Feng Yung University.

DALEM waktoe blakangan ini ada banjak dikabarken tentang barisan student dari Feng Yung University jang telah brangkat ka Manchuli aken berperang sama tentara Sovjet-Rus. Lebih doeloe dari ini namanja Feng Yung University tida perna kadengeran, maka itoe kita rasa ada baeknja aken toelis sedikit tentang ini midrasa.

Feng Yung University didiriken oleh Mr. Feng Yung kira-kira baroe satoe taon lebih. Pada sabelonnja diriken midrasa terseboet, Mr. Feng Yung ada mendjadi directeur fabriek Ta Yeh di Mukden merangkep principal dari sekolah pertoekangan jang ini fabriek diriken. Koetika Chang Tso Lin lagi

sedeng djajanja pegang kakoeasahan di Peiping, Mr. Feng telah dapet liat gelagat koerang enak, maka ia lantes oendoerken diri, meloeloe aken perhatiken oeroesan peladjaran.

Di permoelahan taon 1927 ia poenja niat boeat diriken University telah djadi tetap, dan di moesim panas itoe taon djoega lantas dimoelai diriken gedong sekolahan. Letaknja itoe midrasa ada di sebelah koelon Mukden dan di pinggir kidoel soengei Hun-ho, dari pakerdjahan jang dilakoeken siang dan malem, dengen tempo ampat boe[1]lan poenja lama itoe gedong soeda selese didiriken.

Koetika ia baroe atoer niatnja boeat diriken itoe University, ada banjak sobatnja jang kata bahoea pendirian University ongkosnja ada besar, satoe orang poenja tenaga brangkali tida sanggoep pikoel, kenapa tida bikin oeroenan sadja soepaja itoe pakerdjahan bisa dipikoel oleh orang banjak dan mendjadi enteng.

Atas ini Mr. Feng Yung djawab: „Akoe tida ada banjak pengalaman dalem oeroesan onderwijs, tjoema lantaran kaka loetannja shia-hwee, maka maoe goenaken hartanja boeat diriken sekolahan boeat perbaekin shiahwee. Maski akoe poenja pikoelan ada berat, tapi hasilnja belon tentoe baek; djikaloe bikin oeroena pada orang banjak betoel ada lebih ganxpang boeat koempoel oewang, tjoema kaloe tida ada hasilnja, bagimana akoe bisa merasa enak sama orang banjak? Dari itoe lebih baek bikin pengorbanan sendiri, berhasil atawa gagal tjoema diri sendiri jang menanggoeng.”

Goena diriken itoe midrasa Mr.Feng Yung telah dermaken. iapoe ­nja tanah di district Tungliao jang loeasnja lebih dari 100.000 mao dan bebrapa peroesahan dagangnja boeat fonds, jang pendapetan hasilnja satiap taon ada 200.000 dollar lebih. Ini midrasa teroetama kasi peladjaran techniek. Semoea mceridnja dididik tjara militair, tida perdoeli di waktoe panas, oedjan atawa toeroen. saldjoe, ia orang moesti berladjar baris di bawah pimpinannja satoe instructeur.

Di moesim semi ini taon Feng Yung University telah beli satoe pesawat terbang dari Duitschland boeat moerid-moerid jang masoek klas loear biasa berladjar terbang.

Discipline ada dipegang keras dalem itoe sekolahan, moerid-moerid jang tida bisa tahan melarat tentoe tida betah berladjar di sitoe.

Sekarang barisan student dari Feng Yung University soeda brangkat ka Manchuli dengen dipimpin oleh Mr. Feng Yung sendiri, marika aken berdiam di medan perang sampe tentara Rus tida mengganggoe kita poenja negri lagi.