Kapentingan orang banjak dan kapentingan diri sendiri

SinPo.id -  Koran Sin Po 13 November 1926 menulis tentang kepentingan publik dengan judul ‘Kapentingan orang banjak dan kapentingan diri sendiri’. Dalam laporannya koran Sin Po menulis kepentingan orang banyak melekat daripada kepentingana pribadi. Tulisan itu mengingatkan koran Sin Po banyak diisi oleh jurnalis pegiat peregerakan perintis kemerdekaan yang kala itu punya cita-ciota kebersamaan dalam bingkai Indonesia

Seringkali kapentingan orang banjak bertentangan dengen kita poenja diri sendiri poenja kapentingan.

Tapi sabaliknja kapentingan orang banjak begitoe sering melengket dengen kita poenja diri poenja kapentingan sendiri, hingga kaloe orang selaloe inget kapentingan orang banjak paling doeloe dengen Indirect orang perhatiken kapentingan diri sendiri.

Aken_seboet sadja satoe tjonto: bantoe djaga kawarasan pendoedoek negri ada kapentingan orang banjak, tapi itoe poen ada kapentingan dari kita sendiri, biar poen dioepamaken kita sampe tjoekoep kaja boeat piara dokter special boeat djaga kita poenja. kasehatan sendiri.

Sebab kaloe pendoedoek negri sering terserang penjakit, tida banjak sedikit tentoe itoe bakal meroegiken kita.

Kaloe kita ada saorang hartawan, kita tentoe poenja penggawe penggawe dan boedjang boedjang, dan kaloe iaorang sering sakit sebab kaadahan kampoeng dimana iaorang tinggal koerang baek boeat kasehatan, kita sendiri toeroet dapet roegi. Jalah roegi pakerdjahan dan ini berarti roegi oewang.

Tapi salaen dari roegi oewang kita poen bisa roegi kasehatan, sebab kita tida bisa hidoep sendirian dan sering moesti bergaoel dengen laen orang.

Kaloe pendoedoek poenja kasehatan ada baek, kans boeat ditoelarin penjakit tentoe ketjil sekali.