Yenching University di Peking
SinPo.id - Ini sekolahan jang berdiri sadari tahon 1889 baroe di dalem toedjoe tahon ini bergelar Universiteit. Atas kapandean[1]nja ia poenja president Dr. J. L. Stuart, ini sekola tinggi berobah djadi sekola jang bagoes.
Letaknja sekarang di dalem kota Pe[1]king, deket legatie-legatle bangsa asing; tap! di moesim panas bakal pinda soe[1]paja ia nanti bisa trima moerid moerid pada pertengahan boelan September di tempat kadoedoekan baroe „New Cam[1]pus0 jang terletak lima miles (kira-klra14 b) sabela Barat dari kota Peking dan deket sekali pada „Summer Palace jang baroe dan lama, begitoe poen dari ini tempat ka „Western Hill” tida be[1]gltoe djaoe.
Boleh dibilang segala gedong gedong[1]nja dari Ini sekola dldiriken menoeroet model baroe, dimana ilmoe architecture Tionghoa dan Europa soeda digaboeng djadi satoe. Bagian di loear bersifat Tionghoa, sedeng di dalem segala ka[1]perloean dan atoeran bersifat modern.
Ini gedong-gedong soeda didiriken dari concrete (beton) soepaja tida bisa di[1]makan api. Menoeroet katanja Dr. Chang Mong Lin, kanselier dari Na[1]tional University, jang soeda perna koe[1]lllingin banjak tempat bagoes di dalem negri sendiri baek poen di loear negjri,waktoe la koendjoengin Yenching Uni[1]versity poenja New Campus jang lagi dibikin, ia bilang ini University ada model jang oetama dl antero Tiongkok”.
Memang dengen sasoenggoenja pengoe[1]roes dari ini sekola harep di blakang hari ini sekolahan bisa djadi satoe dari antara Universiteit jang terkenal di sa[1]loeroe doenia： Apabila ini sekolahan diboeka di boelan September jang bakal dateng, ia soeda bisa tempatken Hma poe[1]loe gedong ； dan bakal, didiriken tiga poeloe satoe gedong lagi: Boeat men[1]diriken Itoe roemah-roemah jang lima poeloe, atas ichtiarnja ia poenja presi[1]dent dan pengoeroes jang laen-laen ini Universiteit soeda bisa dapet oewanp koerang lebih $ 1750000 (dollar Amerika) hampir semoea pembrian dari bangsa
Amerika; ini sekola lagi mentjari dja[1]lan boeat mendapetken $ 1250000 (dol[1]lar mas) lagi soepaja Itoe tiga poeloesatoe gedong-gedong bisa dikerdjaken dengen lekas. Yenching University ada mempoenjaiampat tjabang, tida teritoeng student[1]student bangsa asing jang berladjar bahasa Tionghoa di tjabang kaampat Ini sekolahan ada mempoenjai 566 anak sekqla, di antara mana ada 446 moerid lelaki dan 120 moerid prampoean.
Ini tjabang-tjabang jalah : Kasatoe Men’s College of Arts and Sciences; Kadoea Women’s College of Arts and Sciences; Katiga School of Religion; dan Kaampat Yenching School of Chi[1]nese Studies. Ini 566 student-student dari segala djoeroesan Tiongkok, begitoe poen ada djoega dari sebrang laoetan, seperti dari Java, Sumatra, S.rait Settlements, Honolulu, enz Menoeroet djoemblah lid lid dari Provincial Associations di ini sekola, student-student dari Hokkian (Fukien) ada nomor doea paling banjak, student-student dari Kwitang (Kwang[1]tune) nomor tiga, sedengan student[1]student dari Shoatang (Shantung) jang paling banjak.
Dalem soeal gerakan-gerakan ini student-student djoega tida maoe ka[1]tlnggalan di blakang. Atjap kali ia orang maoe serahken marika poenja tempo boeat bri peladjaran pada 5nak[1]anak jang tida mampoe dengen traoesa bajar soeatoe apa.
Berbedah dari laen laen sekolahan, ini student-student djoega soeda bisa diriken satoe Student Govern[1]ment di dalem sekola, sahlngga Mr. Allan A. Hunter, travelling secretary fellowship of youth, Jang baroe koendjoengin Tiongkok dari Amerika, soeda berkata pada salah satoe dari ini student-student.
