Bikin Propaganda Boeat Tiongkok.

Orang Tionghoa jang berdiam di loear negri haroes toeroet toeladannja student student Tionghoa di Amerika Sariket, jang tida kenal tjape telah bikin propaganda boeat Tiongkok dengen roepa roepa djalan. Ia orang boekan sadja siarken toelisan-toelisan boeat betoelken apa jang fihak Inggris atawa kontjonja tjoba bikin mengok aken djekkin bangsa Tionghoa, tapi setjara lebih positief ia orang poen sublanja siarken pengatahoean tentang kunst Tionghoa dan sebaginja soepaja orang Amerikaan mendjadi mengarti orang Tionghoa boekannja bangsa liar.
Pada tahon 1926, jalah dalem boelan Februari, dl Peking orang telah ambil poetoesan boeat diriken „China Institut in America”. Sebagi directeur diangkat Dr Kuo P ng Wen jang terkenal. Maksoednja ini perkoempoelan ada boeat bikin lebih rapet perhoeooengan cultural dan educational antara Tiongkok dan Amerika, dan boeat bangoenken perasahan soeka antara orang Amerikaan boeat cultuur Tionghoa.
Lebih djaoe itoe perkoempoelan baltal kast bantoean pada student student Tionghoa jang beriadiar di Amerika, dan sebaliknja poen bakal kasi pertoeloengan pada student asing jang maoe peladjarken salah satoe tjabang pengatahoean atawa kunst Tionghoa.
Wafetoe dl Philadelphia diadaken tentoonstelling besar (Se；qui Centennial ExposltUion) China Instliuic telah ada ken satoe tentoonstelling spec'aal tentang hal hal jang berhoeboeng dengen sekola-sekola dl Tiongkok.
Itoe tentoonstelling Tionghoa telah menarik hatinja banjak goeroe goeroe Amerikaan jang kasi banjak poedjian pada apa jang iaorang liat disitoe. Inl tentoe sadja ada samatjem propaganda d|oega boeat Tiongkok. Dr Kuo Ping Wen sendlrl, jalah directeur dari China Institute, telah bikin perdjalanan kira kira 10 000 myl djaoenja di Amerika boeat angkat bitjara tentang Tiongkok dl banjak tempat.
Antara laen laen la telah dloendang oleh Williamstown Institute of Politics boeat angkat bitjara tentang Tiongkok. Dalem F fdeth Anniversary Conference dari American Library Association Dr. Kuo wakllken ministerie oeroesan onderwys Tiongkok dan National AssocUdon-Association for the Advaccement cf Education.
Sebab djoega dl Amerika oeroesan Tiongkok semingken diperhatiken,China Institute soeka djadi perantara boeat tjari sprekers jang pande boeat bitjara tentang Tiongkok.
Lantaran di Amerika sendiri sekarang ada berladjar koerang lebih 2500 studentstudent Tionghoa, jang sabisanja toendjang gerakan boeat naekin deradja'nja bangsa Tionghoa dl mata asing, China Iostliute tentoe sadja mempoenjai banjak „kaki tangan”.
The China Institute niat diriken djoega satoe bibliotheek jang speciaal moeat boekoe boekoe tentang Tiongkok, siarken bulletins dan sebaginja. D,oega sabisanja ia berkerdja samasama dengen perkoempoelan jang klraklra sama maksoednja, seperti The China Society cf America, The Institute of P： clf c Relations, The International
Iaunu：e, dan sebaginja. Pendeknja lnl China Institute poenia maksoed ada boeat bikin propaganda boeat Tiongkok setjara jang loeas sekali.
Seperti dibilang bangsa Tionghoa di laen-laen negri asing poen haroes toeroet Itoe toeladan boeat bikin propaganda setjara jang loeas boeat bangsa
Tionghoa. Student student Tionghoa di Nederland oepama haroes toeroet itoe tjonto, apa lagi kaloe iaorang djoega dapet tjonto di depan mata dari fihak studentstudent Boemipoetra jang sampe mendadak pergi dl Parys, Birlyn erz boeat kasi liat baDgsa Barat apa Itoe adanja kunst Djawa.
Tentoe sadja boeat b)sa berboeat begitoe Ia orang moesti berichtiar soepaja marika poenja pengatahoean dan pengartian tentang hal-hal jang berhoeboeng deDgen Tiongkok ada lebih banjak dari kabanjakan orang asing.
Djoega di Indonesia, d«mana ada tinggal begitoe banjak oracg Tionghoa, orang haroes berkerdja lebih giat boeat bikin propaganda boeat Tiongkok setjara jang loeas sekali. Tida banjak sedikit, Itoe bakal bantoe htkln naek deradjatnja bangsa Tionghoa dl mala orang asing.