Soerat kabar Tionghoa di Tiongkok.

Bangsa Tionghoa ada bangsa jang paling doeloe dapetken ilmoe menjitak, berabad-abad lebih doeloe dari Coster atawa Gutenberg di Europa. Koetika Coster belon „ada aer-aernja’’ Feng Tao telah dapetken ilmoe aken menjitak. Tida poen heran di Tiongkok orang . telah menjitak paling doeloe dan disana terbit soerat kabar jang paling toewa dalem doenia. [ni soerat kabar ada soerat kabar Ching Pao atawa Peking Gazette jang kira-kira seriboé tahon toeanja.

Tapi sebagi djoega laen-laen perkara begitoe poen pers di Tiongkok tadinja mandek, dan baroe dalem kira-kira 30 tahon jang paling blakang journalisme cli Tiongkok bernjawa dan moelain dari sekarang bertindak madjoe dengen keras. „Soerat kabar'! Tionghoa jang pertama diterbitken dibawa pamerentah Man Chu ada salinan-salinan dari H o n g - kon Daily Press atas Dr. Wu Ting Fang almarhoem poenja ichtiar. Begitoepoen soerat kabar D a i 1 y Mail diterbitken djoega dalem bahasa Tionghoa.

Menoeroet katanja toean Li Sum Ling, vice-president dari Press Congress of China doea „soerat kabar” salinan terseboet dikaloearken kira-kira dalem tahon 1840. Jang batja ini doea soerat kabar Tionghoa tida sebrapa...................

Dalem tahon 1872 Mr. Mayor terbitken soerat kabar S h e n P a o di Shanghai. Delapan tahon belakangan orang terbitken soerat kabar H u P a o. Kira-kira 12 tahon sasoedanja H u P a 0 diterbitken orang kaloearken soerat kabar Sin Wen P a o. Ini tiga soerat kabar mendjadi pioniers dalem lapangan pers Tionghoa. Sekarang soeda ada kira-kira 2000 soerat-soerat kabar harian ; tapi antaranja tjoema baroe ada kira-kira 400 jang berpengaroe.

Dalem tahon 1895 tjoema ada 12 soerat kabar harian di antero Tiongkok; djadinja dalem kira-kira 25 tahon djoem- blanja soerat kabar harian Tionghoa naek dengen kira-kira 15.000 pCt! Pengaroehnja pers poen ternjata da- em' revolutie dalem tahon 1911 ; itoe revolutie jang bisa bikin roeboe karadjahan Manchu sebagian besar bisa didjalanken lantaran pers Tionghoa poenja pengaroeh.

Soerat-soerat kabar Tionghoa pelahan- pelahan terbitken apa jang dinamaken „public opinion”. Selaennja soerat-soerat kabar biasa, di Tiongkok poen banjak tydschrifc-tyd- schrifc dalem bahasa Tionghoa dari roepa-roepa haloean dan matjem.

J. W. Farnham, Y. J. Allen 'dan Ti' mothy ada orang-orang pertama jang terbitken tydschrift'boeat oeroesan igama (Christen) dalem bahasa Tionghoa sebagi Chung Hsi Chiao Hui Pao (sedari 1891), Chiao Hui H sin Pao (1894) dan Wan Kuo Kung Pao (1888).

Djoega Hsien Hwa Pao (The Advocate) ada soerat kabar igama, jalah organ dari kaoem American Methodist Churches; ini soerat kabar boekan sadja di batja di seloeroe Tiongkok, tetapi poen di loear negri sebagi Straits.

Selaen dari ini masi banjak laen-laen soerat kabar jang berhoeboeng dengen igama Christen. Djoega orang-orang jang berigama Boedha ada mempoenjai iaorang poenja tydschrift-tydscgrift sendiri. Tapi antara tydschrift-tydschrift jang tersangkoet dengen igama S h i Chao Y u e h Pao barangkali jang paling banjak dibatja; ini monthly dari orang Christen, kaoem Seven Day Adventists, dalem tahon 1916 disiarken 53 riboe bidji dalem satoe boelan! Apa jang dibitjaraken dalem ini tydschrift tentoe sadja soeal-soeal igama sebagi „Kasoe- tjihannja Sabbath”, ”Hikajatnja Enoch’’ atawa „Astronomie dan igama’’.

Antara tydschrift-tydschrift Tionghoa biasa moesti diseboet: Tah Chung Hwa, Toeng Fang Chah Chih, dan Min Toh Chah Chih. Jang terseboet paling blakang sebagi djoega Toeng Fang Chah Chih diterbitken oleh Commercial Press di Shanghai. Min Toh Chah Chih telah kaloearken..................

Nietsche-nummer dan Bergson-nummer dan Toeng Fang Chah Chih sering moeat gambar-gambar bewarna dari kunstenaar Barat sebagi „Rosen” dari W. B-.anke, atawa „Tyrrhenische Kuste”’ dari Francesco Gioli. Ilmoe-ilmoe jang paling baroe sebagi penerbangan, psychology, atjapkali dibitjaraken.

Selaen dari ini ampir sasoeatoe seko" lah besar di Tiongkok kaloearken iaorang poenja tydschrift-tydschrift sendiri. Kita tjoema bantoe harep jang dengen pertoeloengannja pers bangsa Tionghoa bisa mendjadi mendoesin betoel-betoel soepaja bisa berlomba dengen laen-laen bangsa dalem roepa-roepa . lapangan pengatahoean dan mendjadi satoe bangsa jang terindah !