boekoe wet di negri Barat jang sekarang. Ini boekoe wet dari keizer Yung Lo ada dasarnja kitab Tay Tjeng Loet Lee jang digoenaken oleh pamerentahan Manchu. Hoekoeman-hoekoeman kedjem sebagi hoekoem potong dengen plahan (ling , chih)- boeat penghianat dan orang pram- i poean jang boenoe swami ada pendapetannja baginda Jen Tsung (1023-1064). Bagian pertama dari ini kitab (Loet) telah disalin ka dalem bahasa Inggris oleh Sir George Staunton (1810) jang alem ini kitab lantaran beres dan terang,! maskipoen itoe wet-wet teroetama boeat i djaga pamerentahan dan kadoea baroe boeat belaken hak-hak orang biasa. Staunton bilang : „By far the most j remarkablething in this code is its j great reasonableness, clearness, , and i consistency, the business-like brevity I and directness of the various provisions, and the plainness and moderation in which they are expressed.”