G A N D H I

SinPo.id -

G A N D H I

Sala-satoe pemimpin jang paling Moelia dari Hindia-Inggris adalah Gandhi jang sekarang beroesia 51 tahon.

Dalem paperangan doenia Engeland dapet banjak bantoean dari ia poenja djadjahan dan Engeland bales itoe boedi dengén bebrapa. . . . djandjian bagoes berhoeboeng dengen kamadjoeannja Hindia Inggris dalem perkara politiek.

Tetapi seperti sering terdjadi, Engeland kabetoelan „loepa” ia poenja perdjandjian dan sabagi protest atas kalakoean tjoerang begitoelah di Hindia hggris orang adaken gerakan Non- cooperation, jang dikapalaken oleh Sandhi.

Gerakan Non-Cooperation ingin soepaja rahajat Hindia tiada maoe ber- °eroesan sama sekali sama pamerenta- han Inggris dan sabagi satoe pemimpin jang djoedjoer Gandhi sendiri jang kasi toeladan.

Ia poetoesken sama sekali perhoe- boengan dengen bangsa Inggris? djoega pakean atawa poen makanan jang berasal dari orang Inggris ia tiada soedi pake atawa goenaken.

Dari itoe koetika ia tjoema pake pakean poeti jang saderhana dari kaen bikinan Hindia sendiri dan segala kasenangan jang ia bisa dapet dari barang- barang boeatan Inggris ia toelak dengen keras.

Kadjoedjoerannja Gandhi poenja maksoed dan soetjinja ia poenja sifat-sifat sampe moesti diakoeh.............. oleh bangsa Inggris sendiri.

Ia poenja gelaran „Mahatma” atawa „Orang Moelia” ia dapet dari fihak Inggris.

Maskipoen ia mendjadi pemimpin dari pergerakan politiek, ia sama sekali boekan orang jang aoes dara, tetapi teroes tinggal saorang jang bersoedjoet dan tjari kaadilan boekan dengen korbanken laen orang, tetapi korbanken diri sendiri.

Gandhi sendiri perna bilang: „Kabanjakan orang jang akoe telah katemoeken dan jang bilang iaorang ada bersoedjoet pada igama, sabenernja ada politikoes-politikoes jang menjaroe; akoe sabaliknja dipandang sabagi polir ticus, tetapi dalem akoe poenja hati akoe ada saorang jang berigama.”

Tapi pamerentah Inggris telah toetoep Gandhi dalem pendjara.

Dan koetika baroe ini dalem Legislative Council Sehagiri Ayer minta soepaja Gandhi, Mohamad Ali dan Lala Lajpat Raj (jang dapet hoekoeman pendjara berhoeboeng dengen oeroesan Karachi bebrapa tahon lamanja) dilepas Sir Malcolm Hailey bilang............ Gandhi sendiri telah toelis dalem soerat ia merasa senang dalem boei dan ia dapet rawatan jang sampe baek !

Pengabisan itoe voorstel ditoelak dengen 22 melawan 40 swara.

Gandhi dapet hoekoeman 6 tahon boeat ia poenja??dosa”. . . . di matanja John Bull.

Tapi djoega antara orang Hindia sendiri banjak jang tjelah Gandhi poenja politiek, maskipoen rata-rata akoeh ia poenja kadjoedjoeran dan kamoeliahan.

Begitoelah Jinarad Jadasa, itoe theosoof Hindoe dari Adyar (dekat Madras) jang terkenal bilang, Gandhi timboel- ken perasahan bentji pada sasama manoesia maskipoen Gandhi sendiri satoeloesnja tjinta sasama manoesia ;ia boekan tjelah Gandhi poenja diri, tapi Gandhi poenja gerakan jang didjalanken koerang hati-hati.

Romain Rolland, itoe penoelis Fransch jang termashoer, telah kasi poedjian tinggi pada Gandhi dalem tydschrift Europa.

Kaadahan di doenia soenggoe aneh... Orang jang begitoe moelia dipendjara anem tahon lamanja.

Sabaliknja antara orang-orang jang sabenernja ada bangsat-bangsat besar atawa tiada bisa toeroet Gandhi poenja klingking dalem katoeloesan masi banjak jang pegang pangkat tinggi dan dihormatin....