Prampoean Tionghoa dan soeal pamerentahan.

Dl dalem paperangan Tiongkok Japan sekarang ini Madame Chiang Kai Shek ada ikoet ambil bagian penting. Boekan sadja saban kali ia kasi andjoeran pada setooea rahajat Tiongkok agar toendjang teroes tanah-aernja; kasi mengarti pada doenia bagimana toi koetika negri-negri jang mempoenjai kapentingan di Timoer. Djaoe terantjem bahaja aken ilang kakoeasahannja djika marika antepin si penjerang menggratak di Tiongkok, padahal di segala djoeroesan jang mengenaken kapentingan negri, Madame Chiang selaloe sediaken tenaganja.

Di waktoe Generaal Chiang Kai Shek trima tetamoe, oetoesan-oetoesan dari loear negri atawa kaoem penoelis soerat-kabar, senantiasa ia berlakoe sebagi djoeroe-bahasa.
Ia djadi lagi anggota dari Raad Militair paling tinggi dan anggota dari Ministerie pasoekan oedara, doea djabatan jang belon perna didoedoekin oleh kaoem istri di Tiongkok — boleh djadi djoega di saloeroe doenia.

Maski ia soeda kaoeroek dengen banjak pakerdjahan, toch itoe njonja masi mempoenjai kasempetan boeat ikoet ambii bagian dalem berbagi-bagi pergerakan kaoem istri, saban kali ikoet rombongan verpleegster, lakoeken pakerdjahan menoeloeng soldadoe-soldadoe kita jang loeka, enz. Djoega ia open sekali pada anakanak piatoe, korban paperangan sekarang ini. Ia soeka tilik itoe botja-botja kapiran jang dirawat oleh berbagi-bagi perkoempoelan amai atawa badan-badan officieel jang ia namaken bakal mendjadi bibit dari Tiongkok Moeda, hingga tida boleh disia-siaken, kendati di dalem ini koetika jang amat soeker!

Belon lama Thien Yen Pao jang terbit di Hongkong toelis tentang sifat-sifatnja Madame Chiang jang tida dipoenjaken oleh sembarang orang. Maski ia poenjaken kadoedoekan tinggi, toch selaloe begitoe manis pada sasoeatoe orang. Tida merasa keder koendjoengin tempat-tempat dimana ia merasa perloe boedoe berada, kendati dengen demikian ada kans aken katimpa...... bom!

Tida djarang Madame Chiang moesti moentjang-mantjing dari satoe ka laen tempat, seantero hari tida makan dan seantero malem tida tidoer. Tapi tida perna ia mengeloe, orang senantiasa katemoeken Madame Chiang selaloe...... goembira. Kenapa? Tida laen, lantaran ia anggep, itoe semoea ada iapoenja kawadjiban. Ia merasa amat bangga djika bisa berboeat segala apa jang bergoena bagi tanah aer dan bangsanja. Tida ada pengorbanan lebih tinggi dan lebih moelia dari pada aken goena tanah-aer dan bangsa, begitoe ia kata.

Dari itoe ia senantiasa goembiraken sasoeatoe orang Tonghoa aken sokong Tiongkok, jang ia pertjaja achirnja aken kaloear dengen bawa kamenangan. Sebab menoeroet Thian Lie, moesoe jang tida kenal pri-kamanoesiahan, boeas dan sawenang-wenang, aken terkoetoek. Kerna dapetken toeladan dari ini njonja bangsawan, maka golongan kaoem istri di Tiongkok, toea dan moeda, selaloe beroesaha dengen soenggoe hati goena sokong segala oesaha jang membawa kapentingan bagi negri dan bangsa.
Tetapi di dalem hikajat Tiongkok sabenernja boekan Madamé Chiang Kai Shek satoe-satoenja orang prampoean jang perna oendjoek katjakepannja di kalangan pamerentahan — maski boleh-djadi tida bsgitoe loear biasa seperti jang ia telah berboeat.

Kita poenja staatsman besar jang terkenal di djeman Tjiankok, Koan Tiong, (plm. 681 taon sabelon Christus), djoega selaloe dapetken bantoean dari istrinja jang kadoea, nama Tjing. Ini njonja ada begitoe pinter, maka ka mana sadja Koan Tiong pergi, selaloe ia bawa itoe istri, lantaran perloe dapetken bantosan pikirannja. Tsmpo itoe ferdana mantri makloemken paperangan ka negn Kouw-tiok dan Ling-ke (satoe bagian dari Mongolie Dalem), jang amat djaoe, njonja Tjing poen tida ditinggal.
Lantaran itoe di djeman blakangan orang sindirin Koan Tisng sebagi ferdana mantri jang selaloe gendong.......... bini.

Bagimana tadjem pikirannja itoe njonja, hikajat ada menoetoer demikian: Waktoe Kong Tiong maoe P°e' koel negri Song, di tengah djalan pengawainja itoe Siang-kok kata' moe satoe gombala kerbo, siapa minta disampeken iapoenja perkatahan: „Hoo Hoo Pik Soei”, Pa^a itoe ferdana mantri. Koan Tiong tida mengarti aPa maksoednja itoe perkatahan, maka ia tanja pada istrinja.