TERLALOE MAHAL. SATOE TJERITA
SinPo.id - Seperti orang taoe Monaco ada satoe keradjahan ketjil di mana radja nja idoép dari oewang djoedi dari tempat perdjoedian jang termashoer Monaco jang tersohor. Sebagi djoega laen-laen 5,karadjahan,,) Monaco poen ada mempoenjai satoe balatentara dari .... 60 orang. Keadahan di Monaco ada aman, tapi pada satoe hari saorang telah diboenoe dalem karadjahan Monaco. Ini belon perna kadjadian sedari Monaco ada di doenia. Pemboenoenja lantas ditangkep dan diseret di hadepan hakim jang lantas nia m e reksa dengen setjara officieel dan sembari oesap-oesap djenggot soepaja kaliatan angker seperti hakim dalem negri besar. Hakim djatoken hoekoeman mati padanja, lantaran ia poenja dosa berboekti dengen njata, Itoe vonnis didjatoken clengen sampe gampang, tetapi siapa jang moesti boenoe itoe pendjahat ? •Orang moesti taoe di Monaco tida acla sedia algodjo. Radja Monaco panggil ia poenja minister-minister bersidang dan sasoedanja berempoek orang poetoesin boeat soeroe sala satoe soldadoe boenoe itoe pendjahat Djendraal besar dari Monaco lantas panggil ia poenja balatentara dari 60 orang dan lantas tanja siapa jang maoe djadi algodjo. Tapi tida ada satoe soldadoe jang maoe mendjadi algodjo. Lantaran ini kombali radja Monaco bikin persidangan minister dan sekarang orang ambil poetoesan boeat pindjem pekakas guilottine boeat boenoe si pendjahat pacla Frankrijk.
Pamerentah Fransch kasi djawaban : „Boleh pindjem, tapi moesti bajar ongkos 12.000 francs”. Tapi ini djoembla ada terlaloe besar dan kaloe Monaco moesti kaloearken oewang begitoe banjak, belasting bakal mendjadi terlaloe berat dan pendoedoek Monaco boleh djadi aken terbitken revolutie. Radja Monaco kombali berhimpoen dan sekarang orang poetoesken boeat minta sewah tiang penggantoengan dengenalgodjo pada pamerentah Itatie. Sebab Italië ada satoe karadjahan dan Frankryk ada satoe republiek dan pamerentahan republiek tida begitoe pandang pada ladja-radja. Pamerentah Italië betoel sadja minta bajaran moerahan, jalah 6000 francs tapi djoega ini ada masi terlaloe berat boeat financiën Monaco. Boeat sakean kalinja radja Monaco bersidang dan sasoedanja menimbang pergi dateng orang poetoesken itoe pendjahat poenja hoekoeman moesti dirobah. Kadja Monaco berkata: „Anem riboe francs! Si Bangsat poenja harga ticb begitoe banjak Ia kaloearken maloemat, jang si pendjahat poenja hoekoeman mati dirobah mendjadi hoekoeman pendjara saoemoer hidoep ….
Satoe soldadoe disoeroe djaga ini pendjahat dan saban hari ini soldadoe moesti ambil makanan boeat ini satoe persakitan dari dapoer astana radja. Sasoedanja ia ditoetoep satoe tahon, ternjata ia poenja onkost makan acla besar sekali dan apa maoe ini pendjahat oemoernja ada moeda sekali, hingga ia masi bisa hidoep 50 tahon lainanja. Radja Monaco kombali bersidang dengan ia poenja minister-minister boeat bitjaraken ini soeal penting boeat begrooting negri. Sasoedanja orang beroending boelak balik orang ambil poetoesan boeat lepas sadja padanja, tetapi tentoe sadja tida dengen teroes terang sebab selempang nanti terbit revolutie. Diam-diam itoe soldadoe djaga disoeroe pergi dan pintoe boei dipentang besar-besar soepaja si pendjahat ”lari”…..
Betoel sadja si pendjahat kaloear dari toetoepan, koetika liat tida ada soldadoe djaga. Tapi di waktoe malem ia balik kombali dan koetika liat tida ada soldadoe jang biasa ambilin ia makanan dari dapoer astana, ia sendiri ambil makakandari dapoer astana dan sasoedanja makan kenjang ia toetoep pintoe boei dari dalem. Besoknja ia berboeat begitoe lagi dan noesanja begitoe lagi .,..
Radja Monaco mendjadi bohwat dan kombali adjak ia poenja minister-minister bersidang. Sala satoe minister voorstel boeat kasi taoe pada si pendjahat dengen teroes terang jang ia moesti lari. Ini voorstel ditrima semoea soeara, tetapi sitaoe ia tida maoe pergi Monaco telah djatoken dengen ampir pendjahat kasi sebab ia bilang ia hoekoeman saoemoer hidoep dan itoe hoekoeman Monaco moesti kasi djalan sampe abis. Lantaran abis pengharepan radja Monaco teeken accoord dengen ini pendjahat jang mendjadi perongrongan dan djandji aken kasi ia oewang saban tahon, asal' sadja ia berlaloe dari Monaco. Si perongrongan trima baek ini poetoesan dan sasoedanja berdjalan Kirakira 10 minuut ia soeda lintasin negri Monaco poenja wates. Saban tahon ia balik boeat minta ia poenja oewang dari pamerentah Monaco jang sajang oewang........
