TIONGKOK DAN JAPAN DALEM HIKAJAT.
SinPo.id - Kapan Tiongkok moelain adaken perhoeboengan dengen Japan ? Ini pertanjahan tentoe sadja tjoema bisa didjawab oleh hikajat dari kadoea negri. Menoeroet katanja Samuel Couling di djeman cloeloe, di bawa pamerentahannja baginda Chu Ai, satoe orang terpladjar bangsa Korea (jang bernama Wa Ni) bawa kitab Loen Y u (Loen Gie) dan sairan Tionghoa jang terdiri dari seriboe hoeroef jang berlaenan (Chien Tzu Wen) ka Japan. Orang bilang ini kedjadian dalem tahon 285 sasoedanja Jezus terlahir, tapi ini tida bisa dibilang dengen pasti. Menoeroet katanja laen tjatetan hikajat Japan koeno dalem tahon 57 sasoedanja Jezus (jalah dalem tahon ka 86 pamerentahannja baginda Sui Jin) gouverneur dari f to di Chikuzen telah adaken perhoeboengan dengen pembesar-pembesar Tionghoa.
Maskipoen tida bisa dibilang dengen pasti jang mana ada benar, satoe perkara ada tetep, jalah jang kadoea negri soeda berhoeboeng satoe pada laen sedari berabad-abad. Perhoeboengan officieel pertama dia- daken dalem tahon ka 6 dari pamerentahannja baginda Yuryaku (461 sasoedanja Jezus). Satoe oetoesan Tionghoa telah dikirim ka Japan oleh baginda dari dynastie Wu dan doea tahon blakangan oetoesan-oetoesan Japan nje- brang laoetan pergi ka Tiongkok. Koetika Sui dynastie pegang kendali pamerentahan di Tiongkok baginda Japan jang bernama Suiko telah kirim Imoko Ono ka Tiongkok dengen satoe soerat boeat keizer Tiongkok dalem tahon 607.
Dalem hikajatnja orang Tionghoa sendiri ada diseboet dalem tahon ka 20 dari Kai Huang (600) satoe oetoesan telah, dikirim dari Japan boeat keizer Sui Wen T i (Soei Boen Tee), tapi dalem hikajat Japan ini tiada ada diseboet sama sekali. Imoko Ono poenja maksoecl jalah boeat ambil kitab-kitab Boedha dari Tiongkok sendiri (tadinja kitab-kitab demikian diambil dari Korea). Dalem tahon 608 baginda Tiongkok kirim Fei Shih Ching bersama-sama Imoko Ono ka Japan boeat preksa keadahan di sana. Antara iaorang jang paling terkenal aka SaichOj K11 kai dan Kobo Taislii. Di djemannja Kiyomori Taira (kira- kira 750) pelaboehan Ilyogo (Kobe jang sekarang) diboeka boeat perdagangan dengen Tiongkok; djoega cli Kyoto, Naniwa (sekarang diseboet Osaka), Ha- .kata di Kiushiu dan Tsuruga diadaken perhoeboengan dagang antara bangsa Tionghoa dan bangsa Japan.
Koetika Khublai Kan mendjadi ber- kwasa di Tiongkok, ini keizer bangsa Mongol kirim doea generaal A Ta Hai dan Fan Wen Hu bersama 100 000 soldadoe ka Japan boeat taloekin Xegri Matahari Terbit. Tapi tida satoe moesoe bisa mendarat lantaran orang Japan melawan dengen sengit dan kapal-kapal dari Kublai Khan dibikin kleboe oleh angin angin besar. Perhoeboengan dagang tentoe sadja mendjadi poetoes, tetapi koetika dynastie Mongol dioesir dari Tiongkok dan dynastie Ming mamerentah ini perhoeboengken dagang diadaken kombali. Dalem djeman Ming di Kiangsu dan Chekiang dan blakangan djoega di l-'u- kien dan Kuangtung banjak dateng soedagar-soedagar Japan
Koetika Hidevoshi Toyotomi mendjadi premier di Japan, bangsa Japan tjobah serang Tiongkok dengen ambil djalan dari Korea. Generaal dari keizer Ming jang bernama Tsu Cheng I Isun telah dikala- ken di Ping Yang dalem tahon 1592 ; bebrapa tahon kadoea bangsa bertaroeng, tapi koetika Hideyoshi meninggal balatentara Japan ditarik poelang dari Korea. Koetika dynastie Ming ampir roeboe orang minta bantoean pada Japan, tapi ini permintahan tida diloeloesken. I)i bawa pamerentahannja Tokugawa cli Japan orang-orang Japan dilarang berdagang dengen bangsa asing. Sasoedanja di Japan diadaken perobahan itoe politiek pintoe tertoetoep dihapoesken dan consul-consul Japan dikirim ka Tiongkok boeat kapentingan dagang.
Dalem tahon 1871 Japan mendapet setori dengen Tiongkok lantaran 54 toekang ikan diboenoe mati oleh pendoedoek aseli dari Formosa jang masi biadab ;orang-orang Tionghoa tjoema tinggal di bagian Barat dari poelo terseboet. Orang Japan lantas kirim kapal perang ka Formosa boeat hoekoem itoe pendoedoek Formosa dan rampas iaorang poenja tanah, sampe pamerentah Tiongkok dateng protest lantaran anggep poelo Formosa ada Tiongkok jang poenja ; sasoedanja diadaken pembitja" rahan antara Japan dan prins Kung ini oeroesan bisa dibikin soeda dengen djalan dami, tapi Tiongkok moesti „ganti karoegian’’ 500.000 tael.... Blakangan Tiongkpk, Japan dan Korea saling bertjektjokan ? pamerentah Tiongkok pandang Korea sebagi daerah Tiongkok tapi Japan telah bikin perdjandjian dengen Korea dalem percljan- djian mana Japan akoe Korea sabagi negri merdika.
Tapi dalem tahon 1882 di Korea terbit hoeroe-hara dan bakar gedong oetoesan Japan di Seoul. Tiongkok kirim balatentara ka sana cli bawah pamerentahannja W u Chang Ching, Yuan Shi Kay dan Ma Chien Chung. Dalem* tahon 1884 kombali gedong oetoesan Japan di Seoul diserang, dan blakangan prins Ilirobumi Ito telah di boenoe mati oleh saorang Korea di Harbin. Oeroesan Korea berboentoet pandjang dan pada tanggal 1 Augustus 1894 Tiongkok dan Japan mendjadi berperang lantaran perkara Korea; Tiongkok kala dan sedari itoe koetika boleh dibilang saban-saban Tiongkok dipertjoendangin oleh Japan. Itoe 21 paksahan dalem tahon 1915 teroesa dibitjaraken lagi.
Pemboycottan Japan jang memangnja saban-saban soeka mati sendiri mendjadi linjap lantaran itoe gempali 1)oemi jang besar di Japan, tapi timboel lagi laen perkara, lantaran banjak orang Tionghoa telah „kesalahan" di boenoe di Japan. . . . Tiongkok dan Japan sampe di ini masa belon bisa dianggep mendjadi doea sobat, tapi ada orang jang ramal- ken satos tempo ini doea bangsa koelit koening maoe tida maoe moesti berkerdja sama-sama lantaran mempoenjai satoe kapentingan sebagi bangsa koelit koening. Betoel tidanja ini ramalan aken berboekti di kamoedian liari.
