Kaoem Boeroeh Di Japan
SinPo.id - Ini masa semoea negri mengeloeh kerna saingan heibat dari barang Japan. Doeloe Duitschland perna djadi saingan keras bagi negri-negri industrie jang laen di Barat, kerna Duitschland sering banting harga boeat reboet pasar. Tapi sekarang orang Duitsch sendiri djadi tertjenggang dan iboek meliat speda Japan jang didjoeal tjoema 12 mark dan peer electrisch Japan jang tjoema 5 pfennig di Duitschland.
Sala-satoe factor jang membikin Japan bisa bersaing keras soeda tentoe jalah koers oewang yen jang sanget rendah. Dengen koers yen jang sanget rendah Japan djadi mempoenjai gegaman keras boeat dobrak ampir segala alingan di negri-negri jang, koers oewangnja masi tinggi, jaitoe jang masi peloek keras standaard mas. Tapi ada lagi laen-laen factor jang tida kalah penting dalem hal membikin Japan djadi bisa saingin negri-negri jang laen. Dalem sedikit roepa industrie, teroetama textiel industrie, Japan ada mempoenjai machinerij jang sanget up-to-date, dan method bekerdja dan administratie jang tida kalah modernnja oleh negri-negri di Barat. Tapi tida semoea industrie di Japan soeda djadi modern seperti di Barat, tida semoea bisa djalanken methode mass production jang sampoerna, dan di laen fihak kabanjakan barang bahan Japan moesti beli dari loear, tapi sekarang ampir dalem segala roepa barang Japan bisa saingin negri-negri laen dalem harganja.
GALERI | 2 hari yang lalu
HUKUM | 1 hari yang lalu
POLITIK | 1 hari yang lalu
GALERI | 2 hari yang lalu
POLITIK | 2 hari yang lalu
POLITIK | 2 hari yang lalu
GALERI | 2 hari yang lalu
EKBIS | 1 hari yang lalu
BONGKAR | 1 hari yang lalu
GALERI | 1 hari yang lalu