Organisatie Tionghoa.
KOETIKA Chung Hwa Congres belon ada bajang-bajangannja，kita soeda perna moeat concept statuten dari satoe organisatie Tionghoa atas dasar nationaal jang lebar. Seperti djoega kaoem Blanda-Indo bisa bersatoe hati dalem I.E.V., begitoepoen orang-orang1 Tionghoa di sini bisa bersatoe hati dalem satoe organisatie jang mengarti djalannja djeman.
Golongan Blanda-Indo boekannja ada satoe golongan boelet, tapi ada golopgan jang anggotanja mempoenjai kapentingan berlaenan sekali, sebab ada Blanda-Indo jang miskin dan melarat dan tinggal di kampoengan, tapi poen ada Blanda-Indo jang tinggal di astana dan pegang djabatan tinggi. Antaranja ada jang bodo seperti „koeli Banten” atawa lebih bodo lagi tapi poen ada jang terpeladjar tinggi.
Tapi itoe matjem-matjem perbedahan tida djadi halangan boeat adaken persatoean antara marika semoea. Orang-orang Tionghoa disini djoega ada dari matjem-matjem roepa clan model, dan kaloe. masing-masing kliek tjoema maoe inget kapentingan kliek jang ketjil Sadja dengen loepaken kapentingan bangsa Tionghoa jang lebih besar, ia orang tida aken isa dapetken kadoedoekan disini sebagi marika harep.
Organisatie Tionghoa jang kita maksoedken kaloe diliat di loear banjak mirip dengen I.E.V., tapi tentoe sadja ada perbedahan jang besar sekali antara toedjoean I.E.V. dan toedjoean organisatie Tionghoa jang seperti dimaksoedken oleh kita. I.E.V. ada partij dari kaoem Blanda atawa jang anggep dirinja Blanda, dan dari itoe poen aken belaken kapentingan
Blanda dan kapentingan Barat di ini doenia Timoer. Tapi organisatie Tionghoa ada satoe organisatie bangsa Timoer jang tida bisa berchianat pada angenangen bangsa Timoer zonder meroegiken diri sendiri.
Tapi segala apa boeat permoela ada soesa dan djoega itoe organisatie Tionghoa atas dasar Nationaal jang lebar dan jang tida bikin perbedahan antara Khe atawa Hokkian, Pranakan atawa Totok, tida bisa berdiri tegoeh dalem tempo satoe-doea hari, seperti orang diriken panggoeng najoeb.
Lebih baek dari banjak gembar[1]Sembor dimoeka lebih doeloe dan djoeal banjak bombast, kita-orang diam, tapi berkerdja dan atoer per[1]sediahan jang lengkep dan baroe moe[1]lai bitjara, kaloe „di dale semoea soeda klaar.
Boleh djadi 1 taon, atawa tiga taon atawa poen 10 taon moesti liwat doeloe, itoe tida djadi apa: Zy, die gelooven, haasten niet. Dari grabak-groeboek dimoeka tida oeroesan tapi abisnja tida ada apa-apa, lebih baek djangan banjak djoeal ^aga, tapi kaloe satoe kali moentjoel, moentjoel sebagi satoe voldragen Ucht, tapi djangan sebagi anak aroeroti.
Djangan omong doelöë clan baröë kerdja, tapi kerdja doeloe dan sasoe abis kerdja masi banjak tempat boeat mengobrol pandjang-panjangan. Di Indonesia boleh djadi kita bakal Salamken roepa-roepa perobahan besar di hari nanti, tapi apa poen jang mendjadi, disini bakal tetap ada golongan Tionghoa, bakal tetap ada Sat°e Chineesche kern, jang sampe tempat boeat tida diabsorbeer oleh golongan mana djoega.
Boleh djadi ada sabagian orang Tionghoa djadi laen bangsa, boleh djadi ada bekas bangsa Tionghoa jang berbalik moesoein bangsanja jang doeloe, itoe tida oesa diboeat heran dan poen tida oesa diboeat slempang.
Seperti kita bilang, biar bagimana poen, disini bakal tetap ada satoe golongan Tionghoa, hingga satoe organisatie Tionghoa jang pertama oetamaken kabangsahan dan kadoea oetamaken kapentingan Timoer ada mempoenjai recht van bestaan.
Organisatie begitoe jang djaoeken segala kliek-geest dan sectarisme ada perloe, dan segala apa jang perloe aken moentjoel sendirinja kapan sampe waktoenja.
Di Batavia seperti orang taoe soeda didirikett Shia Toan Lian Hap Hwee jang menoedjoe ka peröatoehan; apa ini Centrale dari pérkoem[1]poelan-perkoempoelaft bakal djadi pemboeka djalan dari satoe organisatie Tionghoa jang tegoeh, teroetama bergantoeng atas publiek Tionghoa poenja toendjang.
SinPo.id -
