Journalistiek Tionghoa-Melajoe
SinPo.id - Sin Po dapetken kamadjoean tjeipet sekali. Banjak penoelis-pe[1]noelis pande toeroen tangan di halamannja, antara mana ada He[1]meling, Jupiter, Butatuli, Asia[1]ticus, Novice, Young Hannese dan laen-laen lagi. Itoe brapa penoelis sekarang soeda ada jang wafat, ada jang tarik diri sama sekali dari journalistiek.
Lauw Giok Lan jang sering wa[1]ra-wiri ka Singapore, lantaran merangkep djabatan 2de secretaries dari Tiong Hoa Hwee Koan, saban kali serahken pimpinan redactie Pada Hauw Tek Kong. Tjerita atawa salinan indah jang perna dimoeat dalem itoe ma[1]djalah antaranja ada „Sie PoGiok”, karangan Tio le Soei.
Ini tjerita menoetoerken nasibnja sa[1]toe anak piatoe, bisa bikin orang jang batja tepes aer-mata.Henri Borei poenja „Het daghet in den Oosten” disalin oleh Phoa Tjoen Hoay dengen kalimat: „Ter[1]bitnja Matahari di binoea Tiongkok”.
Hauw Tek Kong poenja serie artikel tentang „Kakoeatan Toe[1]roenan”, dapetken banjak perha[1]tian pembatja. Song Chong Sin bikin pembatja Sin Po kenal hikajatnja kita poe[1]nja laloehoer dengen salin „Hika[1]jat ringkes dari binoea Tiongkok”, jang sabegitoe djaoe belon perna ditoelis abis oleh laen soerat-ka[1]bar. (Sasoeda melaloein lebih sa[1]Perampat abad Sin Po bikin kaja Pembatjahan Melajoe dengen moeat itoe hikajat dari tanah aer kita, sekarang Asemkade terbitken itoe saroepa hikajat di dalem ba[1]hasa Blanda, „Beknopt overzicht der Chin, geschiedenis” door Kwee Kek Beng boeat marika jang kenal itoe bahasa.
Hikajat ini boekan sa[1]tinan dari jang pertama dan menoetoerken sampe ' wafatnja pendekar kita, Dr. Sun. Yat Sen. Lembaran dari itoe madjalah kamoedian dibikin lebih tebel de[1]ngen tida kasi naek harga abonnement.
Tatkala Republiek Tiongkok berdiri di dalem itoe weekblad brapa penoelis bikin peroendingan setjara bagoes sekali tentang soeal pamerentahan di Tiongkok. Berbareng dengen itoe saja katemoe lagi Tjoe Bou San di week blad Hoa Pit jang itoe taon diter[1]bitken oleh drukkerij Tjiong Koen Eie, ini kali dibantoe oleh Tjie Yong Goan dan Thio Tong Hay.
Bou San poenja journalistiek soeda lebih mateng dan tjara menoelisnja lebih khi-kiauw dari pada tatkala pangkoe djabatan rédacteur Hoa Toh.
Dalem Hoa Pit ada dimoeat an[1]tara laen-laen salinan tjerita Sherlock Holmes oleh Tan Tjien Koei (boekan Tjie Tjien Koei). Ini ada boeat pertama kali tjerita politie resta diperkenalken pada pembatja, koran Melajoe.
Satoe taon blakangan Bou San C.S. brenti, Hoa Pit laloe ditoekar namanja djadi Hindia, dan dikemoediken oleh Phoa Tjoen Hoay. Doea taon kamoedian Hindia dibrentiken terbitnja. Dalem tempo pim. tiga taon Sin Po dirobah mendjadi dagblad.
