Naeknja Harga Barang Bahan
Sin.Po.id- Sabegimana orang soeda taoe, ba- rang djadi naek harga lantaran permintahan boeat itoe barang ada lebih besar dari persediahannja. Di waktoe perang permintahan boeat segala barang ada lebih besar dari persediahannja lantaran tenaga jang digoenaken boeat mengaloearken barang-barang itoe waktoe ada banjak koerang. Harga-harga selaloe naek dan di taon 1919 kanaekan sampe di poentjaknja. Teroes naeknja harga pada sasoedanja perang brenti membikin orang dapet doegahan bahoewa pemintahan barang- biirang sasoenggoenja masi sanget besar dan anggep pengaloearan barang masi terlaloe sedikit. Peroesahan-peroesahan laloe dengen ticla sangsi lagi besarken masing-masing poenja pengaloearan barang keadahan lantas djadi berbalik, jaitoe persediahan barang-barang djadi lebih besar dari permintahan Harga-harga sigra djadi merosot.
Peroesaha-peroesaha, dalem peroesahan hasil boemi waktoe besarken mareka poenja pengaloearan barang, masing-masing tida bisa taoe bakal djadi brapa besar persediahan barang bila hasil dari ladang soeda di poengoet semoea. Ada banjak djoega peroesahan- peroesahan jang mendoesin bahoewa persediahan bakal djadi besar, tapi kabanjakan soeda djadi tanggoeng kerna kapitaal jang soeda dipendem dalem peroesahan tetaneman boleh clibilang ticla bisa ditarik kombali. Maoe atawa tida marika moesti teroesken dan koempoel pengaloearan barang-barangnja Demikianlah waktoe kanjatahan persediahan barang soeda djadi lebih besar dari permintahan, barang-barang jang masi belon di poengoet dari ladang masi ada banjak. Orang djangan loepa bahoewa barang jang soeda sedia bia- sanja ada lebih sedikit dari barang jang dikaloearken dalem sasoeatoe moesim. Kasoedahannja barang sigra djadi terlaloe banjak dan harga poenja toeroen poen djadi sanget gentjer, dan ini ada sebab jang teroetama dari mandeknja perdagangan jang kita orang rasaken disini sadjek taon 1920.
Sasoeda barang persediahan djadi begitoe besar, harganja itoe barang boekan sadja mendadak djadi toeroen, tapi toerocnnja sam pe begitoe rendah hingga di bawah ongkos pengaloearannja (kostprijs). Peroesaha-peroesaha soeda tentoe tida maoe bekerdja boeat djadi roegi, dan lantaran ini sabagian besar lantas brenti mengaloearken barang, dan peroesahan-peroesahan djadi tida berdjalan.
Berhoeboeng dengen ini hal kita haroes tida loepaken ten tang speculatie, dalem keadahan perniagaan tjara sekarang speculatie roepanja ada satoe hal jang tida bisa tida ada. Waktoe harga-harga teroes naek speculant- speculant ada maen ken rol jang besar orang banjak bilang speculatie ada djadi sebab jang teroetama bagi kanaekannja harga barang Ini memang moesti diakoeh ada bener, kaloe kita inget saroepa barang jang dari ladang atawa fabriek berharga tarolah satoe roepia tapi sesampenja di tangan si pemake bisa djadi doea atawa tiga kali nja itoe harga, lantaran itoe barang soeda djato di bebrapa tangan speculant. Tapi kita djangan loepa jang speculant ada memikoel risico, dan oleh kerna ini ia djadi memastiken tentang kaloearnja banjak barang-barang.
Peroesaha-peroesaha seringkali bekerdja dalem pengaloearan barang dengen menjender pada kapitaalnja kapitalist-kapitalist, marika perloe dapet crediet dari bank-bank boeat dapetken itoe credit dan djoega boeat mendjaga kapentingannja marika lebih soeka sama kaoentoengan jang tentoe maski sedikitan dari pada kaoentoengan jang bisa djadi lebih besar tapi tida tentoe, Oepamanja saroepa barang marika bisa kaloearken dengen kostprijs satoe roepia, itoe barang büa soeda sedia brangkali bisa lakoe satoe roepia ampat poeloe cent, tapi bisa djadi djoega tjoema satoe roepia sapoeloeh cent atawa di bawah kostprijs Lantaran inj marika seringkali lebih soeka djoeal cepamanja satoe roepia doeapoeloeh cent pada speculant waktoe itoe barang beloo sedia.
Waktoe barang-barang lebih banjak dari permintahan dan harga djadi begitoe toeroen, soeda tentoe soeda banjak speculant jang mendjadi korban. Boleh djadi adalah iaorang jang teroetama kapoekoel. Tidalah heran kaloe iaorang djadi takoet boeat madjoe dalem lapang speculatie. Peroesaha-peroesaha lantaran tida mendapet speculant jang bisa kasiken kaoentoengan jang pasti, sateroesnja tentoe tiada brani bekerdja seperti biasa dalem pengaloearan barang-barangnja, kerna iaorang poenja crediteur-crediteur poen lantaran meliat iaorang poenja kadoedoekan tida begitoe santausa lantas ketjilken atawa brentiken sama sekali tentang mengasi pindjeman pada iaorang, demikianlah peroesaha-peroesaha terpaksa ketjilken atawa djoega brentiken pengaloearan barang.
Ini tindakan dari peroesaha-peroesaha soeda dibikin boekan sadja lantaran terpaksa oleh keadahan financie, tapi djoega seringkali dengen maksoed boeat membikin harga-harga djadi baek kombali, ja, sedikitnja soepaja djadi lebih tinggi dari kostprijs. Boekti jang gampang diliat jalah,itoe tindakan ten tang mewatesin pengaloearan rubber seperti jang dibikin oleh peroesaha-peroesaha di djadjahan Inggris dan perwatesan pengaloearan goela seperti jang dilakoeken oleh peroesaha-peroesaha di Cuba, kita soeda bisa saksiken jang ini tindakan-tindakan soeda bikin tangoen kombali harga rubber dan harga goela di Amerika Sariket pada baroe ini djadi naek.
Tapi, menoeroet katerangannja penjelidikan-penjelidikan, clalem waktoe peroesahan mandek sedari doea tiga taon ini sampe sekarang jaitoe dalem waktoe malaise lebih ketjilnja pengaloearan barang tida berimbang dengen lebili ketjilnja pemakean barang. Samentara dalem waktoe malaise toeroennja pernaekan dalem banjak roepa barang tjoema antara io dan 20 percent dari waktoe biasa, toeroennja pengaloearan barang katanja ada dari 30 sampe 50 percent. Menoeroet papreksahan, barang persediahan soeda banjak jang dipake, tegesnja persediahan sekarang soeda moelai djadi ketjil, dan harga-harga sateroesnja moelai cljadi naek lagi. Diliat dari sini kita boleh pertjaja jang peroesaha-peroesaha ada hadepken besarnja lagi permintahan-permintahan hingga marika poenja peroesahan-peroesahan bakal dibikin hidoep kombali oleh naeknja harga-harga.
Ada orang jang ramalken bahoewa dalem tempo jang aken lekas dateng harga barang bahan bakal djadi tinggi lantaran koerangnja persediahan, Dalem ini hal kombali kita dapet liat pentingnja kadoedoekan speculant clalem perniagaan. Kita soeda dapet kanjatahan bahoewa speculatie ada menjebabken naeknja harga-harga, tapi sabaliknja, linjap atawa moendoernja speculatie dari lapang perniagaan poen bisa membikin harga barang djadi tinggi. Lantaran peroesaha-peroesaha tida bisa dapetken kapastian tentang kaoentoengan jang saderhana tapi pasti dari speculant- speculant, marika itoe poenja kadoedoekan djadi tida santausa dan sateroesnja brenti atawa banjak koerangken marika poenja pengaloearan barang. Pemakean djadi lebih besar dari pengaloearan, persediahan barang jang soeda ada djadi semingkin habis terpake, dan harga sateroesnja ticla bisa cljadi lebih toeroen malah djadi naek kombali.
Di waktoe inalaise ada banjak kebon- kebon jang soeda dibikin terlantar lantaran tida dioesahaken banjak peroe- saha jang soeda telantarken kebon-kebon nja lantaran tida dapet liat harepan atawa lantaran sanget terpaksa. Boeat bikin baek poela itoe kebon-kêbon moesti memakan tempo, pengaloearan barang djoega ada meminta tempo. Lantaran ini ada bebrapa expert jang koeatirin bahoewa maski harga-harga moelai djadi baek dan tjoekoep cljadi penj oeroeng boeat bertambahnja pengaloearan barang, tapi pengaloearan aken tida kaboeroe tjoekoepin permintahan hingga kita-orang bakal tida loepoet hadepin keadahan kakoerangan barang- barang bahan, Ini ramalan bisa dipertjaja djika kita inget malaise soeda mengasi poekoelan jang begitoe heibat pada speculatie dan peroesahan barang bahan, hingga speculant-speculant dan peroesaha-peroesaha nanti takoet bergerak sabelonnja dapet kapastian betoel- betoel, lebih teges sabelonnja did esek oleh kakoerangan-kakoerangan.
Aken tetapi, sabaliknja, kita-orang poen tida bisa djadi terlaloe optimistiek, Kita boleh pertjaja jang sekarang pengaloearan ada di bawah pemakean hingga barang aken lekas kanjatahan koerang dan harga barang bahan aken djadinaek. Dalem waktoe sanget kakoerangan boleh djadi djoega naeknja harga sampe di wates jang boekan-boekan ini ada perkara oemoem, Tapi boeat permintahan sampe djadi begitoe besar seperti doeloe sabelonnja petja perang kita rasa tida boleh djadi. Perdagangannja bebrapa negri industrie di Europa dan Amerika biar begimana belon bisa djadi seperti doeloe lantaran keadahan di Europa masi begitoe kaloet. Sabegitoe lama keadahan di Europa Timoer dan Tengah masi begitoe kalang kaboet, pendoedoek di sitoe jang berdjoembla sanget besar masi djadi terlaloe miskin boeat djadi pembeli-pembeli seperti doeloe, Kamakmoeran jang di laen-laen bagian dari doenia tida bisa ambil over antero permintahannja pasar-pasar di sitoe.
Ujadi, sabegitoe lama keadahan di Europa masi seperti sekarang pasar di itoe benoea bakal tida makmoer sebrapa perniagaannja negri-negri industrie bakal berwates dan permintahan barang- barang bahan poen sateroesnja bakal berwates, Adalah ini wates jang teroetama perloe dikatahoei Waktoe barang persediahan nanti djadi koerang dan harga djadi naek tjoekoep tinggi boeat hidoepken peroesahan-peroesahan barang bahan, peroesaha-peroesaha dan speculant-speculant nistjaja perloe berhati-hati soepaja tida meliwatin itoe wates permintahan dan soepaja tida tcrdjeroemoes poela seperti soeda kadjadian waktoe ampir berdjangkit malaise.
