Soesa di moeka gampang di blakang
SinPo.id - DALEM oeroesan didik dan adjar anak-anak, orang moesti djaga soepaja djangan bikin kakliroean di waktoe sang anak masi ketjil, sebab kasalahan jang dilakoeken di itoe koetika, soesa sekali dibetoelin di blakangkali.
Banjak orang toea Tionghoa ka[1]liatan toeroetin anak-anak jang masi ketjil sebab „anak ketjil masi belon bisa diadjar” atawa sebab tida tega sang anak nanti menangis.
Ini ada kakliroean jang1 besar sekali sebab lantaran begini sang anak gampang djadi aleman dan di waktoe djadi besar ia bisa mendjadi toekang paksa orang toea boeat toeroet iapoenja maoe.
Lebih baek orang kerasin hati sedikit di waktoe sang anak masi ketjil, sebab lebih baek soesa di moeka, gampang di blakang dari pada sebaliknja. Memang ada sedikit soesa boeat satoe iboe tida toeroetin kainginannja sang anak di waktoe ia masi ketjil dan „moengil” tapi ini kalembekan bisa berbalik mendjadi bahaja dan roesakin djoestroe itoe anak jang „moengil” dan ditjinta.
Boekan sadja boeat di fihak orang toea, tapi djoega atawa teroetama boeat fihak sang anak tida baek kaloe ia selaloe ditoeroefcin maoenja. Seringkali orang toea Tionghoa kasi anak-anaknja „oewang blandja” zonder kenal wates.
Sang anak liat toekang ini atawa itoe, lantas minta doeit boeat beli cian sang iboe lantas toeroetin. Sabentar lagi ia liat toekang roe[1]djak atawa laen toekang dagangan dan kombali ia minta oewang dan kombali iapoenja maoe ditoeroet.
Tida djarang sang anak ”blandja” kira-kira sapoeloe kali saban hari atawa lebih sering lagi.
Djoega ada iboe-iboe jang tida maoe dirongrong oleh sang anak jang saban-saban minta doeit dan dari itoe saban pagi kasi sang anak oewang blandja satjoekoepnja boeat antero hari, jalah oepama sapitjis, gatalen, satengah roepia atawa lebih boeat anak jang baroe beroesia kira-kira 10 atawa 11 taon.
Ini ada lebih kliroe lagi, sebab ini atoeran seperti djoega adjar sang anak berlakoe rojal tida kaoeroesan dan kaloe satoe anak soeda biasa berlakoe rojal soesa sekali diobatin.
Memang gampang orang： kasi “nasehat” pada anak-anak dewasa jang hidoep terlaloe rojal, jalah tida berbandingan dengen pentjariannja sendiri, tapi nasehat biasanja masoek di keeping kiri dan kaloear lagi dari koeping- kanan.
Ada lebih berfaedah kaloe itoe anak sedari ketjil djangan dibiasaken boeat berlakoe rojal atawa kaloe se-dari masi ketjil diadjar boeat djangan berlakoe rojal. Banjak anak-anak Europa jang ampir tida dapet „oewang blandja” sama-sekali dan jang tida di-idjinken blandja barang makanan jang didjoeal sepandjang djalan jang sering koerang baek sebagi oepama roedjak.
Berbedah dengen orang Tionghoa di sini jang kliwat biasa kasi，,oewang blandja” pada anak dan sering kasi oewang blandja jang djaoe meHwatin wates.
Anak jang masi ketjil kaloe biasa ditosroetin maoenja dalem oeroesaji oewang tentoe mengijeng kaloe taoenja satoe tempo tida lekas di toeroetin; ini masi mending, tapi kaloe sang anak mendjadi dewasa ia boekan mengijeng lagi boeat minta oewang, tapi mengantjem dan lebih dari satoe kali kadjadian satoe anak antjem orang toeanja dengen revolver boeat dapet doeit..
Satoe millionair Amerikaan jang roepanja mengarti tida baek anak-anak dibiasaken hidoep enak dan senang, sengadja soeroe anaknja tjari pakerdjahan sendiri zonder maoe bantoe padanja dan sebab kapaksa sang anak djadi banting toelang, maskipoen ia ada anak orang hartawan
Dengen begitoe itoe millionair bakal tinggalken anaknja boekan sadja harta besar, tapi poen peladjaran tentang so-ssanja penghidoepan jang tida gampang diloepaken.
T. S. N.
