Hugo Stinnes

SinPo.id - Hugo Stinnes ada terkenal sebagi kapitalist dan industrialist jang paling besar di Duitschland. Boeat tjatet peroesahan-peroesahan jang berhoeboeng atawa ada cli bawah pengaroehnja ini “industrial magnate” orang kata moesti bikin satoe djilid catalogue. Soerat kabar Outlook soeda tjatet peroesahan-peroesahan jang penting sadja ada seperti brikoet:

German Luxemburg Mining and Smelting Company, Inc., Woermann Line, German East African Line, H. W. Heidmann dan laen kongsi areng batoe, Hugo Stinnes Transportation and Overseas Trading Company, (]erman-Ame- rican Petroleum Company of Hamburg, Hamburg City Hall . Hotel dan Hotel Hamburg Hof (doea-doea sekarang gedongnja soeda didjadiken kantoor-kantoor dari directeur-directeurnja berbagi-bagi peroesahan), kongsi-kongsi kapal di Königsberg, Baltic Navigation Company cli Flensburg, Brueningkaus Company» Inc., Friedrich Thomee, Inc., fabriek roda-roda wadja di Meggen, fabriek klinknagel Knipping Brothers, Gelsenkirchen Mining Company, Inc. jang didjadiken satoe dengen Rhine- Elbe Union, Austrian Alpine Mining Company, Hamburg Travelers Company, djoega kongsi-kongsi soerat kabar seperti ” Deutsche Allgemeine Zeitung” dan laen-laen.

Ini lijst dari peroesahan-peroesahan sadja soeda mengoendjoek bagimana loeasnja Hugo Stinnes poenja pentang pengaroe clalem industrie, tapi ini belon mengoendjoek besarnja ia poenja pengaroeh boeat liat ini biarlah di bawah kita koetib hak-hak jang soeda didapetken oleh Hugo Stinnes Transportation and Overseas Trading Company, sebagi satoe tjonto Ini kongsi ada mempoenjai hak boeat Lakoeken segala oeroesan transport, seperti djoega boeat membikin segala kaperloean bagi kapal-kapal baek di dalem maoepoen di loear negri boeat bekerdja dalem barang pengaloearan parit, peleboeran logam, dan peroesahan wadja, dalem peroesahan chemie, electrisch dan pertanian. boeat angkoet ka pasar-pasar segala barang boeatan fabriek seperti djoega barang bahan matjem apa sadja teroetama barang makanan, binatang piarahan, mineraal, gemoek dari binatang dan sajoeran, kapas, laen-laen bahan tenoen, koelit, rami, kajoe, cellulose, kertas, dan laen- laen bahan kaperloean industrie. Boeat mengirim kombali dengen kapal dan boeat simpen cli goedang itoe barang- barang, teroetama waktoe mengangkoet dari atawa ka negri-negri asing, ini kongsi cljoega soeda mendapet idzin boeat pakerdjaken tentang mengambil sari dari barang-barang bahan serta membikin barang-barang dalem ia poenja fabriek- fabriek sendiri.

Orang bisa bajangken bagimana besar itoe kongsi poenja hak boeat bekerdja hingga Herr Brinckmeyer sendiri bilang kita “soesa boeat bajangken saroepa organizatie jang lebih loeas, tapi ini baroe satoe dari itoe bebrapa organizatie jang cli bawah pengaroehnja Hugo Stinnes Sekarang Kita bisa liat apa jang oleh orang Duitsch dinamaken „Big Business”.

Trust ada doea roepa jang satoe dinamaken horizontal trust, jaitoe jang toedjoeannja boeat pegang sabagian besarnja atawa saanteronja saroepa industrie, oepamanja minjak tanah atawa wadja. Trust demikian poenja madjoe ada bersilat mendjalar melintang jang satoe lagi dinamaken vertical trust ini matjem trust moelai dari dasar jaitoe dengen barang bahan dan semingkin naek ka atas dengen peroesahan membikin membagiken dan mengangkoet itoe barang, demikianlah djadi ini matjem trust ada pegang kakoeasahan atas saroepa barang dari awal moela sampe achirnja djato di tangan orang jang memake. Kabanjakan trust di Amerika ada bersifat horizontal, trust- trust di Duitschiand, seperti Stinnes Trust, teroetama ada bersifat vertical tapi Stinnes Trust ada berbareng bersifat vertical dan horizontal.

Ini trust ada sebagi satoe poehoen jang akarnja ada di parit-parit areng, besi dan laen- laen logam, dan djoega dalem oetan kajoe dan laen-laen soember di mana bisa didapetken barang-barang bahan. Dengen perantarahannja ini akar-akar semoea barang bahan di-isep dan dinaeken ka badannja itoe poehoen, jaitoe fabrick-fabriek, dan dari sini sasoedanja barang bahan berobah djadi barang bikinan, baroelah sebagi boeah-boeahnja itoe poehoen dibagiken ka tjabang jang terpentang loeas.

Kita-orang moesti merasa kagoem dan djoega ngeri pada pengaroehnja meliat tjara bagimana “industrial magnate’’ Duitsch poenja tjara bekerdja.