RAWAT BETOEL KAOE POENJA GIGI.

”Doeloean，” kata Dr. Henry A. Cotton, Directeur dari New Jersey State Hospital, Trenten, New York, „kita anggep tentang berkoeatir ada djadi sebabnja kewarasan jang djelek, lebih teges, kita anggep lantaran sering berkoeatir kewarasan djadi roesak, dan kaoe orang tentoe sering dikasi nasehat djangan berkoeatir.

Tapi sekarang kita dapet kenjatahan bahoea tentang soeka berkoeatir ada satoe symptom, satoe antara tanda-tanda jang paling oemoem dari toeboeh jang ketoelaran bacil. Sekarang kita tida pandang lagi tentang berkoeatir, takoet dan djengkel sebagi sebab-sebabnja penjakit zenuw dan menteel. Kita soeda dapet taoe bahoea itoe bebrapa hal, jang doeloean dianggep djadi sebabnja penjakit, sabenernja ada kasoedahannja penjakit.

„Doeloean, apabila kaoe koendjoengin satoe thabib dan bilang bahoea kaoe sering merasa lela, gampang mara, dan pikiran sering melajang tida karoean, itoe thabib nanti preksa kaoe poenja badan, dan lantaran tida bisa dapetken kaoe poenja penjakit, ia boleh djadi bilang sadja bahoea kaoe ada dapet neuratic. Kaoe disoeroe djangan berkoeatir. .”Lebi djaoe ia aken bilang itoe semoea tjoema ada kasoedahannja kaoe poenja zenuwachtig.

„Tapi bila kaoe koendjoengin thabib jang lebih modern ,di ini masa, ia lantas kenalin itoe tanda-tanda jang berbahaja; kerna itoe ganggoean jang kaoe rasaken djoestroe ada symptom-symptom jang perloe diselidikin lebih djaoe sampe dapet dikatahoei akarnja. Banjak kali ini papreksahan moesti goenaken X-straal dan dilakoeken dalem laboratorium. Ini papreksahan moesti dibikin pleh achli jang dapet didikan boeat kenalin apa artinja itoe matjem penjakit.

”Banjak orang anggep bahoea kitaorang memang moestinja rasaken itoe matjem ganggoean apabila kita soeda semingkin ada oemoer, lantaran kita poenja badan oepama machine soeda banjak terpake. Tapi sabenernja kita poenja badan memang bisa tahan lebih lama boeat pikoel beratnja pakerdjahan, dan tida djadi lebih lemah, kaloe kita bisa djaga kita poenja badan tida sampe katoelaran bacil-bacil jang berbahaja.”

Demikianlah ada Dr. Cotton poenja pendapetan jang bikin orang djadi poenja pemandangan baroe boeat banjak roepa penjakit jang orang sering seboet sadja lantaran zenuw. Kamoedian ia tjeritaken bebrapa boekti boeat terang'ken pendapetannja.

Dr. Cotton ada kenal satoe advocaat jang berobah kelakoeannja. la moelai djadi boros dan kerdja sembarangan. Satoe masa ia pindjcm tiga poeloe riboe dollar boeat kerdjaken satoe kerdjahan jang terang ada berbahaja, dan ia tida maoe denger orang laen poenja advies. Tadinja ia ada orang jang biasa berlakoe manis pada istri dan anak-anaknja. Sekarang ia djadi gampang marah dan alpaken maski hal-hal jang penting dalem oeroesan roemah tangga.

Dalem pakerdjahan poen ia djadi aseran. Dalem satoe institutie boeat kerdjahan mengamal, dimana ia ada djadi kapala, ia soeda timboelin onar lantaran satoe hari mendadak kaloearin titah-titah dengen tjara jang sanget keras, dan esoknja ia lantas batalin lagi. Dan ia djadi soeka minoem minoeman keras.

Dr. Cotton dapet taoe ini hal dari itoe advocaat poenja istri jang merasa ada apa-apa jang koerang sehat dalem toeboeh soeaminja. Sasoedanja berkalikali diboedjoek itoe advocaat achirnja kasiken dirinja dipreksa dengen X-straal.

Menoeroet papreksahan itoe advocaat ada poenja anem gigi jang katoelaran bacil. Itoe anem gigi tida sampe berlobang di akarnja, tapi soeda kasi masoek bacil di antero gegoesi, dan ini sadja katanja soeda tjoekoep boeat bikin itoe advocaat djadi orang jang laen matjem.

Papreksahan dari bacil jang menoelar ka tonsils (oerat-oerat lidah jang teroes ka tenggorokan) ada mengoendjoek bahoea banjak ratjoen jang soeda masoek ka dalem toeboeh dari sitoe. Itoe ratjoen soeda masoek di peroet dan bikin roesak kantong makanan. Dari sitoe itoe ratjoen masoek di djalanan darah dan djantoeng, dan kalamahan soeda tentoe bikin roesak itoe orang poenja tenaga menteel.

Satelah itoe advocaat bisa dibikin pertjaja tentang itoe papreksahan dan djadi moefakat gigi-giginja dan tonsilsnja jang kena bacil dilaloehken, dalem tempo tiga hari itoe ganggoean pikiran jang sabagitoe lama soeda rongrong padanja moelai koerangan. Doea minggoe kamoedian ia bisa bilang menjesel soeda tida lebih siang dapetken itoe papreksahan. Satoe boelan kamoedian ia moelai semboe betoel dan djadi mendoesin pada perboeatan-perboeatannja jang kliroe dalem roemah tangga dan pakerdjahan.

Laen patient jang soeda dibikin semboeh oleh Dr. Cotton ada saorang jang tempatin kadoedoekan penting dalem satoe bank. Ini orang tjoema rasaken dapet penjakit di peroet. Ia djadi samingkin tida poeas sama roemah tangga dan peroesahannja, djoega djadi gampang goesar. Ia banjak bikin kakliroean dalem pakerdjaiin dan boeat toetoep karoegian-karoegian dengen terboeroe napsoe ia lakoeken pakerdjaiin jang lebih meroegiken. Dengen sasoenggoenja ia soeda perboeat satoe kasalahan jang ampir sadja bikin ia masoek dalen1 pemboeian. Tapi broentoeng ia tida djadi masoek dalem pendjara hanja masoek dalem hospitaal.

Papreksahan dapet kanjataiin bahoea ini bankier poenja tonsils dan Sembilan gigi ada katoelaran banjak bacil, dan roepanja soeda kena katoelaran dari lima sampe sapoeloe taon. Bermoela poenja badan ada tjoekoep koeat boeat toelak ganggoeannja itoe bacil, tapi blakangan ia poenja kantong nasi tidak tahan menolak lebih lama.

Dr. Cotton lebih doeloe laloeken jang djadi pok° dari itoe penoelaran ratjoen, kamoedian baroe obatin peroet jang telah roesakPerlahan-perlahan itoe bankier moelai semboe dan ampat boelan kamoedian ia djadi sehat kombali. Boekan sadja peroetnja sekarang tida menganggoc lagi, tapi ia ppenja kepandean beroesaha poen balik lagi, dan dapet liflt kakliroean-kakiiroean jang ia soeda lakoeken diwaktoe kasehatannja terganggoe.

Saorang beroesia ampat poeloeh tiga jang bekerdja dalem kantoor, tjabang dari satoe fabriek merasa tida bisa concentreer iapoenja pikiran pada kerdjaannja. Bermoela ia anggep itoe ada dari lantaran malesnja, dan kira itoe bisa dikalaken dengen kakerasan h»11'

Tapi maski demikian ia poenja daj tida menoeloeng dan keadaiinnja tambah djelek. Achirnja ia hingga mampoeh boeat ,timbang soeatoe contract. Ia sendiri tida mengarti aPa jang mendjadi sebab, ia tjoema taoe sekarang ia soeda tida mampoe bakerdja lebih lama, dan lantas minta brenti. Ia poenja firma soeroe ia preksakei dirinja pada thabib dan kasi ia verfamanja satoe taon, dan ia laloe dating di New York.