Telaga Ngebel
SinPo.id - Berkerdja tjepat
Bangsa Amerikaan terkenal sebagi bangsa jang practisch tjepat dan iaorang Poenja ”efficiency” djoega ternjata dalem iaorang poenja tjara bikin roemah.
Redacteur dari „Beton und Eisen”, prof. Kleinlogel kasi bebrapa tjonto - tjonto dari katjepetannja architect Amerikaan dalem hal diriken gedong- gedong jang „satinggi langit”.
Iaorang berlakoe tjepat sebab itoe gedong-gedong menelan ongkos bilang millioen dan kaloe dibikin ajal-ajalan, rente dari itoe oewang djadi ilang.
Begitoelah Equitable Building jang tingginja 165 M. dan jang telah menelen ongkos 29 millioen dollar aken roegi rente boekan sedikit, kaloe oepama itoe gedong rampoeng doea atawa tiga boelan terlaloe laat.
Aannemer L. C. Mensch telah diriken 9 tingkat, jang masing-masing 1000 Napoleon berlakoe royaal sekali dalem pembajaran gadji dari ia poenja generaal-generaal.
Napoleon poenja panglima-panglima perang poenja gadji atawa „perser? ada begitoe poenja loear biasa, hingga bisa bikin mengiri orang militair djeman sekarang.
Maarschalk Ney dapet persen begitoe banjak tanah-tanah dari Napoleon hingga oewang pachtnja sadja saban tahon ada satengah millioen livres!
Berthier dapet rente 1,200,000 tranes! Generaal Massena poenja gadji ada 900,000 francs saban tahon!
Maarschalk Davout dapet persen tanah dari Napoleon saharga 600,000, francs!
Dalem tahon 1807, Napoleon bagi persen sebagi brikoet:
Pada Berthier 1000,000 francs. Pada ampat maarschalk masing-masing 600,000 francs; pada lima maarschalk laen masing-masing 400,000 francs dan pada 26 generaal masing-masing 200,000 francs!
Tapi begimana Napoleon poenja boedi dibales oleh iaorang ?
Koetika Napoleon djato, ampir semoea balikin blakang padanja dan boekan begitoe sadja, tapi ada jang brani bales damprat pada Napoleon di waktoe ia ilang kakoeasahan.
Begitoelah maarschalk Ney antara laen-laen telah semprot pada Napoleon dengen kasar seperti brikoet: „Bikin sadja kaoe poenja testament Balatentara soeda ilang kapertjajahannja pada kaoe !’’
Napoleon mendjadi begitoe djengkel meliat dirinja diperlakoeken begitoe hingga ia minoem ratjoen, tapi iapoenja pertjobahan boenoe diri gagal.
Levy.
